Nas Festas de Santiago Apóstol, a capital de Galicia, afeita a recibir cos brazos abertos a todos os seus visitantes, recibe na segunda quincena de xullo un aluvión de turistas e de peregrinos debido a que Santiago de Compostela, e toda Galicia, conmemoran o día do Apóstolo, o 25 de xullo, festivo en Galicia.

En todas as parroquias galegas teñen as súas festas patronais. Son as que reúnen a toda a familia e as que fan piña coa veciñanza. En Santiago de Compostela as súas festas teñen un sentido máis amplo. Ás xa constantes visitas dos peregrinos súmase o feito de que o Apóstolo é o patrón de toda Galicia, polo que son máis que unhas festas locais, son as festas de toda Galicia.

As festas do Apóstolo de Santiago de Compostela 2026 son coñecidas en toda a nosa xeografía. Ten actos, como os fogos do 24 de xullo ou a ofrenda ao Apóstolo, que son universais. Pero esta celebración é moito máis, hai 10 días de festa en xullo, este ano do mércores 22 ao venres 31 de xullo de 2026, cuxo día grande é o 25 de xullo.

Programa das Festas do Apóstolo 2026

Durante a segunda quincena de xullo, a capital galega énchese de actividades festivas e culturais de todo tipo. Música de todos os estilos, danza e teatro, desfiles e festivais ao aire libre invaden Compostela.

A tradicional reunión do Día de Padrón e as exhibicións de traxes rexionais e bailes populares son outras das citas destas festas, que pechan o 31 de xullo con outra tirada de fogos artificiais.

O Concello de Santiago aínda non publicou o programa completo das Festas de Santiago Apóstolo 2026, que se celebran do 22 ao 31 de xullo, cando o faga contarémoscho aquí para que non perdas detalle. Aínda así o Concello dou algunhas pinceladas dalgunhas actuacións e actos para as festas. Xa anunciou os seguintes concertos e actuacións.

  • The Rapants
  • Lila Downs
  • Belém Tajes

E, ademais, xa anunciou que este ano, a parte dos fogos de luces do día 24 e 31 de xulloo, haberá un espectáculo de luz ou videomapping que se proxectará sobre o Pazo de Raxoi cunha duración aproximada de nove minutos e con varios pases durante os días 24, 25 e 26 de xullo, para que haxa varias oportunidades para velo:

  • A noite do venres 24 de xullo proxectarase entre as 00:00 e as 02:00 horas cada 15 minutos.
  • O sábado 25 e o domingo 26 de xullo comezará ás 23:00 horas e prolongarase ata a 01:00, tamén con intervalos de 15 minutos.

Aquí detallamos os actos do programa que xa confirmou o Concello de Santiago:

Mércores, 22 de xullo 2026

  • (Hora por confirmar) Praza do Obradoiro: Pregón.

Xoves, 23 de xullo 2026

  • (Hora por confirmar) Festa Pícara.

Venres, 24 de xullo 2026

  • (Hora por confirmar) Praza da Quintana: Concerto de Lila Downs e de Belém Tajes.
  • (Hora por confirmar) Alameda: Verbena popular.
  • 23:30 h. Espectáculo Pirotécnico dende a Alameda, a Cidade da Cultura e dende o Parque de Carlomagno.
  • 00:00-02:00 Pazo de Raxoi: Espectáculo de luz (videomapping).

Sábado, 25 xullo 2026

  • 12:00 h. Comparsa de Cabezudos, saída do Teatro Principal e percorrido: rúa Nova, Praza das Praterías, Fonseca, rúa do Franco, Praza do Toural, rúa Nova, Caldeirería, Praza de Abastos, Praza de Cervantes, Santo Agostiño, rúa Travesa, Casas Reais, Preguntoiro, Fonte Sequelo e rúa Nova.
  • (Hora por confirmar) Xornadas do Folclore.
  • (Hora por confirmar) Alameda: Verbena popular.
  • 23:00-01:00 Pazo de Raxoi: Espectáculo de luz (videomapping).

Domingo, 26 de xullo 2026

  • (Hora por confirmar) Todo o díaé o Día do Traxe coa concentración de participantes e desfile dende as Sete Portas ata o Obradoiro. Misa en San Paio de Antealtares, recepción na Casa do Concello, concentración de participantes, desfile de traxes tradicionais e unha exhibición, concurso de traxes e entrega de diplomas.
  • 23:00-01:00 Pazo de Raxoi: Espectáculo de luz (videomapping).

Luns, 27 de xullo 2026

  • (Hora por confirmar) Praza do Obradoiro: Día de Padrón en Santiago: Bandas Municipais de Música de Padrón e de Santiago.

Venres, 31 de xullo 2026

  • (Hora por confirmar) Praza da Quintana: Concerto de The Rapants.
  • (Hora por confirmar) Alameda: Verbena popular.
  • 23:30 h. Alameda: Espectáculo Pirotécnico de fin de festa.
  • 10:00 h. Alborada a cargo da A.C. Xirandaina.
  • 20:00 h. Praza de Mazarelos: Peregrinos Musicais: Iakov Zats, viola (Italia), Yuri Golubev, contrabaixo (Italia / Reino Unido) e Evelina Vorontsova, piano (Países Baixos).
  • 21:00 h. Parque de Galeras: Concerto de MJ Pérez.
  • 22:30 h. Centro Sociocultural de Laraño: Compostela Cinema: Rapa: Xente ao Monte.

Mércores, 30 de xullo

  • 10:00 h. Alborada a cargo da A.C. Música e Baile Tradicional de Conxo.
  • 20:00 h. Praza de Mazarelos: Peregrinos Musicais: Quintacorda Ensemble (Portugal), Sergey Arutunyan, violín (Portugal), Ilona Timchenko, piano (España), Yuri Golubev, contrabaixo (Italia / Reino Unido), Jeroen Der Herder, violonchelo (Países Baixos) e Evelina Vorontsova, piano (Países Baixos).
  • 21:00 h. Parque de Galeras: Concerto de Sheila Patricia.
  • 21:00 h. Praza da Quintana: Concerto De paseo con Nino Bravo e Serafín Zubiri. Banda Municipal de Música de Santiago de Compostela.
  • 22:30 h. Centro Sociocultural de Verdía: Os Demos de Barro.

Xoves, 31 de xullo

  • 10:00 h. Alborada a cargo de Muíños do Sarela.
  • 20:00 h. Praza de Mazarelos: Peregrinos Musicais: Michael Dorner, piano (Alemaña) e Ilona Timchenko, piano (España) .
  • 22:00 h. Praza da Quintana: Concerto da Orquestra Bravú Xangai.
  • 22:00 h. Alameda: Verbena popular coa Orquestra Miramar.
  • 23:30 h. Alameda: Espectáculo Pirotécnico de fin de festa.

Os fogos do Apóstolo

No medio de todos os actos das festas do Apóstolo, destaca o espectáculo pirotécnico. Celébrase a noite do 24 de xullo e dá paso á celebración do Día do Apóstolo.

Dende hai uns anos, e despois da pandemia quedou así, os fogos xa non se botan só dende a praza do Obradoiro. Senón que se botan de forma sincronizada dende varios puntos diferentes da cidade. Este ano dende a Alameda, o parque Carlo Magno e a Cidade da Cultura.

O motivo deste cambio é conseguir que o público que está a celebrar o Día de Santiago a noite anterior ao 25 de xullo poida gozar do espectáculo pirotécnico dende onde estea.

O espectáculo pirotécnico sincronizados constitúe a cita máis espectacular de todas as festas cunha impresionante tirada de fogos artificiais visibles dende calquera punto da cidade, son os chamados "Fogos do Apóstolo".

25 de xullo, "Día de Galicia"

O 25 de xullo de 2023 é o día do Apóstolo Santiago, pero tamén é o "Día de Galicia", o de todos os galegos e galegas. Durante este día a cidade vive a súa festa máis universal. Na catedral celébrase unha misa solemne, onde o botafumeiro, coma case sempre, é o centro de atención.

Fiestas de Santiago Apóstol: la fiesta de toda Galicia
Fonte: Turismo de Santiago

Ofrenda ao Apóstolo Santiago

Un acto institucional relevante ten lugar na misa solemne na catedral o 25 de xullo. O Rei ou un delegado da Casa Real fai a tradicional ofrenda ao Apóstolo Santiago. Se o xefe da Casa Real non pode asistir, designa un "delegado rexio" para facer a ofrenda.

A ofrenda ao Apóstolo é unha cerimonia instituída en 1643 por Felipe IV e ao longo dos anos mantívose a tradición de que Reis, xefes de Estado ou personalidades coas máis altas responsabilidades invocasen ao "Patrón de España" os beneficios divinos para as tarefas humanas.

Fonte imaxe cabeceira: Concello de Santiago.