Ola a todos. Hoxe traémosvos algunhas apps de Entroido para quentar os móbiles a base de desfiles, disfraces, xogos e moito máis.
Axenda
Para saber o que se coce estes días en Galicia, podedes consultar os programas dos carnavais máis famosos nestas apps:
- Tempo de lecer Ourense: dispoñible para Android
Xinzo, Verín e Laza forman o triángulo máxico do Entroido galego. Moitos días de festa que non vos debedes perder por nada do mundo. Dende o menú da aplicación, seleccionades a categoría “festas” e amosará en formato axenda os próximos eventos.
- Ocio en Galicia: dispoñible para Android e iOS
E aínda que Ourense leva a fama, o carnaval vívese en todos os puntos da xeografía. Queredes saber se hai desfile na vosa cidade? Con esta app sairedes de dúbidas.
E de Galicia imos ao sambódromo de Río de Janeiro, facendo escala en Cádiz e Tenerife:
- Carnaval de Cádiz: dispoñible para Android
- Carnaval 2017 Tenerife: dispoñible para Android
- Blocos de Carnaval RJ 2018: dispoñible para Android e iOS
Disfraces
Se non queredes ir de 'choqueiros' ou de MA Barracus 
, estas apps axudaranvos a atopar un disfrace orixinal. Ademais poderedes simular como vos quedaría e compartilo cos demais.
- BT Costumes: dispoñible para Android e iOS
- Carnaval fotomontaje: dispoñible para Android
- Carnavalea: dispoñible para Android
- Imágenes Maquillaje Fantasía: dispoñible para Android
Chirigotas
É probable que Íñigo Errejón protagonice algunha chirigota este ano, vista a chea de memes que xera . Nesta aplicación, atoparedes coplas carnavalescas que lle sacarán as cores a máis dun.
Xogos
Sabédelo todo dos entroidos galegos? Demostrádeo con esta aplicación, unha especie de trivial moi instrutivo. E se vos atrevedes co de Cádiz, todo voso.
A pasalo ben.
Un saúdo!
Gif: via Target en GIPHY