San Valentín modernizouse e agora no canto de frechas usa apps para ligar dende o móbil. Se como propósito de ano novo estaba atopar ao amor da túa vida… e xa estamos en febreiro, proba con estas aplicacións móbiles. Se fas match, xa non hai stop 
.
Tinder
A app gratuíta para ligar por excelencia con máis de 26 millóns de matches ao día. E se fas match con alguén é cando a cousa se pon interesante. Como funciona? Inicia sesión coa túa conta de Facebook ou co teu número de móbil. Debes indicar unha serie de datos persoais e engadir unha foto se queres. Xa estás listo para empezar.
Tinder localiza a outras persoas interesadas preto de ti e che mostra os seus perfís. Para velos, só tes que desprazarte co dedo a modo de catálogo, se deslizas á dereita é que che gusta e cara á esquerda se pasas. Cando alguén te corresponde, é un match! e xa podes chatear.
Ten versión Plus a partir de 9,99 $ ao mes e Gold a partir de 14,99 $ ao mes, que permiten funcións como: Passport para charlar con persoas de todo o mundo, Rewind para dar segundas oportunidades, un Boost gratis cada semana para converterte no perfil principal da túa área durante 30 minutos, e Super Likes extra para destacar cando queiras.
Badoo
Outra das aplicacións móbiles máis populares para coñecer xente. Rexístraste a través de Facebook ou cubrindo un formulario cos teus datos e foto. Badoo inicia un sistema de verificación de perfís a través de Facebook, número de móbil, foto, etc. para evitar perfís falsos. A app móstrache xente que che pode interesar preto de ti e ti decides deslizando a dereita ou esquerda se che gusta ou non. Se ambos vos gustades, podedes empezar a chatear para coñecervos máis.
AdoptaUnTío
Nesta app gratuíta quen manda son as mozas, elas deciden quen pode escribirlles. E se pasa o seu filtro de esixencia, poderán meter ao candidato na súa cesta da compra . A aplicación conta cun asistente de voz para axudar na procura, onde podes indicar #hipster, #hippie, #punk... Pola súa banda, eles poden enviar feitizos para atraer a atención dunha moza. Divertida é un rato .
Bumble
Primeira aplicación que reúne nunha soa rede social a opción de ligar con Bumble Date, facer amigos con Bumble BFF e contactos profesionais para facer networking con Bumble Bizz. En Bumble, as mulleres dan o primeiro paso. Cando dous usuarios deslizan cara á dereita, prodúcese unha conexión. E é ela quen sempre debe tomar a iniciativa; con prazos de 24 horas para iniciar conversacións.
Lovoo
A través de xeolocalización, a app móstrache quen está en liña preto de ti. Co icebreaker podes romper xeo e chatear aínda que non teñas un match e co vídeo en directo poderás presentarte doutra maneira.
Happn
Cruzaches con alguén e gustouche? Pois Happn te axuda. Se pasaches xunto a outro usuario que ten instalada a app, o seu perfil aparece no teu Timeline, dentro dun radio de 250 metros. Podes darlle Like de forma secreta, a outra persoa non o saberá a non ser que tamén lle gustes. Se a atracción é mutua, teredes un Crush e poderedes empezar a falar.
Plenty of Fish (POF)
Como o seu nome indica, esta aplicación móbil convídate a ir de pesca . Se é quenlla ou carpa, xa é cousa túa. Co seu algoritmo de compatibilidade tes máis opcións de atopar persoas afíns a ti e poder enviar e recibir gratis mensaxes ilimitadas para coñecervos máis.
Meetic
Unha das páxinas máis veteranas nisto das citas. A app móstrache persoas situadas nun radio de 50km, permíteche organizar os teus próximos encontros con persoas compatibles e organizan eventos para que coñezas xente nova.
e-Darling
Versión móbil doutro dos portais máis lonxevos no universo das citas. Para acceder só tes que encher un test de personalidade e actualizar a foto de perfil dende o móbil ou a través de Facebook. Podes comunicarte cos perfís compatibles cando queiras e onde queiras.
Facebook Citas
Facebook viu o filón das redes sociais para coñecer xente e ultima xa o lanzamento da función citas ou dates. Pronto saberemos como funciona e se ten éxito.
Chocaravos ver Instagram na lista de apps de citas e é que non se trata precisamente dunha páxina de contactos, pero cada vez se usa máis para ligar. Ai, cando dar un like signifícao todo.
Estas son as novas regras do ligoteo, agora ti decides se probar. E se necesitas máis datos para facer matchs a cascoporro, consulta as nosas tarifas móbilR.
Lembra que podes seguir a nosas novidades en Twitter, Facebook, Instagram e na nosa canle de Telegram.
Ata pronto corazóns!