"O Paraíso do Marisco" está no Grove. Cada ano, decenas de miles de persoas achéganse a esta localidade costeira na Festa do Marisco para saborear os mellores produtos do mar e, de paso, gozar dos Concertos do Marisco e dun amplísimo programa de actividades. En 2023, a cita é do 5 ao 15 de outubro.
No Grove conseguiron unha festa que fusiona dous dos seus grandes tesouros: o turismo e a pesca.
A Festa do Marisco é un evento gastronómico que cada ano reúne a máis visitantes, dispostos a degustar e saber máis sobre os peixes e mariscos da costa grovense, xa recoñecida como o "Paraíso do Marisco".
Declarada Festa de Interese Turístico Nacional en 2013, coincidindo co seu cincuenta aniversario, aspira agora ao recoñecemento internacional. E méritos non lle faltan, como vas descubrir neste post.
Cando é a Festa do Marisco do Grove 2023
En 2023, a Festa do Marisco celebra a súa edición número 60 e terá lugar do 5 ao 15 de outubro.
Dez días nos que miles de persoas enchen O Grove para degustar mexillóns, vieiras, lagostinos, zamburiñas, bogavante, camaróns ou nécoras.
Por que estas datas? En outubro o marisco está no seu momento óptimo de maduración e resulta especialmente carnoso. Xa o asegura o dito: os mellores meses para comer marisco son os meses con erre.
E o mellor lugar para facelo é neste pobo mariñeiro da costa de Pontevedra, que cada ano prepara un completo programa de actividades.
Programa da Festa do Marisco do Grove 2023
A centola con pinzas é, un ano máis, a protagonista do cartel da Festa do Marisco e a que nos dá a benvida a un completo programa con actividades para todos os gustos e públicos.
A Festa do Marisco do Grove arrinca o xoves 5 de outubro co pregón e, a partir de aí, prepárate para gozar da mellor gastronomía, da música e dunha chea de actividades lúdicas, deportivas e culturais.
Xoves, 5 de outubro
- 09:30 h. Foro de Recursos Mariños e da Acuicultura das Rías Galegas, no Auditorio do Grove.
- 19:00 h. Inauguración da Festa do Marisco e apertura de carpas para degustación de marisco.
- 19:30 h. Exposición O Grove sumergido, na carpa principal.
Venres, 6 de outubro
- 09:30 h. Foro de Recursos Mariños e da Acuicultura das Rías Galegas, no Auditorio do Grove.
- 11:30 - 17:30 h. e 19:00 - 23:30 h. Desgustación de marisco nas carpas.
- 19:00 h. Festival de música e baile tradicional, na praza do Corgo.
Sábado, 7 de outubro
- 11:30 - 17:30 h. e 19:00 - 23:30 h. Desgustación de marisco nas carpas.
- 12:00 h. Regata de Dornas a vela, no Porto do Grove.
- 17:00 h. Xogos tradicionais para nenos, na praza do Corgo.
- 18:00 h. Concurso e entrega de premios Mexillón Amegrove, na carpa principal.
- 20:00 h. Zarzuela no Auditorio do Grove.
Domingo, 8 de outubro
- 09:30 h. Encontro de scooter clásica, no Concello.
- 11:30 - 17:30 h. e 19:00 - 23:30 h. Desgustación de marisco nas carpas.
- 12:00 h. Baile tradicional, na praza do Corgo.
- 13:00 h. Regata de Dornas a remo, no Porto do Grove.
- 17:00 h. Xogos tradicionais para nenos, na praza do Corgo.
- 19:00 h. Pandereteiras, nas carpas de degustación.
Luns, 9 de outubro
- 12:00 - 17:00 h. e 19:00 - 23:00 h. Desgustación de marisco nas carpas.
Martes, 10 de outubro
- 12:00 - 17:00 h. e 19:00 - 23:00 h. Desgustación de marisco nas carpas.
- 17:30 h. Xornadas "A Cociña do mar", na carpa principal.
- 21:00 h. Pandereteiras, nas carpas de degustación.
Mércores, 11 de outubro
- 12:00 - 17:00 h. e 19:00 - 23:00 h. Desgustación de marisco nas carpas.
- 20:00 h. Pandereteiras, nas carpas de degustación.
Xoves, 12 de outubro
- 11:30 h. Grovestock, feira de oportunidades na zona comercial.
- 12:00 - 17:00 h. e 19:00 - 23:00 h. Desgustación de marisco nas carpas.
- 17:00 h. Xogos tradicionais para nenos, na praza do Corgo.
Venres, 13 de outubro
- 11:30 - 17:30 h. e 19:00 - 23:30 h. Desgustación de marisco nas carpas.
- 20:00 h. Entrega de galardóns "Centolas de Ouro", no Auditorio do Grove.
Sábado, 14 de outubro
- 11:30 - 17:30 h. e 19:00 - 23:30 h. Desgustación de marisco nas carpas.
- 17:00 h. Xogos tradicionais para nenos, na praza do Corgo.
- 23:30 h. Noite Meiga e queimada, na praza do Corgo.
Domingo, 15 de outubro
- 10:30 h. Carreira popular, dende o paseo de Beiramar.
- 11:30 - 17:30 h. Desgustación de marisco nas carpas.
Ademais, haberá sesión vermú, ás 13:00 h, e de tarde, a partir das 17:00 ou 18:00 h.
Concertos da Festa do Marisco do Grove 2023
Á marxe da gastronomía, a música e os concertos teñen gran presenza na Festa do Marisco. Nos chamados "Concertos do Marisco", hai opcións para todos os gustos.
Todas as actuacións son gratis e podes velas na carpa de concertos. Estes son os concertos da Festa do Marisco do Grove 2023:
- Xoves, 5 de outubro, 22:00 h: Freshkiños
- Venres, 6 de outubro, 23:00 h: Leïti, Dj Payc e Djow13
- Sábado, 7 de outubro, 23:00 h: La Casa Azul e Dj Permanente
- Domingo, 8 de outubro, 22:00 h: Fillas de Cassandra
- Luns, 9 de outubro, 22:00 h: Os Firrás
- Martes, 10 de outubro, 22:00 h: A Banda do Sequío
- Mércores, 11 de outubro, 23:00 h: Los Vagos e Celtas Cortos
- Xoves, 12 de outubro, 23:00 h: Cinco en Zocas e Ana Moura
- Venres, 13 de outubro, 23:00 h: Pablo Lesuit, Sidonie e Nanein Dj
- Sábado, 14 de outubro, 23:00 h: Lontreira, La La Love You e Manu TF
Venda e degustación de marisco na Festa do Marisco do Grove
Sen dúbida, entre os grandes atractivos da festa destacan as exposicións de marisco vivo e os toldos acondicionados para a ocasión con postos de venda de mariscos e peixes frescos a prezos populares.
Se che apetece, tamén podes saborealos, xa preparados e servidos, á maneira tradicional ou en formatos máis innovadores, nos múltiples locais habilitados para iso na chaira do Porto.
Toda a información práctica que necesitas, incluídos os prezos e as opcións dispoñibles, está recollida nos carteis e folletos oficiais.
En xeral, primeiro debes elixir que vas tomar e comprar o tícket que logo utilizarás para solicitar o teu pedido.
Que se come na Festa do Marisco do Grove?
Vieiras, lagostinos, zamburiñas, camaróns, navallas, berberechos, nécoras, ostras... son moitos os mariscos para comprar ou degustar.
Entre eles, destacan o mexillón de batea e o rodaballo de acuicultura, ambos os dous produtos estrela da zona e aos que se dedica de forma especial todo un día da Festa do Marisco. No caso do mexillón, mesmo hai un concurso no que se premian as mellores elaboracións.
O arroz con marisco é unha das racións máis buscadas, xunto coas ameixas á mariñeira ou ao limón e as navallas á prancha.
E, como en toda boa festa galega, non faltan produtos tan nosos como o polbo á feira nin a empanada e os licores e viños, encabezados polo Albariño.
Actividades na Festa do Marisco do Grove
A Festa do Marisco conta con actividades festivas e lúdicas para todos os gustos, dende o certame de folclore galaico‐portugués ao "Concurso de Pintura Infantil"; e exposicións e simposios, entre os que destaca o "Foro de Recursos Mariños e da Acuicultura das Rías Galegas".
Tamén se levan a cabo torneos de xadrez, carreiras populares, deportes tradicionais como a chave ou a petanca e competicións como a Regata de Dornas ou a Marcha Ciclista do Marisco.
Pola súa banda, o Concello recoñece a labor daqueles/as que destacaron pola súa contribución á difusión do Grove e do seu marisco cos galardóns "Centolas de Ouro".
Entréganse o último día da festa e representan o broche de ouro final para unha celebración que comezou fai xa seis décadas como un sinxelo mercado de produtos pesqueiros.
Historia da Festa do Marisco do Grove
A primeira Festa do Marisco celebrouse en 1963, con postos artesanais realizados con madeira local.
A intención era vender e poñer en valor un dos piares fundamentais da economía grovense, a pesca e o fantástico marisco da súa costa.
Os/as veciños/as implicáronse de cheo dende o primeiro momento, distribuíndo bolsas promocionais de camaróns e nécoras a todos aqueles que circulaban en coche pola zona.
Este recoñecemento e reivindicación plasmouse tamén en símbolo escultórico co "Monumento á Familia Mariscadora", realizado en pedra en 1972 polo escultor local Alfonso Vilar Lamelas.
Na década dos 80, a festa xa gozaba de gran popularidade, así que foi ampliando a súa duración e o seu abanico de actividades ata chegar a ser, a día de hoxe, unha das grandes festas gastronómicas de Galicia.
Así que, se che apetece gozar do mellor marisco, non perdas a Festa do Marisco do Grove, que en 2023 celebra a súa 60 edición do 5 ao 15 de outubro.
Fonte imaxe cabeceira: Facebook Turismo do Concello do Grove