Redondela volve enxalzar un dos seus produtos estrela, o choco, nunha festa gastronómica que reúne cada ano a miles de persoas. A Festa do Choco Redondela 2025 celébrase do 9 ao 11 de maio e poderás degustar este manxar, pero tamén gozar de concertos e orquestras, rutas en barco e moito máis. Consulta aquí o programa das Festas do Choco de Redondela 2025.
Programa Festa do Choco Redondela 2025
O programa da Festa do Choco Redondela 2025 ten como gran protagonista a degustación de pratos elaborados co choco que se captura nas augas da Enseada de San Simón.
Poderás probar exquisitos pratos nos postos de degustación que se instalan cada ano no Campo da Feira, xunto á Alameda.
Dende o venres 9 ao domingo 11 de maio serviranse máis de 12.000 racións de pratos como a empanada de choco, o choco na súa tinta ou con arroz.
Pero ademais de gozar do choco de Redondela na zona de degustación, podes gozar de receitas elaboradas con choco nos diferentes locais de hostalería.
As Festas do Choco Redondela 2025 inclúen no seu programa concertos e orquestras que moi pronto dará a coñecer o Concello de Redondela.
E tamén as viaxes en barco á Illa de San Simón, que se adoitan realizar cada ano.
En canto se coñezan todos os detalles, contarémoschos por aquí. De momento, deixámosche os horarios dos postos de degustación no Campo da Feira que xa se anunciaron:
Venres, 9 de maio
- 19:00 - 00:00 h. Degustación de platos elaborados con choco nos postos do Campo da Feira.
Sábado, 10 de maio
- 10:30 - 02:00 h. Degustación de platos elaborados con choco nos postos do Campo da Feira.
Domingo, 11 de maio
- 10:30 - 00:00 h. Degustación de platos elaborados con choco nos postos do Campo da Feira.
Festa Choco Redondela 2025: rutas en barco
Como che diciamos, a Festa Choco Redondela 2025 adoita incluír no seu programa rutas en barco para coñecer a Illa e a Enseada de San Simón.
É aí onde se captura dende fai máis de tres séculos o produto estrela da zona, o choco.
Por iso estas rutas en barco queren poñer en valor esta tradición que de forma artesanal veñen practicando varias xeracións.
Estaremos pendentes dos horarios que publique o Concello para que poidas gozar desta visita pola Illa e a Enseada de San Simón, que sae dende o peirao do Museo Meirande e do Porto de Cesantes durante a fin de semana.
Goza da Festa do Choco Redondela 2025 do 9 ao 11 de maio.
Fonte imaxe de cabeceira: Concello de Redondela