Ola. Hoxe ensinámosche a configurar desde a app de R (dispoñible para Android e para iOS) o contestador do teu teléfono fixo. Situación: estou fóra de casa e espero unha chamada. Solución R: enviámosche ao correo electrónico as mensaxes que che deixen no contestador e vía fax. Útil, verdade? 
En R pensamos que a diario xa tes bastantes preocupacións como para perder un recado importante que che deixen no contestador de casa. Imaxina que che anularon unha cita, non escoitaches a mensaxe e quedaches plantado. Aí é cando pasa pola túa mente algún emoticono e pensas que ben che viría ter activada a función “reenvío de mensaxe a correo electrónico”. Nin che contamos, o práctico que é se estás de viaxe.
En que consiste? É un servizo que che permite reenviar ao teu correo electrónico as mensaxes de voz e fax. Podes escoller entre recibir todas as mensaxes, só os de voz ou só os faxes. Á túa caixa de correo chegará un correo cun arquivo .WAV se che deixaron unha mensaxe de voz e un arquivo .TIF se recibiches un fax.
Para activalo rapidamente dende o móbil, entra na app de R e segue a ruta configurar > configurar teléfono > configurar contestador voz e fax
Se é que dende a app de R podes facer de todo, menos aprender inglés . Descárgaa xa se tes un móbil Android ou un iPhone.
Aquí tes máis posts sobre a app de R:
- App de R: controla o gasto do teu teléfono móbil
- App de R: como configuro os desvíos de chamadas e contestador?
- App de R: como configuro as restricións na miña liña de móbil de R?
- App de R: configuración do router dende o móbil
- Actualizamos a nosa app en Android (agora con widget)
- App móbil para Android da web de clientes
Un saúdo!