Festas da Guadalupe de Rianxo 2026: programa e actos

Setembro vívese doutro xeito en Rianxo. Cando se achega o final do verán, a vila mariñeira coruñesa engalánase para vivir toda unha semana de festas na honra da Virxe "Moreniña". Son as Festas de Guadalupe de Rianxo 2026, do 11 ao 18 de setembro.

É ben singular o xeito en que viven as festas rianxeiros e rianxeiras.

Programa das festas da Guadalupe de Rianxo 2026

A festividade da Virxe de Guadalupe en Rianxo é sempre o domingo despois do 8 de setembro, polo que este 2026 ese domingo coincide o 13 de setembro. Pero os rianxeiros e as rianxeiras celébrano dende o venres anterior ata o posterior a esa data.

Este ano, as festas da Guadalupe 2026 van do 11 ao 18 de setembro.

Aquí podes ver as actividades e concertos do programa das festas da Guadalupe 2026, que presentou a Asociación “A Moreniña” na páxina das Festas da Guadalupe de Rianxo.

Venres, 11 de setembro 2026: Noite Retro

• 22:00 h. Virtual Project Cover Band.
• 23:45 h. Pregón das festas.
• 00:00 h. Chupitaso e presentación das Juadalupeñas.
• 00:30 h. Vídeo DJ 80s, 90s, 2000s... SerieB Music.
• 04:00 h. Pinchada libre: Xinho.

Sábado, 12 de setembro 2026

• 10:00 h. Alborada: Banda de Música de Santa Cruz de Ribadulla.
• 10:00 h. Alborada pola parroquia: Trécola.
• 13:00 h. Praza da Igrexa: Banda de música de Santa Cruz de Ribadulla.
• 14:00 h. Sesión vermú: orquestra Platinum.
• 18:00 h. Praza da Igrexa: Banda de música de Santa Cruz de Ribadulla.
• 19:00 h. Rúa do Medio: tardeo con Zeltia Irevire.
• 20:00 h. Praza da Igrexa: baile e música tradicional con Fogo Fatuo.
• 20:00 h. Auditorio: Coral Abraira (Asados) e corais convidadas.
• 20:00 h. Polas rúas: charanga Brass-ass.
• 21:30 h: Verbena con:
  • 21:30 h. Mariachi Perla
  • 22:30 h. Orquesta Platinum.
  • 23:30 h. Verbena Sinfónica coa Banda da Escola de Música de Rianxo.
  • 02:00 h. Capitán Sabrosura
  • 04:00 h. DJ Nexxa

Domingo, 13 de setembro 2026

• 10:00 h. Alborada: Agrupación Músico-Cultural de Ridadumia e Banda de Gaitas Buxaina de Taragoña.
• 12:00 h. Capela da Guadalupe: Misa solemne.
• 13:00 h. Procesión marítima.
• 18:00 h. Praza da Igrexa: Agrupación Músico-Cultural de Ridadumia.
• 19:00 h. Paseo da Ribeira: baile-romería con Grupo Arena.
• 20:00 h. Praza da Igrexa: actuación de Vai de Roda.
• 22:00 h. Verbena con Galilea e La Banda de ayer.
• 00:00 h. Paseo da Ribeira: Fogos de artificio aéreos e acuáticos.

Luns, 14 de setembro 2026

• 10:00 h. Alborada: Banda de música cultural de Arcade.
• 11:00 h. Visita da Virxe da Guadalupe á igrexa parroquial.
• 11:30 h. Praza Castelao: Xogos das Juadalupeñas.
• 13:00 h. Praza da Igrexa: Concerto da Banda de música cultural de Arcade.
• 14:00 h. Sesión vermú: Unión y Fuerza.
• 18:00 h. Festivaliño.
• 18:00 h. Praza da Igrexa: Concerto da Banda de música cultural de Arcade.
• 20:00 h. Praza da Igrexa: Actuación de Cántañe a Rianxo con Río de Anxo.
• 22:00 h. Verbena:
  • Unión y Fuerza
  • Grupo Cayenna

Martes, 15 de setembro 2026

• 11:00 h. Alborada: O Son do Río.
• 12:00 h. Paseo da Ribeira: xornada de cultura urbana con Soccer Experience.
• 14:00 h. Praza Castelao: Sesión vermú con Dilema.
• 16:00 h. Paseo da Ribeira: xornada de cultura urbana VR Arena.
• 18:30 h. Día de Padrón: Recepción ás autoridades.
• 19:30 h. Campo de Arriba: Banda de música municipal de Padrón.
• 20:00 h. Polas rúas: Fanfarria Furruxa.
• 20:00 h. Praza de Igrexa: CeibaRimas: Kid Mount, Festra, Mooom, Pini, O Rabelo, Volk GZ, Queen Rendi, O netinho da Aurora.
• 22:00 h. Verbena:
  • Charleston Big Band
  • La Última Legión

Mércores, 16 de setembro 2026

• 11:00 h ao vermú: Alborada cos gaiteiros Os Festas.
• 12:00 h (durante toda a xornada). Praza da Igrexa: Feira do Circo con Xogos de feira.
• 13:00 h. Praza da Igrexa: Feira do Circo, espectáculo O Show de Fifo: Soño.
• 14:00 h. Praza Castelao: Sesión vermú con Solara.
• 15:00 h. Día dos nosos maiores: comida e baile.
• 16:00 h. Praza da Igrexa: Feira do Circo.
• 18:00 h. Campo de Arriba: Banda de música de Arca.
• 19:00 h. Rúa de Abaixo: tardeo con Malezza.
• 19:30 h. Campo de Arriba: bailes de salón con El Tomasón.
• 20:00 h. Praza da Igrexa: Feira do Circo, espectáculo Unha de Piratas.
• 20:00 h. Polas rúas: Bando das Gaitas.
• 22:00 h. Verbena:
  • Arizona
  • Cinema

Xoves, 17 de setembro 2026

• Feirón Mariñeiro "A feira de 1926" durante todo o día no casco vello.
• 13:00 h. Praza da Igrexa: Sesión vermú con Cé Orquestra Pantasma.
• 14:00 h. Praza Castelao: Sesión vermú con Trío Alborada.
• 20:00 h. Xardíns da Ribeira: Paxaro Pinto.
• 21:00 h. Noite Folc con Mediarea.
• 22:00 h. Noite Folc con Boavila.
• 22:00 h. Verbena:
  • Solara
  • Gran Parada

Venres, 18 de setembro 2026

• 11:00 h. Praza Virxe da Guadalupe: Día Infantil durante toda a xornada con inchables acuáticos.
• 13:00 h. Praza Castelao: Festa da escuma.
• 14:00 h. Sesión vermú con Eureka.
• 16:00 h. Inchables.
• 23:00 h. Praza da Igrexa: Verbena infantil con Pakolas e as tripulantes.
• 00:00 h. Rianxeira infantil.
• 22:30 h. Gran verbena con tres orquestras:
  • Eureka
  • Trébol
  • Ritmo Xoven
• 02:00 h. Bengalas, Rianxeira e gran traca final.

Procesión marítima da Guadalupe de Rianxo

O Domingo da Guadalupe é a xornada grande. É o día no que se honra a Moreniña, como chaman á Virxe da Guadalupe en Rianxo, pola súa cor de pel. Ás 12 ten lugar a misa solemne no Campo de Arriba. Despois, os vecinos sacan en procesión a Guadalupe. A Virxe leva máis de 250 anos dende a súa chegada Rianxo, polo que é un símbolo da localidade.

Como se trata dunha vila mariñeira, a procesión realízase polo mar, e participan os distintos barcos pesqueiros do lugar e doutras zonas da Arousa, tal é a devoción a esta virxe.

Feirón Mariñeiro de Rianxo

O xoves é un dos días grandes da Guadalupe de Rianxo, xa que se celebra o Feirón Mariñeiro, onde os veciños da vila o dan todo e viven esta xornada con grande entusiamo. Todo o mundo sae á rúa ataviado con roupa de mariñeiro (polo xeral unha camiseta branca e un pantalón azul) ou ben de época (saias antigas e mantóns). Pola tarde ten lugar a Rianxeira popular, onde todo o que pode leva un instrumento para tocar e cantar xuntos.

Rianxeira y bengalas

As festas da Guadalupe de Rianxo acaban por todo o alto.

O último venres, a festa dura toda a noite. Hai tres orquestras que actúan ata pasadas as 8 da mañá, para os que queiran despedir o verán ao grande.

Non obstante, ás 2 da madrugada prodúcese uno dos momentos máxicos, cando toda a praza canta a Rianxeira mentres se acenden miles de bengalas.

Letra da Rianxeira: "Ondiñas veñen e van"

Para moitos galegos e galegas é considerado o segundo Himno Galego. "A Rianxeira" é unha canción que enche o corazón de toda a poboación de Galicia. Moito máis se son de Rianxo.

Estendida polo mundo, a canción naceu na emigración e é a protagonista do último día das festas da Guadalupe de Rianxo. Acenden miles de bengalas e todos os/as asistentes á verbena, ás 2 da madrugada do venres, cantan ao unísono.

Ondiñas veñen,

ondiñas veñen,

ondiñas veñen e van.

Non te embarques rianxeira,

que te vas a marear.

A Virxe de Guadalupe

cando vai pola ribeira, BIS

descalciña pola area,

parece unha rianxeira. BIS

Ondiñas veñen,

ondiñas veñen,

ondiñas veñen e van.

Non te embarques rianxeira,

que te vas a marear.

A Virxe de Guadalupe

cando veu para Rianxo, BIS

a barquiña que a trouxo

era de pau de laranxo. BIS

Ondiñas veñen,

ondiñas veñen,

ondiñas veñen e van.

Non te embarques rianxeira,

que te vas a marear.

A Virxe de Guadalupe

quen te puxo moreniña BIS

foi un raíño de sol

que entrou pola ventaniña BIS

Ondiñas veñen,

ondiñas veñen,

ondiñas veñen e van.

Non te embarques rianxeira,

que te vas a marear.

Se o último día vas ás festas da Guadalupe de Rianxo 2026 é obrigatorio cantar a canción con todos os rianxeiros e rianxeiras. Non tes escusa para non aprendela.