O que nunca falta nunha boa festa galega é comida e bebida en abundancia. E na Festa do Albariño de Cambados conmemoran un deses imprescindibles: o viño.
A popular festa cambadesa é a conmemoración vinícola máis antiga de Galicia e a segunda máis lonxeva de España. Durante 70 anos non deixou de gañar adeptos e converteuse, a día de hoxe, nunha das festas máis multitudinarias de Galicia.
Como non podía ser doutro xeito, celébrase en Cambados, considerada a capital do Albariño. O mundo do viño forma parte da historia e da cultura desta vila. Cambados converteuse nun dos principais motores da economía da zona, en parte polo desenvolvemento do enoturismo e pola propia Festa do Albariño.
Pero o seu significado vai moito máis alá dun mero evento festivo arredor do viño. Trátase dun evento no que se pretende protexer o viño albariño con D.O. Rías Baixas a través dos membros do “Capítulo Serenísimo” e tamén premiando aos mellores viños desta Denominación de Orixe cun concurso de catas.
Programa e concertos da Festa do Albariño de Cambados 2023
Non todo na Festa do Albariño xira arredor da apertura de botellas. O programa das súas festas está pensado para todos os públicos. Hai actuacións musicais, zonas acondicionadas para comer, atraccións e tamén, por suposto, unha zona específica para a venda de viño na alameda.
Concertos da Festa do Albariño 2023
As actuacións para a Festa do Albariño 2023 na praza de Fefiñáns son:
- Luar na Lubre: martes, 1 de agosto, 22.30h
- Belén Aguilera: mércores, 2 de agosto, 22.00h
- Justin Quiles: xoves, 3 de agosto, 23.00h
- Zahara: venres, 3 de agosto, 22.00h
- Stay Homas, The Velvet Crab e Cuernicornios: sábado, 4 de agosto, 23.30h
- Banda de Música de Castrelo: domingo, 6 de agosto, 21.30h
Programa completo da Festa do Albariño de Cambados 2023
Martes 1 de agosto
- 20:30 h. Escalinata de San Tomé: Os Quinquilláns
- 22:30 h. Praza de Fefiñáns: Luar na Lubre
Mércores 2 de agosto
- 13:00 h. Praza do Concello: Pregón e inauguración da LXXI Festa do Albariño
- 13:30 h. Paseo da Calzada: Apertura das Casetas de Viño
- 17:30 h. Praza de Alfredo Brañas: "Los tardeos de Triana" coa música de Cuernicornios
- 19:30 h. Biblioteca Municipal: Títeres de A Xanela do Maxín
- 22:00 h. Praza de Fefiñáns: Belén Aguilera + Méndez
- 00:30 h. Praza do Concello: Verbena
Xoves 3 de agosto
- 17:30 h. Praza de San Gregorio: "Los tardeos de Triana" coa música de Louband
- 23:00 h. Praza de Fefiñáns: Justin Quiles
- 23:00 h. Praza do Concello: Verbena
- 00:00 h. Praza do Concello: Disco móbil
Venres 4 de agosto
- 10:00 h. Parador de Cambados: Cata Prima - Primeira cata dos viños a concurso
- 11:00 - 15:00 h. e 17:30 - 21:30 h. Salón de Congresos José Peña: Túnel do Viño
- 17:30 h. Praza de San Gregorio: "Los tardeos de Triana" coa música de M80
- 17:00 - 00:00 h. Praza do Con: Nortada Electrónica Dj’s
- 22:00 h. Praza de Fefiñáns: Zahara Rave + Lontreira
- 23:00 h. Praza do Concello: Verbena
Sábado 5 de agosto
- 11:00 h. Parador de Cambados: Cata final dos viños a concurso
- 11:00 - 15:00 h. e 17:30 - 21:30 h. Salón de Congresos José Peña: Túnel do Viño
- 16:00 - 00:00 h. Praza do Con: Nortada Electrónica Dj’s
- 17:30 h. Praza de San Gregorio: "Los tardeos de Triana" coa música de DJ Xacobo
- 22:00 h. Praza de Fefiñáns: Stay Homas, The Velvet Crab e Cuernicornios
- 23:30 h. Paseo de San Tomé: Verbena
- 00:00 h. Praza do Concello: Disco móbil
Domingo 6 de agosto
- 12:15 h. Avenida de Madrid: Desfile de autoridades e Cofradías Gastronómicas
- 13:30 h. Patio de Armas do Pazo de Fefiñáns: Investidura de Donas e Cabaleiros do Albariño
- 14:30 h. Parque de Torrado: Comida do Albariño e viños premiados na Festa do Albariño 2023
- 17:00 h. Praza de San Gregorio: "Los tardeos de Triana" coa música de Zancudos e DJ Xacobo
- 21:30 h. Plaza de Fefiñáns: Banda de Música de Castrelo
- 22:30 h. Praza do Concello: Verbena
- 00:00 h. Paseo marítimo de Cambados: Espectáculo pirotécnico de clausura
O nacemento da Festa do Albariño
O que hoxe coñecemos como Festa do Albariño foi, en orixe, un concurso entre adegueiros promovido por Bernardino Quintanilla Álvarez e Ernesto Zarate, dous adegueiros da zona. A primeira edición celebrouse o 28 de agosto de 1953, coincidindo coa festividade da Virxe da Pastora en Cambados.
Esta primeira celebración consistiu nunha merenda-cea e custou 4.389,40 pesetas. Participaron cincuenta comensais e nove adegueiros concursantes. Foi precisamente nesa primeira cea onde se acordou seguir celebrando o certame en anos sucesivos.
As edicións de 1954 e de 1955 tiveron o mesmo escenario, e nelas competiron 24 e 14 viños, respectivamente. O auxe do certame foi tal que na edición de 1956 a merenda-cea tivo que ser trasladada á horta dun pazo da vila, o pazo de Ulloa.
Non sería esta a súa última localización, anos despois celebraríase no Pazo de Bazán e, dende o 2005, ten lugar no xardín do Pazo de Torrado, en pleno centro cambadés.
A consolidación da festa do Albariño
Na década de 1960, a festa trasladouse ao primeiro domingo de agosto. Nese momento ábrese á participación da xente con pasarrúas, catas públicas e verbenas. En 1977, con motivo do seu 25 aniversario, a festa foi declarada de Interese Turístico, distinción que se actualizou en setembro do 2018 a Festa de Interese Turístico Internacional.
A principios dos anos 80 a festa consolidouse e abriuse ao espectáculo cunha aposta pola música de importantes grupos de renome internacional. En 1988 constitúese o Consello Regulador da D.O. Rías Baixas, que, xunto co Concello, colabora estreitamente na organización da festa.
A creación do “Capítulo do Serenísimo”
En agosto de 1969 fúndase o “Capítulo Serenísimo do Albariño”, entidade destinada a protexer o albariño, e a difundir e promover a cultura deste viño, bautizado naquel momento como “o príncipe dourado” dos viños brancos.
Entre os membros deste primeiro acto, no que foron nomeados nove Cabaleiros do Albariño, figuraban representantes da política como Manuel Fraga Iribarne ou Joaquín Fole Vilar (alcalde de Cambados). Pero a cultura tamén estivo representada polo escritor Álvaro Cunqueiro Mora ou polo escenógrafo José Antonio Campos Borrego.
En edicións posteriores foron nomeados Cabaleiros do Albariño personalidades destacadas como Torrente Ballester, Camilo José Cela, o francés Charles de Gaulle ou o arxentino Juan Domingo Perón. A partir dos anos 90 a igualdade chegou ao “Capítulo Serenísimo” coa inclusión das mulleres, as chamadas Donas do Albariño.
Ao longo das seguintes edicións da Festa do Albariño foron nomeados novos Cabaleiros e Donas do Albariño, ata alcanzar un total de 200 membros na actualidade.
Fonte imaxe cabeceira: Cultura de Galicia.