Uno dos nomes en galego para neno que máis gustan é Roi.
Ao tratarse dun nome curto, bonito e moi sonoro, é unha das opcións favoritas de moitos pais en Galicia á hora de poñerlle un nome ao seu fillo.
De feito, en Galicia hai máis de 2.200 persoas que se chaman Roi.
Orixe do nome Roi
O nome de Roi procede da lingua céltica do gaélico. Na súa orixe este nome estaba formado polo termo ruadh, que ten un significado que é “vermello”. Antigamente, este nome era moi utilizado en Irlanda, pero os significados e as connotacións que ten hoxe en día son totalmente diferentes.
Doutra banda, Roi é a forma curta de Rodrigo. E conta con outras variantes como Ruí ou Rui.
Significado do nome de Roi
O significado do nome de Roi varía en función da lingua na que se utilice ou coa que se relacione. Aínda que a súa orixe primixenia é o irlandés, este denominativo tamén se utiliza na cultura francesa, pero neste caso en lugar de vermello significa rei ou persoa poderosa.
Pero este nome tamén está presente na tradición hebrea e neste caso adquire connotacións relixiosas, xa que o seu significado é o meu pastor.
Homes co nome de Roi
A continuación, sinalamos varias persoas que levaron ou levan o nome de Roi:
- Roi Méndez: cantante.
- Roi Casal: cantante e músico.
- Roi Gomez de Briteiros: trobador medieval.
- Roi Xordo: señor medieval que encabezou a Revolta Irmandiña.
- Roi Vidal: dramaturgo, profesor e filólogo.
- Roi Rodríguez: piragüista.
- Roi Martinz do Casal: trobador.
Como se di o nome de Roi noutros idiomas
Indicámosche como se di Roi noutras linguas, para que saibas a súa equivalencia:
| Idioma | Tradución |
|---|---|
| Español | Rodrigo |
| Alemán | Roderich |
| Catalán | Roderic |
| Éuscaro | Edrigu Errodeika |
| Francés | Rodrigue |
| Galés | Rhodri |
| Inglés | Roderick |
| Italiano | Roderico Roderigo Rodrico |
| Portugués | Rodrigo Rui |
