Durante o mes de novembro a provincia de Ourense celebra a festa do magosto. E faino como manda a tradición, con castañas, viño e música ao redor dunha fogueira. Queres saber onde e cando son os magostos en Ourense 2025? Traémosche a guía máis completa con todas as localidades, datas, programas e prezos para que goces da festa do outono por excelencia.
Chega outubro e o terror apodérase de toda a televisión. Se es dos que lles gusta ter medo, gozarás de todo o mes coa televisión que che ofrecemos en R. Aínda así, hai moito máis que Halloween na televisión, empezando polo fútbol: prepárate para ver os partidos do CD Arenteiro, CD Lugo, Celta B, Ourense CF, Pontevedra e Racing de Ferrol porque engadimos a nova canle Primera Federación Versus e-Learning para clientes/as da opción Total TV. Se tes ese paquete, tamén podes ver os partidos do RC Deportivo en LaLiga Hypermotio. E se es subscritor de DAZN, segue o RC Celta en LALIGA EA Sports. Todo o fútbol galego na túa pantalla.
Que remate o verán non significa que rematen as festas e as feiras populares. Unha das máis esperadas do outono é As San Lucas de Mondoñedo 2025, do 16 ao 20 de outubro, considerada unha das feiras tradicionais máis importantes de Galicia. Contámosche todas as actividades e o programa das San Lucas de Mondoñedo 2025.
"O Paraíso do Marisco" está no Grove. Cada ano, decenas de miles de persoas achéganse a esta localidade costeira para saborear os mellores produtos do mar e, de paso, gozar dos concertos e do amplísimo programa da Festa do Marisco do Grove 2025, do 2 ao 12 de outubro.
As orquestras galegas teñen verdadeiros fans que as seguen onde queiran que actúen. Creamos un calendario con todas as datas para que saibas onde actúan as orquestras galegas en 2025 este mes e poidas asistir a todas as verbenas da Orquestra Panorama, París de Noia, Combo Dominicano e Los Satélites.
As festas de San Froilán en Lugo 2025 son unhas das máis populares do outono galego. Declarada Festa de Interese Turístico Internacional, as súas casetas de polbo, os concertos e citas tan soadas como o Domingo das Mozas atraen cada ano a miles de visitantes á "Cidade da Muralla" do 4 ao 12 de outubro. Consulta aquí os concertos e o programa de San Froilán Lugo 2025.
A Festa da Faba de Lourenzá 2025 celébrase do 3 ao 5 outubro. Unha oportunidade para degustar racións de receitas con fabas, visitar e comprar nas casetas dos fabeiros ou gozar das verbenas con orquestras. Contámosche todas as actividades do programa da Festa da Faba de Lourenzá 2025 para que non te perdas unha das grandes citas gastronómicas do outono en Galicia.
O AVE Galicia inaugurouse en decembro de 2021 e permitiu conectar Ourense e Madrid en 2 horas e 15 minutos. E dende 2024, a alta velocidade chega a Santiago de Compostela, A Coruña, Vigo, Pontevedra, Vilagarcía de Arousa e A Gudiña. Á oferta de trens AVE e Avlo, a modalidade de baixo custo, hai que sumar os trens Alvia que tardan un pouco máis. Podes consultar aquí toda a información sobre o AVE Galicia Madrid, contámosche os horarios, a duración dos traxectos, as estacións e o prezo dos billetes.
Se estás a buscar voos dende Galicia, podes consultar aquí todos os destinos aos que podes voar dende os tres aeroportos galegos. Contámosche todos os voos directos dende Galicia 2025 na tempada de outono e inverno, de setembro a decembro 2025 e actualizaremos a lista de destinos en xaneiro para que saibas as novidades de 2026.Así poderás saber cando hai voos directos a Roma dende Galicia ou os voos a Canarias dende Galicia para as túas próximas vacacións.
Remata o verán e chega o outono, pero en setembro non rematan as series e as películas na televisión que che ofrecemos en R. Unha das gañadoras do Óscar, The Brutalist, chega a SkyShowtime, e de agasallo Dexter: Resurrection. Outra serie imprescindible chega a Warner TV: El primer matrimonio de Georgie y Mandy, o spin-off de El joven Sheldon. E os fans de Goku, tranquilidade, teredes os episodios finais de Dragon Ball Z Kai en Comedy Central.
Non perdas unha nova edición das Meninas de Canido 2025, do 5 ao 7 de setembro, en Ferrol. Ademais das obras de arte inspiradas en Velázquez que podes percorrer polas rúas do barrio, espérante moitas actividades, concertos, foodtrucks para comer, o Mercado Creativo e moito máis. Consulta aquí o programa das Meninas de Canido 2025 en Ferrol e goza desta festa da arte e da cultura.
María Pita é testemuña inmóbil cada ano das actuacións dos grupos do momento. O escenario perfecto para gozar da música ao aire libre e gratis. Queres saber cales son os concertos de María Pita 2025 en agosto? Pois estás no lugar adecuado.
Pontevedra trasládase ao medievo en setembro coa súa popular Feira Franca. É unha das festas temáticas máis multitudinarias das Rías Baixas e foi recoñecida como Festa de Interese Turístico. Contámosche todo sobre os seus protagonistas e o programa da Feira Franca de Pontevedra 2025, os días 5 e 6 de setembro.
Cal é a mellor illa para visitar en Galicia? Difícil escoller só unha, as illas Cíes e as Ons son as máis famosas, pero hai moitas máis illas de Galicia para visitar. Paraísos naturais de todo tipo están ao teu alcance. Indicámosche como chegar, cando podes visitalas, onde durmir e que ver e facer cando vaias.