As festas de Ourense 2025 concéntranse en cinco días en pleno mes de xuño, do mércores 18 ao domingo 22 de xuño. Un novo formato que xa leva varios anos celebrándose e que coincide co comezo das vacacións infantís e a tradicional noite das fogueiras previas a San Xoán.
No programa das festas de Ourense 2025, do 18 ao 22 de xuño, non faltará o Mercado Medieval, a música das orquestras e concertos, as atraccións ou os fogos artificiais, que nesta ocasión se estrean dende a Ponte do Milenio.
Programa das festas de Ourense 2025
O Concello de Ourense xa presentou o programa completo das festas de Ourense 2025. Mantense o formato de festas cunha programación concentrada en cinco días, do 18 ao 22 de xuño de 2025.
As Festas de Ourense 2025 arrancarán o día 18 de xuño co pregón a cargo do actor Luis Zahera.
E o fin de festa chega cunha das actividades máis esperadas: a tirada de fogos artificiais. As Festas de Ourense 2025 incluirán por primeira vez unha tirada de fogos artificiais dende a Ponte do Milenio. Será unha sesión dobre que terá lugar na noite do domingo 22 de xuño.
Mercores, 18 de xuño de 2025
11:00 h: Cruz Vermella SomosGOUFest. No Parque das Mercedes.
22:30 h: Pregón de Luis Zahera. Nos exteriores do Pavillón Remedios.
20:00 a 21:00 h: Exhibición baile Dantzari. Nos exteriores do Pavillón Remedios.
23:00 a 23:20 h: Espectáculo de Drons. Na zona da Ponte Romana.
21:00 a 22:30 h e 23:20 a 01:00 h: Verbena coa orquestra Olympus nos exteriores do Pavillón Remedios.
Xoves, 19 de xuño de 2025
23:00 a 03:00 h: Gramola DJs. Ballesteros, Pablo Marques e Diego Mirón. Nos exteriores do Pavillón Remedios.
Venres, 20 de xuño de 2025
20:00 h: Torneo Futbolín Master de Ourense. No Anexo al Pavillón Remedios.
23:00 a 00:30 h: Concerto de Nil Moliner. Nos exteriores do Pavillón Remedios.
00:45 a 03:00 h: Sesión DJ. Nos exteriores do Pavillón Remedios.
Sábado, 21 de xuño de 2025
Durante todo o día: Torneo Futbolín Master de Ourense. No Anexo ao Pavillón Remedios.
16:00 a 21:00 h: II Evento Breaking Cidade de Ourense 2025 Fresh Designs Breaking Battle. Nos exteriores do Pavillón Remedios.
19:30 h: Festa das Cores. No Parque Baraña.
21:30 a 22:30 h: Verbena dos Oitenta co Grupo Assia. Na Rúa do Progreso.
23:00 a 02:00 h: Concerto de Justin Quiles. Nos exteriores do Pavillón Remedios.
Domingo, 22 de xuño de 2025
21:00 a 22:00 h e 22:30 a 22:50 h: Verbena coa orquestra Cañón.
22:00 a 22:30 h: Entrega de premios do Concurso de Pinchos de Ourense.
23:49 h: Fogos Artificiais. Poderán verse dende a zona da Ponte Romana, Ribeiriño, Chavasqueira (rúa Tinteiro) e rúa Francisco Llorens.
Ademais, hai Feria do Libro no Parque de San Lázaro do 18 ao 21 de xuño, ambos os dous incluidos.
O Mercado Medieval de Ourense 2025
Outra cita importante das festas será o Mercado Medieval de Ourense 2025.
Dende o mércores 18 de xuño ás 17:30 h e ata o domingo 22 de xuño ás 23:00 h, o Mercado Medieval estará na zona exterior do Pavillón Remedios de 11:00 a 00:00 h. As actividades e pasarrúas terán lugar de 11:00 a 23:00 h.
Resumindo:
- Inauguración Mercado Medieval Festas de Ourense 2025: mércores 18 de xuño ás 17:30 h.
- Clausura Mercado Medieval Festas de Ourense 2025: domingo 22 de xuño ás 23:00 h.
- Horario habitual Mercado Medieval Festas de Ourense 2025: de 11:00 a 00:00 h.
- Actividades y pasarrúas Mercado Medieval Festas de Ourense 2025: entre as 11:00 e as 23:00 h.
Festas de Ourense 2025: actividades para os peques
Como todos os anos, as festas de Ourense están dirixidas a un público de todas as idades, onde cobran especial importancia as actividades dirixidas aos máis pequenos da casa.
Haberá atraccións no Parque Barbaña de 19:00 a 02:00 h mércores, xoves e venres e de 17.00 a 02.00 h sábado e domingo.
Y xincana de inchables todos os días de 17:00 a 20:00 h. Sábado e domingo, tamén de 11:30 a 13:00 h. Onde? No parque xunto á Ponte Romana.
Concurso de Pinchos de Ourense 2025
Coincidindo coas festas, celébrase tamén o Concurso de Pinchos de Ourense, do 13 ao 21 de xuño, no que poden participar todos os establecementos de hostalería do concello que habitualmente ofrecen petiscos aos seus clientes.
O concurso quere dar a coñecer así a riqueza gastronómica ourensá a veciños e visitantes.
Os petiscos serviranse en cada local nos seus horarios habituais de apertura e os seus prezos oscilarán entre os 2,50€ e os 4€.
Público e xurado profesional elixirán os gañadores nas diferentes categorías do concurso: "Pincho Clásico", "Pincho Innovación 2025" e un premio adicional ao "Mellor Pincho Celíaco".
Historia das festas de Ourense: o Corpus como epicentro
As festas de Ourense 2025 están entre as máis representativas da cidade. Este ano terán unha duración de cinco días, do 18 ao 22 de xuño. Pero hai anos celebrábanse con motivo do Corpus, unha celebración tradicional en Ourense que se remonta a principios do século XX.
A súa duración foi de ata 12 días e o seu epicentro foi a solemnidade relixiosa do Santísimo Sacramento. Ese día tiña lugar a misa solemne seguida da procesión, coa participación de todas as parroquias da cidade. Esta celebración foi o nacemento do que actualmente son as festas de Ourense.
Aquí naceu a famosa “Batalla das Flores”, unha das actividades máis queridas das festas do Corpus, que remataba coa “guerra de confeti” entre as carrozas participantes, compartida co público.
Verbenas e bailes populares desenvolvíanse en salóns sociais ou nos paseos da Alameda, eventos deportivos, concursos de bandas de música e bailes comarcais nunca faltaban.
Non queda máis que agardar ao cambio de estación para que toda a veciñanza de Ourense, xunto con todos os turistas que queiran achegarse, poida gozar das festas de Ourense 2025 e, de paso, das termas de Ourense.
Fonte imaxe de cabeceira: Turismo Ourense.