O domingo 2 de xuño é o día grande do Corpus de Ponteareas 2025, pero as festas comezan días antes, desde o 5 de xuño, e finalizan o luns 23 de xuño, festivo local. Contámosche o máis destacado do programa do Corpus de Ponteareas 2025 para que non perdas a confección das alfombras florais, a procesión, o desfile de carrozas, a batalla de flores, os concertos e moito máis desta festa recoñecida como Ben de Interese Cultural (BIC).
Programa do Corpus de Ponteareas 2025
Un dos momentos máis especiais ten lugar o sábado 21 de xuño pola tarde, cando se empezan a confeccionar as alfombras do Corpus en Ponteareas 2025.
O domingo 22 de xuño chega o día máis importante das festas, coa procesión do Corpus Christi de Ponteareas, o desfile de carrozas e a batalla de flores ou a verbena nocturna, que podes gozar ata tarde porque o luns 3 de xuño é festivo local 2025 en Ponteareas.
Este é o programa do Corpus de Ponteareas 2025 que publica o Concello de Ponteareas.
Xoves, 5 de xuño
-
19:00 h Actividade infantil "Son animal".
Sábado, 7 de xuño
- 10:30 h En Artistea: Conferencia "O pasado ancestral das alfombras florais. Conciencia e compromiso", por Fátima Ulloa.
Mércores, 11 de xuño
- 18:30 h. Auditorio Reveriano Soutullo: Sesión de contacontos "O trazo novo do rei" por Tarabelos Teatro.
- 20:00 h. Polos portais alfombristas: Actuación do grupo de gaitas Algazara.
Xoves, 12 de xuño
- 20:00 h. Polos portais alfombristas: Actuación do grupo de gaitas Sadeo.
Venres, 13 de xuño
- 20:00 h. Polos portais alfombristas: Actuación do grupo de gaitas Pedra da Ciza.
- 20:30 h. Salón de Plenos do Auditorio Reveriano Soutullo: Presentación da revista Pregón, acompañada de música de corda do Conservatorio Municipal de Música.
- 22:30 h. Casa do Concello: Inauguración do videomapping de Corpus Christi.
Sábado 14 de xuño
- 22:00 h. Praza de Bugallal: Actuación do gaiteiro Budiño e espectáculo de luz e baile.
Domingo 15 de xuño
- 12:00 h. Auditorio Reveriano Soutullo: Inauguración da exposición “Corpus en flor”.
- 12:30 h. Casa do Concello: Lectura do pregón a cargo do ciclista e alfombrista ponteareán Borja Gómez Méndez, e actuación musical de Xeración M
Luns 16 de xuño
- 20:00 h. Polos portais alfombristas: Actuación das pandereiteiras As Fiuncheiras.
Martes, 17 de xuño
- 20:00 h. Polos portais alfombristas: Actuación do Grupo Folclórico CCAD Areas.
Mércores, 18 de xuño
- 20:00 h. Polos portais alfombristas: Actuación do Grupo Naleima Gaitas.
Xoves, 19 de xuño
- 17:30 h. Casa do Concello: Saída da visita guiada "O corpus orixe e tradición".
- 20:00 h. Polos portais alfombristas: Actuación do grupo de gaitas Os Muíños de Oliveira
Venres, 20 de xuño
- 11:00 h. Praza Maior: Inauguración da decoración colgante "Corpus Christi inclusivo", que este ano conta coa participación de delegacións de alfombristas de Portugal (Melgaço, Monção, Viana do Castelo, Caminha e Arcos de Valdevez), así como a presenza do embaixador de Malta en España e representantes da Worshipful Company of Gardeners do Reino Unido.
- 17:30 h. Casa do Concello: Saída da visita guiada "O Corpus orixe e tradición".
- 17:30 h. Praza da Música: "Corpus Christi Joga".
- 20:00 h. Actuación do Grupo Folclórico de Padróns e da Charanga Noroeste.
Sábado 21 de xuño
- 18:00 h. Comezo da elaboración de alfombras de flores, seguido da recepción dos alfombristas e un percorrido polas alfombras.
Domingo 22 de xuño
- 08:30 h. Misa rezada.
- 10:30 h. Misa rezada.
- 10:30 h. Casa do Concello: Recepción das autoridades.
- 11:30 h. Misa solemne cantada pola Coral do Sportivo.
- 12:30 h. Procesión do Corpus Christi acompañada pola Banda de Cornetas e Tambores da Coroación de Espiñas de Córdoba.
- 19:00 h. Desfile de carrozas con acompañamento musical.
- 20:00 h. Misa rezada.
- 22:00 h. Praza de Bugallal: Verbena co grupo Origen.
- 23:30 h. Praza Maior: Verbena co grupo América de Vigo.
- 00:00 h. Lanzamento de fogos artificiais.
Luns, 23 de xuño
- 12:00 h. Xardíns do Concello: Actividade infantil "A bailar".
- 17:00 h. Praza do Concello: Inchables gratuítos para os máis pequenos o Día da Cativada.
- 18:00 h. Misa por todos os alfombristas falecidos.
- 20:00 h. Monumento ao alfombrista: Ofrenda floral.
- 20:30 h. Auditorio Reveriano Soutullo: Cerimonia de entrega de medallas do Corpus Christi, coa actuación do grupo de gaitas Os Zoqueiros.
- 22:00 h. Praza Bugallal: Verbena coa orquestra Tango.
- 23:30 h. Praza Maior: Verbena coa orquestra Miramar.
Martes, 24 de xuño
- 12:00 h. Salón de plenos: Entrega de premios do 2º Concurso de Balcóns Floridos.
Case 200 anos de alfombras no Corpus de Ponteareas
Imaxe: Turismo Rías Baixas
Seguro que todos coñecemos algún pobo próximo que, en maior ou menor medida, realiza alfombras de flores para realzar a fermosura dalgunha procesión ou acto relixioso. Pero en Ponteareas é tal a dedicación dos seus veciños en preparar e realizar as alfombras florais do Corpus que chegaron a ser declaradas de Interese Turístico Internacional en 2009 e agora declarado Ben de Interese Cultural (BIC).
As alfombras de flores están intrinsecamente unidas á celebración do Corpus Christi en Ponteareas. Está festividade comezou a celebrarse na vila pontevedresa no ano 1857, cando por primeira vez se alfombraron unha vintena de rúas para adornar a procesión do Santísimo.
Dende aquel momento, o número de rúas mantívose, pero os tapices cambiaron de tamaño, complexidade e forma, ademais de presentar un deseño diferente cada ano.
A orixe das alfombras de flores
Non existe unha teoría unificada sobre a súa orixe. Hai expertos que aseguran que as alfombras florais dos actos relixiosos, como o Corpus Christi, son herdanzas de manifestacións pagás propias do mes de maio, de diversas accións de grazas en épocas de colleita e de diversas festas primaverais que conmemoran o florecemento da natureza.
Co paso do tempo, sinalan os expertos, a veciñanza comezou a tapar con flores os buratos do percorrido que seguía a procesión. Dado o seu atractivo, comezaron a facer debuxos máis elaborados, ata imitar coas súas flores os clásicos tapices de tecido da época que adornaban as casas adiñeiradas. E todo isto foi o que chegou aos nosos días, con centos de metros de debuxos e filigranas diferentes e moi variadas, coa temática relixiosa de fondo.
Alfombras florais do Corpus Christi en Ponteareas
Imaxe: Turismo Rías Baixas
As alfombras florais son unha forma de celebrar e adornar a procesión do Corpus de Ponteareas, que se celebra 60 días despois do domingo de Pascua.
Durante a noite anterior, todos os veciños e veciñas da vila participan na confección dos delicados tapices multicolores que cubrirán as rúas polas que pasará a solemne procesión. O resultado son fermosas filigranas de arte floral que conseguen enxalzar o esplendor do desfile de Corpus.
Como se fan as alfombras florais en Ponteareas
A veciñanza adoita repartir a tarefa de confección das alfombras por rúas, portais ou baixos, e defolian as flores para o seu uso posterior semanas antes.
Cada persoa coñece a súa función, dende o almacenamento e distribución dos pétalos ata a confección dos debuxos e o seu recheo. É todo un traballo ben organizado.
O deseño dos modelos é a primeira fase do proceso de elaboración que se realiza con meses de antelación. Unhas semanas antes da festa recóllese todo o material vexetal e, máis tarde, as flores.
Xa sobre o asfalto, o sábado pola tarde (o día anterior ao Domingo de Corpus), colócanse os modelos nos que se farán os debuxos, que se cubrirá durante toda a noite con flores e moitos outros materiais (sal, area, terra, café…).
As alfombras máis vistosas da procesión do Corpus de Ponteareas
Para poder visualizar toda a maxestosidade das alfombras florais hai que ter en conta varios puntos crave da procesión do Corpus de Ponteareas. A praza Bugallal, a praza Maior, a rúa Oriente, a rúa dos Ferreiros, a rúa Doutor Fernández de la Vega, a rúa Reveriano Soutullo ou a avenida da Constitución son algunhas das máis importantes.
O Santísimo ábrese paso sobre as alfombras de flores acompañado en todo momento dunha choiva de pétalos que, dende os balcóns, dan forma a un dos momentos máis peculiares desta festa.
Ponteareas acolle tamén a alfombristas doutras zonas, entre os que destacan os da localidade canaria da Orotava, que dan forma a unha alfombra con terra volcánica do Teide.
Agora xa coñeces todo o proceso e traballo que os veciños e veciñas de Ponteareas imprimen nas súas alfombras florais o día do Corpus. Un espectáculo visual e perfumado que deixa sen palabras a todo visitante que ese día decide achegarse á vila pontevedresa. A que estás esperando?
Fonte imaxe cabeceira: Turismo Rías Baixas