María Pita é testemuña inmóbil cada ano das actuacións dos grupos do momento. O escenario perfecto para gozar da música ao aire libre e gratis. Queres saber cales son os concertos de María Pita 2024 en agosto? Pois estás no lugar adecuado.
O verán é para divertirse e na parroquia de Esteiro, en Muros, fano como mellor saben: con enxeño, velocidade e moita arte. Cada ano a terceira fin de semana de xullo a parroquia coruñesa de Esteiro celebra as Carrilanas de Esteiro 2024, do 19 ao 21 de xullo, que divirte tanto aos seus participantes como aos que se achegan a velas.
Celebrar a nosa historia é unha forma de lembrar de onde vimos e en Noia levan 25 anos conmemorándoa do mellor xeito posible. A Feira Medieval de Noia 2024 é unha das máis coñecidas de Galicia e este ano aumenta un día de festa e celebrarase do 18 ao 21 de xullo.
Se hai unha festa do verán galego que máis peculiaridades acolle, é a Festa da Dorna de Ribeira. Do 18 ao 24 de xullo de 2024, a capital do Barbanza enchese de peculiares e divertidos xogos, concertos e diversión na Festa da Dorna de Ribeira 2024. Uns días nos que a típica embarcación local é a escusa para confraternizar e pasalo ben. Contámosche os horarios, o programa e a historia.
O que nunca falta nunha boa festa galega é comida e bebida en abundancia. E na Festa do Albariño de Cambados conmemoran un deses imprescindibles: o viño. Do 31 de xullo ata o 4 de agosto Cambados celebra a súa famosa Festa do Albariño 2024. Consulta aquí o programa, as datas e os concertos para non perder detalle.
A capital de Galicia, afeita a recibir cos brazos abertos a todos os seus visitantes, recibe na segunda quincena de xullo un aluvión de turistas e de peregrinos debido a que Santiago de Compostela, e toda Galicia, conmemoran o día do Apóstolo, o 25 de xullo, festivo en Galicia.
Despois duns anos de espera, volve o gran evento olímpico e queremos ofrecerche a posibilidade de vivilo como se merece. Ao ser cliente de R podes sentir toda a emoción dos Xogos Olímpicos Paris 2024 en Eurosport sen custo adicional.
É falar das festas de Bouzas e pensar enseguida no verán e nos seus fogos artificiais. As festas de Bouzas son, seguramente, as máis famosas de todos os barrios de Vigo grazas ao gran espectáculo pirotécnico do seu día grande. Este ano serán entre o 18 e o 23 de xullo de 2024.
O mes de xullo en Galicia por excelencia é o mes dos festivais de música. Hainos de todo tipo, dende os que traen as estrelas máis populares do momento ata os máis especializados. Ese é o caso do Festival de Ortigueira, que despois de 38 anos é coñecido mundialmente. Como é habitual na segunda fin de semana de xullo, este ano do 11 ao 14 de xullo, Ortigueira encherase de música celta.
Son moitas as festas que en xullo enchen as vilas e as cidades de Galicia. Pero en Betanzos conmemoran unha feira con máis de seis séculos de historia. É a Feira Medieval de Betanzos 2024, do 11 ao 14 de xullo. Durante catro días, a vila coruñesa engalánase con postos e actuacións artísticas que fan viaxar a veciñanza e os visitantes máis de 600 anos atrás. Consulta aquí o programa da Feira Medieval de Betanzos 2024 para saber os horarios, datas e actividades.
A localidade coruñesa de Mugardos rende o sábado 13 de xullo homenaxe ao seu produto gastronómico local máis popular, o polbo, cociñado ao estilo mugardés. Aquí tes toda a información imprescindible sobre a "Festa do Polbo de Mugardos".
Galicia está chea de recunchos con vistas marabillosas e espectaculares e nos últimos anos os miradoiros evolucionaron para atraer máis visitantes. Primeiro foron os bancos e agora os bambáns. Hoxe seleccionamos os mellores bambáns de Galicia coas mellores panorámicas do noso territorio.
Entre os lugares máis cotizados e buscados de cada verán figuran, nun lugar ben destacado, os chiringuitos. Eses locais a pé de praia que ofrecen unha mestura imbatible de música, gastronomía e mar, nos que as horas se pasan voando e dos que te resistes a irte. Aquí tes a nosa pequena selección de chiringuitos de praia en Galicia.
As festas de verán ou patronais enchen nos meses de verán todas as vilas e cidades galegas. Boiro, en pleno corazón do Barbanza, non ía ser menos. As festas de Boiro 2024 encherán a vila mariñeira de música e diversión para todos os públicos do 5 ao 10 de xullo de 2024.