Ada: significado e orixe do nome

Existen nomes evocadores que con tan só lelos ou pronuncialos transmiten a sensación de ter varios significados e de estar cargados de curiosidades e de simbolismos. Ada é un deses nomes. Ademais, é un denominativo que adoitan ter persoas galegas, senón habitantes de países da parte central de Europa.

Hoxe en día, estímase que este nome é utilizado por preto de 300 persoas en Galicia, polo que non é un nome moi común aquí. Deste xeito, é perfecto para aquelas nais e pais que buscan poñerlle ao seu bebé un nome único, orixinal e bonito.

Orixe do nome de Ada

O nome de Ada ten unha orixe moi afastada. Crese que comezou a utilizarse no ano 400 d. C. e que procede da raíz germánica Adal que está relacionada co inglés antigo. Este nome comezou a usarse en Alemaña e no Reino Unido, aínda que tamén se atopou en comunidades situadas no territorio actual de Dinamarca, Francia, Islandia e a República Checa.

Doutra banda, tamén está presente a teoría de que este nome podería ter unha procedencia hebrea, onde aparecería escrito como Hada ou Hadda. Esta teoría sostense en que no Antigo Testamento aparece o nome de Ada que é como se chamaba a primeira esposa de Esaú.

Nalgúns idiomas mesmo é un nome derivado ou utilizado de forma cariñosa para referirse a Adelaida e Adela.

Significado do nome de Ada

Sobre este nome recaen diferentes significados que proceden do aspecto etimológico e do apartado simbólico do mesmo. O significado etimológico que procede da súa raíz do inglés antigo é amigable, bondadosa ou nobre.

Se temos en conta a teoría hebrea, o significado de Adda sería “a que irradia alegría” ou ben “adornada (por Deus)”.

Mulleres co nome de Ada

Destacamos aquí algunhas mulleres destacadas na historia que recibiron este nome ou ben figuras femininas famosas na actualidade:

• Ada Lovelace foi unha das primeiras mulleres que pasaron á historia por ter ese nome. Viviu durante o século XIX e foi unha das matemáticas máis importantes da época.
• Ada Yonath é unha veterana científica israelí.
• Ada Nicodemou: actriz
• Ada Maris: actriz.
• Ada de Caria: gobernadora da rexión de Caria (actual zona de Turquía) no 340 a. C.
• Ada de Holanda: condesa de Holanda entre os anos 1188 e 1223.

Ada tamén era a protagonista da novela Ada ou o ardor (1969), para moitos a obra mestra do escritor Vladimir Nabokov.

Como se escribe Ada noutros idiomas

Neste caso, Ada escríbese en galego igual que noutras linguas, co que non hai confusión posible.