Feira do Libro en Santiago 2025: programa e horarios

É chegar a primavera e o bo tempo e os parques énchense de xente. E a maioría aproveita para ler un libro á sombra das árbores. E coma se fose unha estación máis, chegan as feiras de libros en parques e alamedas. Unha das primeiras, como todos os anos, é a Feira do Libro de Santiago 2025, que é do 3 ao 11 de maio no paseo central da Alameda.

É case como un ritual. O bo tempo anima a levar un libro no bolso ou na mochila para aproveitar os descansos e ler á sombra dunha árbore ou nun parque resgardado. As feiras de libros chegan para fomentar a lectura pero tamén para poñer en contacto a escritores e a vendedores cos seus potenciais clientes.

A Feira do Libro de Santiago de Compostela 2025

Imaxe: Turismo de Santiago de Compostela

A capital galega é sempre unha das primeiras paradas das feiras de libros que organizan a Federación de Librarías e a Xunta de Galicia. Este ano percorrerán 5 concellos nos que o libro é o principal reclamo para atraer lectores e lectoras de todo tipo.

A Feira do Libro de Santiago 2025 celébrase do 3 ao 11 de maio no paseo central da Alameda e, como cada ano, exporanse e venderanse libros de diferentes editoriais, librarías e entidades, tanto galegas como do resto de España.

• Horario da Feira do Libro de Santiago 2025: de 11:00 a 14:00 h. e de 17:30 a 21:00 h.

Ademais, como adoita suceder neste tipo de feiras, as librarías achegan os seus produtos ao público e ofrecen prezos interesantes e descontos especiais. Este ano todo o que se adquira na Feira do Libro de Santiago ten un 10% de desconto.

Programa da Feira do Libro de Santiago 2025

Na Feira do Libro de Santiago 2025 non só se poderá mercar e buscar libros de todo tipo, senón que, como é habitual neste tipo de eventos, hai unha serie de actividades complementarias para animar a que se achegue todo tipo de público. Nunca fallan a sinatura de libros por parte de autores coñecidos, os sorteos, as campañas de fomento da lectura, as visitas guiadas, etc.

Este ano tamén haberá todo tipo de actos, só hai que botarlle un ollo ao programa e achegarse de 11:30 a 14:00 horas pola mañá e de 17:00 a 21:00 horas pola tarde ao paseo central da Alameda de Santiago. Non te perdas ningún detalle, seguro que hai un evento ideal para cada tipo de lector.

Se queres podes baixar aquí o programa da Feira do Libro en Santiago 2025:

Sábado, 3 de maio

• 12:00 h. Ivonnette da Silva asina Feminismo de barrio na caseta da libraría Uróboros.
• 12:30 h. Acto inaugural da Feira do Libro de Santiago. O pregón corre a cargo da libreira Lola Puerta.
• 17:30 h. Teatro para familias: Pedras de cartón representa a obra Carapuchiña vermella.
• 17:30 h. Sonia Arias López asina Antes pasábase por aquí na caseta da libraría Aenea.
• 18:00 h. Ángel Barrios asina Pactum: que el diablo os perdone na caseta da libraría Pedreira.
• 18:00 h. Alfonso Barreiro “Fon” asina Cósmico, bombero galáctico e Gazafellos 1 e 2 na caseta da libraría A Gata Tola.
• 18:30 h. Francisco Lorenzo asina Amnesia na caseta da libraría Casa del libro.
• 18:30 h. Roteiro arredor do Diario de Ruth Mathilda Anderson no seu centenario 1925-26 da man de Encarna Otero. Saída dende a Alameda.
• 18:30 h. Lola Fernández Pazos (El secreto de la perfección) e Maica Gorgal (La casa de la mina) conversan sobre as súas novelas coa xornalista María Nieto.
• 19:00 h. Alejandro Otero Jamardo asina O cabuchón vermello na caseta da libraría ULA Libraría social.
• 19:30 h. María Besteiros asina Ítaca na caseta da libraría Pedreira.
• 19:30 h. A escritora Isabel Blanco e a ilustradora María Lapido presentan Galegas na música acompañadas pola editora Edurne Baines.

Domingo, 4 de maio

• 12:00 h. Sara Fernández asina O bosque é a nosa casa na caseta da libraría Galgo azul.
• 12:00 h. Alfonso Barreiro “Fon” asina Cósmico, bombero galáctico e Gazafellos 1 e 2 na caseta da libraría A Gata Tola.
• 12:30 h. Noel Turbulencias asina Galicia Musicalidade na caseta da libraría Aenea.
• 12:30 h. Paula Mayor asina Rosalía Oculta na caseta da libraría Pedreira.
• 17:30 h. Contacontos Onde está Otti? con Silvia Penide.
• 17:30 h. Ana Lojo Chan asina Marea Morta, 5 e Estelas de Cartas ALPH@ na caseta da Libraría Ler Librarías Pobra do Caramiñal.
• 18:00 h. Silvia Tasende asina O espírito das maceiras na caseta da libraría ULA Libraría social.
• 18:00 h. Elena Gallego Abad asina Ata que a morte nos separe na caseta da libraría Pedreira.
• 18:30 h. Mario Obrero presenta Con e de curcuspín acompañado pola poeta Alba Cid.
• 19:00 h. Marta Villar asina Detective Ferruchi na caseta da libraría Pedreira.
• 19:30 h. Encontro arredor da literatura fantástica. Participan Adrián Pérez Bote (autor de Baixo o ceo de xeo) e David Cortizo (autor de Púrpura Tero).
• 20:00 h. Mario Obrero asina Con e de curcuspín na caseta da libraría Numax.

Luns, 5 de maio

• 18:00 h. Silvia Pato asina Se busca editorial na caseta da libraría Uróboros.
• 18:30 h. El braille en nuestra vida. Obradoiro de achegamento á escritura braille, impartido por Corina Alfonso promotora Braille da ONCE.
• 19:30 h. Nacho Taibo presenta Levitación, nivel iniciación acompañado por Prudencio Viveiro Mogo de edicións Laiovento.

Martes, 6 de maio

• 18:00 h. Javier Regueira Serrano asina El límite kallmann Parte 1: La caída na caseta da libraría Uróboros.
• 18:30 h. Xosé Manuel e Icía Varela presentan Cantareiras acompañadas por Manuel Vilar, ex- director do Museo do Pobo Galego.
• 19:30 h. Encontro con Neves Rodríguez e Pilar García Rego.

Mércores, 7 de maio

• 12:00 h. Cova P.L. asina Amar y destruir na caseta da libraría Uróboros.
• 18:00 h. Amancio Liñares e María Rey asinan Ruinas na caseta da libraría Pedreira.
• 18:30 h. Eduardo Baamonde asina Santiago de Compostela en acuarelas na caseta da libraría Uróboros.
• 18:30 h. Paco Díaz presenta Ensamble Isaac acompañado por Carlos Vázquez, autor dos textos literarios, Lila Díaz, autora das fotografías e a escritora Fina Casalderrey.
• 19:30 h. Luís Lamela presenta Golpistas e represores. Retratos e memoria histórica de falanxistas galegos acompañado por Prudencio Viveiro Mogo de edicións Laiovento.

Xoves, 8 de maio

• 18:00 h. Samuel Ferro asina A queimada das ánimas na caseta da libraría Uróboros.
• 18:00 h. Rosendo Estévez asina Pragas e doenzas na caseta da libraría Aenea.
• 18:30 h. Fernando Cabeza Quiles presenta A toponimia dos celtas brigantinos e doutros pobos da Gallaecia acompañado polo escritor e editor Miguel Anxo Fernán Bello.
• 19:00 h. Susana Fraguela asina Enfiando a vida na caseta da libraría Ler Librarías Pobra do Caramiñal.
• 19:00 h. Andrés Suárez asina Todavía más allá de mis canciones na caseta da libraría Casa del libro.
• 19:00 h. Henrique Neira e Xosé Manuel Lobato asinan as súas obras na caseta da libraría Pedreira.
• 19:00 h. Raquel Senra asina Escola de Monstruos na caseta da libraría Galgo azul.
• 19:30 h. Bailen as vellas. Os contos das cereixas. Unha proposta de narración oral para público adulto. Con Atenea García e Vero Rilo.

Venres, 9 de maio

• 12:00 h. Rosalía GT asina Unha pedra no zapato na caseta da libraría Uróboros.
• 17:30 h. César Cequeliños asina Sábeme a salamántiga o ceo de boca na caseta da libraría Pedreira.
• 17:30 h. Obradoiro: Marcapáxinas plantables: creatividade e natureza para toda a familia! dirixido por Árbore Azul.
• 18:00 h. Marcelino Requejo asina Visitantes de otras dimensiones na caseta da libraría Uróboros.
• 18:00 h. Carlos Gabriel Fernández asina 50 lugares sagrados de Galicia na caseta da libraría Aenea.
• 18:30 h. Suso de Toro presenta Conta, Sherezade acompañado por Fran Alonso.
• 18:30 h. Marga Gómez Pato e Manuel Gonzalez traductores de Mortiña asinan na caseta da libraría A Gata Tola.
• 18:30 h. Esteban A. Jiménez asina Lágrimas de plata na caseta da libraría Agrasar.
• 19:00 h. Alberto Mancebo asina Indolente na caseta da libraría Pedreira.
• 19:30 h. Encontro arredor da Banda Deseñada con Paula Mayor (autora de Rosalía Oculta), Alexandre Senande (autor de Sentinelas no limiar das tebras) e Sandra Lodi (autora de Papóns).
• 20:00 h. Suso de Toro asina Conta, Sherezade na caseta da libraría Numax.

Sábado, 10 de maio

• 11:45 h. Roteiro A Compostela de Xelmírez. Un paseo polas ubicacións da novela El siglo del Milagro con Rodrigo Costoya. Ao rematar o autor asinará os seus libros na feira.
• 12:00 h. Blanca Millán asina Cando era pequena e O gran libro das nosas vilas na caseta da libraría Aenea.
• 17:30 h. Espectáculo familiar: Os Xogos do Paporrubio, xogos para toda a familia.
• 18:00 h. Isabel M. Portela asina Ante dos mundos na caseta da libraría Aenea.
• 18:00 h. Alfonso Barreiro “Fon” asina Cósmico, bombero galáctico e Gazafellos 1 e 2 na caseta da libraría A Gata Tola.
• 19:00 h. Arantza Portabales asina Asasinato na casa rosa na caseta da libraría Agrasar.
• 19:30 h. Presentación/Concurso: Francisco Lorenzo presenta Amnesia, a continuación Quiz Literario: Canto sabes de novelas?

Domingo, 11 de maio

• 11:30 h. Charo Baleirón asina Invisible na caseta da libraría Uróboros.
• 12:00 h. Inma Soto asina A superheroína de aldea e Aventura na fraga na caseta da libraría Agrasar.
• 12:30 h. Juan Liñares asina Cruz de poesía na caseta da libraría Aenea.
• 17:30 h. Cristina Carou asina Mi espíritu y tu voz na caseta da libraría Ler Librarías Pobra do Caramiñal.
• 17:30 h. Contacontos Bim, bam, bum con Paco Nogueiras.
• 17:30 h. María Hesse asina El miedo e o resto da súa obra na caseta de información.
• 18:00 h. Xabier Queipo asina Tamarindo na caseta da libraría Pedreira.
• 18:30 h. Conversas Follas Novas.
• 19:00 h. Severino Fernández asina Tradición oral recuperada das tebras na caseta da libraría Pedreira.
• 19:00 h. Paula Vilaboy asina Eres naturaleza na caseta da libraría Galgo azul.
• 19:30 h. Presentación de As Fillas Bravas de Momán, coa participación das actrices Isaura da Pinanta, Dosinda de Cachán e Benedita de Cachán.

Goza da Feira do Libro de Santiago de Compostela 2025 do 3 ao 11 de maio na Alameda.