O domingo 7 de xuño é o día grande do Corpus de Ponteareas 2026, pero as festas comezan días antes, desde o 14 de maio, e finalizan o luns 8 de xuño, festivo local. Contámosche o máis destacado do programa do Corpus de Ponteareas 2026 para que non perdas a confección das alfombras florais, a procesión, o desfile de carrozas, a batalla de flores, os concertos e moito máis desta festa recoñecida como Ben de Interese Cultural (BIC).
Programa do Corpus de Ponteareas 2026
Imaxe: Cultura e Turismo Ponteareas
Un dos momentos máis especiais ten lugar o sábado 6 de xuño pola tarde, cando se empezan a confeccionar as alfombras florais do Corpus en Ponteareas 2026.
O domingo 7 de xuño chega o día máis importante das festas, coa procesión do Corpus Christi de Ponteareas, o desfile de carrozas e a batalla de flores ou a verbena nocturna, que podes gozar ata tarde porque o luns 8 de xuño é festivo local 2026 en Ponteareas.
Este é o programa do Corpus de Ponteareas 2026 que publica o Concello de Ponteareas.
Xoves, 14 de maio 2026
- 20:30 h. Salón de Plenos: Conferencia de Avelino Bouzán “O misterio da Eucaristía. O Corpus de Ponteareas”.
Venres, 15 de maio 2026
- 20:00 h. Apertura dos portais florais.
- 22:00 h. Praza de Bugallal: Actuación de Lucía Pérez.
Sábado, 16 de maio 2026
- 17:00 h. Auditorio Reveriano Soutullo: Final do Teatro Talento Xove.
- 19:00 h. Aparcadoiro Sarmiento Rivera: Bailotea e final de DJ’s de Talento Xove.
Domingo, 17 de maio 2026
- 09:00 h. Parque da Perillana: Andaina Sendeiros do Uma e do Tea.
- 10:00 h. Praza de Bugallal: III Mini DH Urbano Vila do Corpus.
Venres, 22 de maio 2026
- 17:00 h. Mercatea: Final Kitchen Talento Xove.
- 20:00 h. Polos portais alfombristas: Actuación do grupo de gaitas Pedra da Garza.
- 20:00 h. Salón de Plenos: Presentación da revista Pregón.
Sábado, 23 de maio 2026
- 20:00 h. Parque da Feira Vella: Concerto de rock da Banda Xuvenil Unión de Guláns.
Domingo, 24 de maio 2026
- 09:15 h. Praza de Bugallal: Sestelo – Clásica Álvarez Pino.
- 20:00 h. Auditorio Reveriano Soutullo: Concerto do XXX aniversario da Banda de Música Reveriano Soutullo.
Luns, 25 de maio 2026
- 20:00 h. Polos portais alfombristas: Actuación do Grupo Folclórico de Padróns.
Martes, 26 de maio 2026
- 20:00 h. Polos portais alfombristas: Actuación do Grupo Folclórico Muiños de Oliveria.
Mércores, 27 de maio 2026
20:00 h. Polos portais alfombristas: Actuación do Grupo Folclórico Algazara.
Xoves, 28 de maio 2026
- 20:00 h. Polos portais alfombristas: Actuación das pandereteiras Antre as Canas.
- 20:00 h. Auditorio Reveriano Soutullo: Concerto de grao profesional e cerimonia de graduación do CMUS.
Venres, 29 de maio 2026
- Todo o día: Ponteareas MODA & SABOR.
- 20:00 h. Polos portais alfombristas: Actuación de Naiama Gaitas.
Sábado, 30 de maio 2026
- Todo o día: Ponteareas MODA & SABOR.
- 09:00 h. Montes da Picaraña: Final da Liga InterRoco 2026.
- 18:30 h. Auditorio Reveriano Soutullo: Final musical Talento Xove.
- 18:30 h. Rúa Costitución: Desfile de moda Pasarela do Tea.
Domingo, 31 de maio 2026
- 12:30 h. Auditorio Reveriano Soutullo: Inauguración da exposición Corpus en Flor.
- 13:00 h. Casa do Concello: Lectura do pregón a cargo de Rafael Carracedo Crespo do Quinteto Revirado.
- 17:30 h. Auditorio Reveriano Soutullo: Concerto de Uxía Lambona e a Banda Molona.
Luns, 1 de xuño 2026
- 20:00 h. Polos portais alfombristas: Actuación do Grupo Pétalos.
Martes, 2 de xuño 2026
- 20:00 h. Polos portais alfombristas: Actuación do Grupo de gaitas Areas.
Mércores, 3 de xuño 2026
- 17:00 h. Praza Maior: Obradoiros infantís do Corpus Christi.
- 20:00 h. Polos portais alfombristas: Actuación do Grupo Pétalos.
Xoves, 4 de xuño 2026
- 20:00 h. Polos portais alfombristas: Actuación do Grupo Folclórico Sadeo.
Venres, 5 de xuño 2026
- 11:00 h. Praza Maior: Inauguración da decoración colgante "Corpus Christi inclusivo".
- 20:00 h. Polos portais alfombristas: Actuación das pandereteiras As Fiuncheiras.
- 21:00 h. Animación a cargo da banda de música Noroeste.
Sábado, 6 de xuño 2026
- 12:30 h. Praza Maior: Inauguración da exposición das florarías.
- 18:00 h. Inicio da creación das alfombras florais.
- 21:00 h. Ssalón de Plenos: Recepción das autoridades e visita guiada aos portais alfombristas.
- 22:00 h. Animación polas rúas con diversas actuacións musicais.
Domingo, 7 de xuño 2026
- 08:30 h. Misa rezada.
- 10:30 h. Misa rezada.
- 10:30 h. Recepción das autoridades.
- 11:30 h. Misa solemne cantada pola Coral do Sportivo.
- 12:30 h. Procesión do Corpus Christi acompañada pola Banda de Cornetas e Tambores de Zamora.
- 19:00 h. Desfile de carrozas con acompañamento musical.
- 20:00 h. Misa rezada.
- 22:00 h. Praza de Bugallal: Actuación da orquestra América de Vigo.
- 00:00 h. Praza Maior: Espectáculo de fogos artificiais.
- 00:00 h. Praza Maior: Actuación da orquestra Panorama City.
Luns, 8 de xuño 2026 (festivo local)
- 12:00 h. Praza do Concello: Espectáculo infantil "A Cantar".
- 17:00 h. Praza do Concello: Inchables gratuítos do Día da Cativada para os máis pequenos.
- 18:00 h. Santa Misa por todos os alfombristas falecidos.
- 18:00 h. Salón de Plenos: Entrega dos premios do III Concurso de Balcóns Floridos.
- 20:00 h. Ofrenda floral.
- 20:30 h. Cerimonia de medallas do Corpus Christi, cunha actuación do grupo de gaitas Os Zoqueiros.
- 22:00 h. Praza de Bugallal: Actuación da orquestra Os Satélites.
- 23:30 h. Praza Maior: Actuación da orquestra Paris de Noia.
Case 200 anos de alfombras no Corpus de Ponteareas
Imaxe: Turismo Rías Baixas
Seguro que todos coñecemos algún pobo próximo que, en maior ou menor medida, realiza alfombras de flores para realzar a fermosura dalgunha procesión ou acto relixioso. Pero en Ponteareas é tal a dedicación dos seus veciños en preparar e realizar as alfombras florais do Corpus que chegaron a ser declaradas de Interese Turístico Internacional en 2009 e agora declarado Ben de Interese Cultural (BIC).
As alfombras de flores están intrinsecamente unidas á celebración do Corpus Christi en Ponteareas. Está festividade comezou a celebrarse na vila pontevedresa no ano 1857, cando por primeira vez se alfombraron unha vintena de rúas para adornar a procesión do Santísimo.
Dende aquel momento, o número de rúas mantívose, pero os tapices cambiaron de tamaño, complexidade e forma, ademais de presentar un deseño diferente cada ano.
A orixe das alfombras de flores
Non existe unha teoría unificada sobre a súa orixe. Hai expertos que aseguran que as alfombras florais dos actos relixiosos, como o Corpus Christi, son herdanzas de manifestacións pagás propias do mes de maio, de diversas accións de grazas en épocas de colleita e de diversas festas primaverais que conmemoran o florecemento da natureza.
Co paso do tempo, sinalan os expertos, a veciñanza comezou a tapar con flores os buratos do percorrido que seguía a procesión. Dado o seu atractivo, comezaron a facer debuxos máis elaborados, ata imitar coas súas flores os clásicos tapices de tecido da época que adornaban as casas adiñeiradas. E todo isto foi o que chegou aos nosos días, con centos de metros de debuxos e filigranas diferentes e moi variadas, coa temática relixiosa de fondo.
Alfombras florais do Corpus Christi en Ponteareas
Imaxe: Turismo Rías Baixas
As alfombras florais son unha forma de celebrar e adornar a procesión do Corpus de Ponteareas, que se celebra 60 días despois do domingo de Pascua.
Durante a noite anterior, todos os veciños e veciñas da vila participan na confección dos delicados tapices multicolores que cubrirán as rúas polas que pasará a solemne procesión. O resultado son fermosas filigranas de arte floral que conseguen enxalzar o esplendor do desfile de Corpus.
Como se fan as alfombras florais en Ponteareas
A veciñanza adoita repartir a tarefa de confección das alfombras por rúas, portais ou baixos, e defolian as flores para o seu uso posterior semanas antes.
Cada persoa coñece a súa función, dende o almacenamento e distribución dos pétalos ata a confección dos debuxos e o seu recheo. É todo un traballo ben organizado.
O deseño dos modelos é a primeira fase do proceso de elaboración que se realiza con meses de antelación. Unhas semanas antes da festa recóllese todo o material vexetal e, máis tarde, as flores.
Xa sobre o asfalto, o sábado pola tarde (o día anterior ao Domingo de Corpus), colócanse os modelos nos que se farán os debuxos, que se cubrirá durante toda a noite con flores e moitos outros materiais (sal, area, terra, café…).
As alfombras máis vistosas da procesión do Corpus de Ponteareas
Para poder visualizar toda a maxestosidade das alfombras florais hai que ter en conta varios puntos crave da procesión do Corpus de Ponteareas. A praza Bugallal, a praza Maior, a rúa Oriente, a rúa dos Ferreiros, a rúa Doutor Fernández de la Vega, a rúa Reveriano Soutullo ou a avenida da Constitución son algunhas das máis importantes.
O Santísimo ábrese paso sobre as alfombras de flores acompañado en todo momento dunha choiva de pétalos que, dende os balcóns, dan forma a un dos momentos máis peculiares desta festa.
Ponteareas acolle tamén a alfombristas doutras zonas, entre os que destacan os da localidade canaria da Orotava, que dan forma a unha alfombra con terra volcánica do Teide.
Agora xa coñeces todo o proceso e traballo que os veciños e veciñas de Ponteareas imprimen nas súas alfombras florais o día do Corpus. Un espectáculo visual e perfumado que deixa sen palabras a todo visitante que ese día decide achegarse á vila pontevedresa. A que estás esperando?
Fonte imaxe cabeceira: Turismo Rías Baixas