As festas de San Froilán en Lugo 2026 son unhas das máis populares do outono galego. Declarada Festa de Interese Turístico Internacional, as súas casetas de polbo, os concertos e citas tan soadas como o Domingo das Mozas atraen cada ano a miles de visitantes á "Cidade da Muralla" do 4 ao 12 de outubro. Consulta aquí os concertos e o programa de San Froilán Lugo 2026.
Xa o dicía Álvaro Cunqueiro: As festas do San Froilán son "as máis belas do outono galego".
Entre o domingo 4 e o luns 12 de outubro, Lugo é unha auténtica festa repleta de música, gastronomía, tradición, fogos artificiais, charangas, desfiles de cabezudos, tómbolas, espectáculos de maxia e unha infinidade de actividades para todos os gustos e todos os públicos.
Programa da festa de San Froilán Lugo 2026
As festas de San Froilán 2026 comezan o día 4 de outubro co acendido das luces, sesión de fogos artificiais e pregón na praza Maior.
O día 5 de outubro, día de San Froilán, festivo en Lugo 2026, é o día grande das festas. Xornada de eventos solemnes, como a misa na Catedral, e de ambiente festivo nas rúas, repletas de música e de actividades.
O broche final á festas do San Froilán 2026 pono cada ano, o día 12 de outubro, unha gran Feira Medieval situada na praza da Catedral e nos arredores da muralla romana, con cabaleiros, damas, xograres, oficios tradicionais e exhibicións de cetrería.
Entre inicio e peche, ocasión para tomar un bo polbo, gozar dos concertos, subirse a atraccións míticas como o Gran Prix, reencontrarse coa tradición do “Domingo das Mozas” e diversión para os máis pequenos co "San Froilán Miúdo".
Orquestras San Froilán Lugo 2026
O Concello de Lugo aínda non publicou o programa completo das festas de San Froilán de Lugo 2026, pero xa anunciou algúns eventos, como as orquestras que van a actuar. Toma nota:
Na Praza Maior, diante da Casa do Concello, actuarán as orquestras:
- Marbella
- Principal
- Los Satélites
- Acordes
- Grupo Beatriz
- Punto Clave
- América
- Suavecito
- Escaparate (día 12, a las 13:00 horas sesión vermú)
- Costa Dorada (día 12, a las 19:00 horas)
Tamén actuarán noutros enclaves da cidade estas orquestras:
- París de Noia, o día 5 en Augas Férreas.
- Panorama City, o día 8 en Agro do Rolo.
- Panorama, o día 12, pendente de ubicación.
Máis actuacións do San Froilán Lugo 2026
O Concello tamén anunciou que este ano contarán con propostas dirixidas especialmente ao público máis novo, como o Espazo Hip Hop, San FroiDance e o Electronic Lucus Fest.
Confirmadas tamén, na Praza de Santa María, pero sen data concreta, son as actuacións de:
- Banda Filarmónica e Brath.
- Orquestra Terranova, con espectáculo de zanfonas.
- Grupos locais de música.
- San Froilán Sorrí, con monólogos de humor.
- El Kiki e Cante das Minas, cun espectáculo de Teatro Real.
- Cántigas e Frores.
- Airiños de Orbazai.
- Asociación de Gaiteiros.
- Xisco Feijoo.
Outras actividades de San Froilán Lugo 2026
Este ano tampouco faltarán no programa das festas de San Froilán de Lugo 2026:
- A Feira do Mel, na Praza de Santo Domingo.
- O San Froilán Tecedeiro.
- A Mostra de Coches Clásicos.
- O Mercado Medieval.
Cando o Concello de Lugo faga público o programa completo contarémoscho todo aquí. Polo de agora toma nota dos eventos confirmados pola organización:
Domingo, 4 de outubro 2026
- 12:00 h. Balcón da Casa do Concello: Pregón.
- Na Praza Santa María: Actuación de corais.
- Na Praza Maior: Verbena popular coa orquestra Marbella.
Luns, 5 de outubro 2026: San Froilán
- 12:00 h. Catedral de Lugo: Ofrenda da Corporación municipal a San Froilán.
- Na Praza Maior: Verbena popular coa orquestra Principal.
Martes, 6 de outubro 2026
- Na Praza Maior: Verbena popular coa orquestra Los Satélites.
Mércores, 7 de outubro 2026: Día dos Maiores
- Na Praza Maior: Verbena popular coa orquestra Acordes.
Xoves, 8 de outubro 2026
- Na Praza Maior: Verbena popular co Grupo Beatriz.
Venres, 9 de outubro 2026
- Na Praza Maior: Verbena popular coa orquestra Punto Clave.
Sábado, 10 de outubro 2026
- Na Praza Maior: Verbena popular coa orquestra América.
Domingo, 11 de outubro 2026: Domingo das Mozas
- Na Praza Maior: Verbena popular coa orquestra Suavecito.
Luns, 12 de outubro 2026
- Durante todo o día: Mercado Medieval.
- 13:00 h. Na Praza Maior: Sesión vermú coa orquestra Escaparate.
- 19:00 h. Na Praza Maior: Verbena popular coa orquestra Costa Dorada.
- Verbena popular coa orquestra Panorama.
Concertos de San Froilán de Lugo 2026
É sen dúbida un dos maiores atractivos do San Froilán: a súa ampla axenda de concertos e actuacións musicais. Ás bandas de música e de gaitas habituais dos primeiros anos, súmanse agora grupos e artistas de múltiples estilos.
Resumimos por aquí os principais concertos San Froilán de Lugo 2026 polas noites:
Domingo, 4 de outubro 2026
- Horta do Seminario: Concerto de Nil Moliner.
Luns, 5 de outubro 2026: San Froilán
- Horta do Seminario: Concerto de Pica Pica e de Sidecars.
Martes, 6 de outubro 2026
- Horta do Seminario: Concerto de 9Louro e de The Rapants.
Mércores, 7 de outubro 2026: Día dos Maiores
- Horta do Seminario: Concerto de Lucho RK e de Santiago Auserón.
Xoves, 8 de outubro 2026
- Horta do Seminario: Concerto de Celtas Cortos.
Venres, 9 de outubro 2026
- Horta do Seminario: Concerto de Malú.
Sábado, 10 de outubro 2026
- Horta do Seminario: Concerto de Juan Magán.
Domingo, 11 de outubro 2026: Domingo das Mozas
- Horta do Seminario: Concerto de La Penúltima.
Luns, 12 de outubro 2026
- Horta do Seminario: Concerto de Los Diablos.
San Froilán Miúdo 2026
Os/as máis pequenos/as da casa teñen o seu espazo propio no San Froilán: o San Froilán Miúdo, con actividades pensadas especialmente para eles/as.
Xogos, espectáculos de circo e acrobacias, monicreques, baile e canto tradicional... Así é o programa de San Froilán Miúdo 2026, no recinto do aparcadoiro do Seminario (Avenida Anxo López Pérez).
O Concello de Lugo aínda non publicou o programa completo do San Froilán Miúdo 2026, pero confirmou algúns eventos, dos que vos imos falar a continuación.
O programa do San Froilán Miúdo 2026 comezará en setembro con Peludez, que realizará 30 visitas a centros educativos de Lugo, incluídos CEIP, escolas infantís e o HULA, para achegar o espírito das festas aos máis peques.
Durante o San Froilán 2026, Pica Pica será unha das principais atraccións, cun espectáculo musical infantil. O 5 de outubro, ás 12:00 horas na Horta do Seminario, tamén está confirmado o espectáculo itinerante Diminuts e o Carrusel Ambulante, entre outros.
Outro atractivo para os máis peques durante as festas son as atraccións de feira, que estarán abertas do 26 de setembro ao 12 de outubro, ampliando as opcións de lecer para os máis pequenos durante todo o período festivo. Ademais, haberá un Día do Neno, no que se ofrecerán atraccións a prezos reducidos.
As casetas do polbo no San Froilán Lugo 2026
Se algo non pode faltar nas festas de San Froilán de Lugo son as casetas do polbo nas que degustar o tradicional "pulpo á feira".
Unhas casetas cunha longuísima tradición. Queres saber cando chegaron as casetas do polbo ao San Froilán?
Existen testemuñas de veciños pedindo casetas con teitos de palla para servir polbo no ano 1846.
Con todo, as que poderiamos chamar primeiras casetas son dos anos 60 e popularizáronse especialmente nos 80. Trátase de casetas de madeira, tamén coñecidas como "garigolos", nas que as/os pulpeiras/os preparan polbo en caldeiras de cobre.
O "Domingo das Mozas"
O “Domingo das Mozas” celébrase o domingo posterior ao 5 de outubro, día de San Froilán, polo que en 2026 é o domingo 11 de outubro.
Por que "Domingo das Mozas"? Crese que se debe á gran cantidade de mozos dos arredores que ese día se achegaban a Lugo para buscar noiva. Na actualidade, sexa ese ou outro o motivo, o certo é que ese día as rúas se atopan a rebordar de visitantes :)
Ademais, é tradicional que veciños/as e visitantes saian á rúa ataviados/as co traxe tradicional galego dispostos a homenaxear como se merece o folclore galego e realízase tamén unha ofrenda a Rosalía de Castro.
Nos últimos anos o día previo ao "Domingo das Mozas" dedícase o día a Ferrol, cidade coa que Lugo ten unha irmandade, con intercambio de visitas oficiais incluído. Os/as ferroláns/as "devolven" a honra nas súas Festas do San Xiao.
Quen era San Froilán?
As festas de San Froilán celébranse dende 1754 e honran a figura do patrón da cidade.
San Froilán naceu en Lugo no ano 832. Fillo dos condes de Lugo, dende moi novo inclínase pola formación relixiosa e a vida ermitá, que o leva a retirarse e a vivir en soidade nas montañas do Cebreiro e do Bierzo.
Precisamente nun dos seus solitarios paseos por eses montes e grutas vive, segundo a tradición, un dos episodios máis importantes da súa vida. Mentres se atopaba rezando, un lobo achégase a el e ao seu asno e devora ao animal. Pero San Froilán mírao con tal tenrura e comprensión que o lobo inclina a cabeza e dende ese momento convértese no fiel compañeiro que levará polo mundo as súas alforxas. Esta imaxe é a que se mantén como a representación máis recoñecible e habitual de San Froilán.
Decisiva foi tamén a súa amizade con San Atilano, monxe como el, e que o acompañaría na súa labor de predicación e fundación de dous mosteiros á beira do río Douro: Tábara e Moreruela de Tábara. Porque a fama de San Froilán chegou a oídos do mismísimo Alfonso III, que vía nel un personaxe fundamental para a súa ansiada Reconquista, e estendeuse por Galicia e León, cidade da que foi bispo e en cuxa catedral está enterrado.
Por entón xa era obxecto de devoción entre os veciños de Lugo e de León e, anos despois, o papa Urbano II convérteo en santo.
San Froilán: de santo a patrón da cidade de Lugo
En 1600, a diocese de Lugo establece o San Froilán como festa eclesiástica que se celebra o 5 de outubro, coincidindo co aniversario da súa morte. Cinco anos despois, San Froilán convértese no patrón da cidade.
Inicialmente, as festas de San Froilán asociábanse fundamentalmente a unha feira e mercado de gando, por aqueles tempos a máis importante de Galicia. Unha cita para os vendedores de froitas, mel ou apeiros de labranza.
Co paso dos anos, impúxose o espírito lúdico e festivo; as festas gañaron popularidade e a axenda de actividades diversificouse e multiplicouse.
Non deixes pasar a ocasión de probar o polbo das casetas e de gozar do grande ambiente dunha cidade que respira festa alí por onde vaias. A túa cita co San Froilán de Lugo 2026 é do 4 ao 12 de outubro.
Fonte imaxe cabeceira: Cultura e Turismo de Lugo.