Xa sabes que dende a app de R (e dende a web) se pode facer case todo, menos unhas filloas ou uns ovos fritidos . A todas as súas funcionalidades, agora únese a de suspender de xeito temporal o teu servizo.

Ollo! este servizo só está dispoñible para os clientes que teñan contratado un combo marmota. O combo marmota é exclusivo para clientes de fixo que están conectados á rede de fibra óptica de R, e que tamén queren desfrutar destes servizos na súa segunda vivenda.

É moi raro que ao ter contratado dous combos, en dúas localizacións diferentes, esteas empregando os seus servizos ao mesmo tempo. Por iso R che dá a posibilidade de suspender de xeito temporal e inmediatamente un deles.

Suspensión temporal do servizo

A app de servizos de R (dispoñible para Android e para IOS) e a web, permite desactivar un dos teus combos contratados.

Dende a app tes que facer isto:

    1. Vai a “os meus produtos e servizos” > “suspensión temporal de servizo”:widget
    2. Escolle o combo que queres suspender temporalmente:widget
    3. Indica o día e hora á que queres activar o combo da túa segunda vivenda e desactivar o teu combo principal:

widget

Antes de estar dispoñible esta funcionalidade na app podíase solicitar a suspensión do servizo, pero había que agardar entre 24 e 48 horas para que fose efectivo. Ademais, a suspensión tiña unha duración mínima.

A partir de agora poderás suspendelo cando ti queiras sen tempos de agarda e o periodo de tempo que precises, como se se trata só dun día .

Xa ves, case todo se pode facer dende a app de R. Agora ímosche recordar máis cousas que se poden facer dende ela:

Lembra que podes seguir a nosas novidades en Twitter, Facebook, Instagram e na nosa canle de Telegram.

Un saúdo!