Se hai unha festa do verán galego que máis peculiaridades acolle, é a Festa da Dorna de Ribeira. Do 17 ao 24 de xullo de 2026, a capital do Barbanza enchese de peculiares e divertidos xogos, concertos e diversión na Festa da Dorna de Ribeira 2026. Uns días nos que a típica embarcación local é a escusa para confraternizar e pasalo ben. Contámosche os horarios, o programa e a historia.
Todo un pobo reúnese para celebrar unha das embarcacións máis típicas da costa galega. Pero a festa é moito máis, é a unión de toda a veciñanza en sete días de festa e diversión continua.
Os sinais de identidade da festa son claros: a participación masiva de toda a veciñanza, o humor retranqueiro galego e a imaxinación de todas as actividades que sempre se programan coa cultura popular e a tradición local de fondo.
Programa da Festa da Dorna de Ribeira 2026
A Festa da Dorna de Ribeira 2026 caracterízase pola gran participación en todos os actos programados pola organización. Centos de participantes divírtense en todos os actos, de grande imaxinación e moito humor.
Para que non perdas detalle, descarga aquí o programa da Festa da Dorna de Ribeira 2026:
Venres, 17 de xullo 2026 - Día adicado a Corsarios do Barbansa
- 09:59 h. Satentaeoito badaladas.
- 11:11:11 h. Facho Dorneiro.
- 12:28 h. XII Ruta de Tapas Estrella Mijelín.
- 16:06 h. XXXV Edisión do Enjalanamento das Fanequeiras.
- 21:58 h. Macroqueimada Dorneira.
- 22:32 h. Serimonia de Inisiasión.
- 23:01 h. XI Edisión do Dánsin in de Sity.
Sábado, 18 de xullo 2026 - Día adicado a Vicente
- 10:56 h. VII Edisión do Orjullo Jaiteiro.
- 11:33 h. IX Xuntansa de Embarcasións Tradisionais.
- 12:28 h. XII Ruta de Tapas Estrella Mijelín.
- 15:16 h. Jran Folión.
- 17:07 h. XXXIV Xojos Populares da Terra.
- 17:16 h. Minidisco Infantil.
- 20:53 h. XXXV Sertamen Itinerante de Cansión de Tasca.
Domingo, 19 de xullo 2026 - Día adicado a Alex Vidal
- 16:06 h. Exposición das Carrilanas.
- 17:37 h. Subida das Carrilanas.
- 18:33:21 h. XXXV Jran Prix de Carrilanas.
- 23:33 h. Videomápin.
- 23:54:07 h. Consiertaso: De Ninghures.
Luns, 20 de xullo 2026 - Día adicado a sosios, sosias e sosies
- 16:09 h. XXXIV Xojos de Mar Dorneiros.
- 19:06 h. XXXIV Edisión do Jran Premio Ícaro de Voo sen Motor.
- 23:34 h. Video Mápin Dorneiro.
- 23:59 h. Extremodorna.
Martes, 21 de xullo 2026 - Día adicado a GAEM (Grupo de Atención a Emerxencias Municipais)
- 16:02 h. Rock and Dorna de Batea.
- 17:11 h. Trinautlón.
- 18:37 h. Pesca do Parrulo.
- 21:17 h. Jran Final do XXXV Sertamen Itinerante de Cansión de Tasca.
- 23:57 h. Orquesta Neverloura.
Mércores, 22 de xullo 2026 - Día adicado ao Concello de A Pobra do Caramiñal
- 17:16 h. Batalla de Promesas.
- 22:57 h. Rock and Dorna: Cocco Lexxa.
- 23:58 h. Rock and Dorna: Reality.
- 00:31 h. Batalla dos Jallos Dorneiros.
Xoves, 23 de xullo 2026 - Día adicado a todos os establecementos
- 11:01 h. VII Maratasón Infantil.
- 16:06 h. Maratasón Dorneiro.
- 22:31 h. Exame de Patróns.
- 00:16 h. Rock and Dorna: Dakidarría.
Venres, 24 de xullo 2026 - Día adicado a Mariola Sampedro
- 11:43 h. Exposición de Embarcasións Feitas á Machada e propulsadas a pan de millo participantes no XXXVI Jran Premio Cutre Shark.
- 11:59 h. LXXVIII Badaladas.
- 13:03 h. Santa Compaña.
- 14:49:02 h. XXXVI Rejata Cutre Shark de Embarcasións Feitas á Machada e propulsadas a pan de millo.
- 15:03 h. Dejustación de Lirio de Ribeira.
- 15:26 h. Romería Dorneira.
- 16:06 h. Xojos Dorneiros.
- 16:18 h. Festa da Espuma.
- 18:36 h. Campionato Mundial de Chinchimonei.
- 19:13 h. Consentrasión da Marea Dorneira.
- 19:58 h. Top Secret.
- 22:37 h. Rock and Dorna: Muyayo Rif.
- 00:02 h. Entreja dos Trofeos Dorneiros.
- 01:13 h. Rock and Dorna: Lamatumbá.
- 02:22 h. Pañoleta na man.
- Xxxx h. Asalto ás fanequeiras.
Historia da Festa da Dorna de Ribeira
Xa pasaron 78 anos dende que o 24 de xullo de 1948 tivo lugar a “1ª Singradura da Festa da Dorna de Ribeira”, que hoxe está declarada Ben de Interese Turístico de Galicia.
Todo comezou o 17 de xullo de 1948 cando, segundo a historia popular, un boticario da vila, don Emilio Fernández de Sanmamed, decidiu que era o gañador do sorteo dunha dorna que se rifara o día anterior co obxectivo de recadar fondos para as festas da Virxe do Carme.
Para celebralo, o boticario decidiu facer unha festa cos seus amigos. O problema xurdiu cando se soubo que a rifa gañadora a tiña un mariñeiro veciño da vila e non o boticario.
Ao mariñeiro non lle gustou a broma, pero non foi a máis a cousa e o ilustre boticario continuou coa idea de facer unha festa en homenaxe a aquela dorna que non gañara. Alí naceu a famosa Real e Ilustre Confraría da Dorna para organizar a Festa da Dorna o 24 de xullo, véspera da Patrón de Galicia.
Dende a Real e Ilustre Cofradía da Dorna ata as Peñas Dorneiras
Dende a súa creación en 1948, a Real e Ilustre Cofradía da Dorna encargouse de xeito informal da organización da Festa da Dorna e doutras actividades festivas, solidarias e culturais.
No ano 1988 créase a Asemblea de Peñas Dorneiras, tamén co mesmo carácter que a Cofradía da Dorna, pero máis axeitada á dinámica que levara a festa, integrando nela diferentes peñas que se crearan de forma espontánea entre persoas interesadas en participar activamente. na festa.
En 1991 legalizouse a A.C. Real e Ilustre Cofradía da Dorna para poder ter cobertura legal, acceder a axudas públicas e mellorar a organización da festa. Na actualidade a asociación conta con case mil socios.
As Peñas Dorneiras, o corazón da festa
As peñas son organizacións informais que participan na celebración da festa. Para formar parte da Asemblea de Peñas, o seu patrón ou patroa debe superar o “Exame de Patróns”, e a peña ten que colaborar na organización da festa e participar, polo menos, nalgunha das distintas actividades.
As peñas actualízanse cada ano, xa que as hai que só duran unha edición e outras que participan dende 1988.
Dende 1989 as peñas diferenciáronse polas cores do pano de pescozo e da camiseta. Todos teñen referencias ao mar pero con toques de humor. Algúns exemplos son: “Marajotas fusiñudas”, “As lampreas máis preas”, “Muxo Beti”, “Boi de putas”, “As fanecas bravas e os sinco fodonsiños”, “As pirañas van de cañas”, “As luras andan duras”,”Carallos de rei”, “Caracolas en sirolas”…
A linguaxe dorneira
Se un le o programa, os carteis ou as actividades da Festa da Dorna de Ribeira 2024, entende que a lingua da festa é diferente, ademais dun dos seus maiores acenos de identidade.
Esa lingua ou idioma da festa é a chamada Fala Dorneira. Caracterízase polo uso da fala popular cotiá dos ribeirenses, mestura da variedade dialectal do galego propia do bloque occidental (cheísmo, gheada e seseo, etc.), o chamado "castrapo", e o uso dunha serie de palabras e expresións propias da zona.
Unido todo isto sae a Fala Dorneira, que se reflicte no escrito seguindo os dictámes do famoso “Caderno de Bitácora” dende 1990. Establece, por exemplo, o uso dos grafemas “J” e “S” en palabras que ao falar se expresan con gheada ou con seseo.
Sen dúbida, a chamada Fala Dorneira dálle un toque distintivo á festa, pero é unha seña de identidade que dá xogo ao humor e á retranca, dous dos sinais máis característicos da Festa da Dorna de Ribeira. Achégate os días da festa á capital do Barbanza e poderás escoitalo de primeira man.
Fonte imaxe de cabeceira: Asociación Cultural Festa da Dorna Ribeira.