Festa do Queixo de Arzúa 2026: programa, concertos…

"Queixeamos"? Do 27 de febreiro ao 1 de marzo de 2026, Arzúa recibe a miles de visitantes desexosos/as de degustar o seu famoso queixo na Festa do Queixo de Arzúa 2026, unha das festas gastronómicas máis populares de Galicia. Contámosche máis sobre o programa, o cartel, os concertos, o horario do recinto feiral… e, por suposto, sobre o gran protagonista: o queixo.

Programa da Festa do Queixo de Arzúa 2026

Dar unha volta polo recinto feiral Terra do Queixo, probar riquísimos queixos, ir aos concertos ou aos showcookings, saborear tapas elaboradas con queixo DOP Arzúa-Ulloa nos locais de hostalería, gozar da animación das charangas e das gaitas pola rúa… Iso é todo o que che espera na Feira do Queixo Arzúa 2026, a fin de semana do 27 de febreiro ao 1 de marzo de 2026.

Antes de entrar en detalles, na imaxe podes ver o cartel da Festa do Queixo Arzúa 2026 do deseñador Aitor Marín, que nesta 51ª edición rende homenaxe á emigración galega.

Agora si, deixámosche por aquí o programa da Festa do Queixo de Arzúa 2026, que ten como pregoeiro a Federico Pérez Rey.

Venres, 27 de febreiro 2026

• 18:30 h. Capela da Madalena: Pequequeixo: espectáculo Latexos de K'Paparota Teatro.
• 18:00 h. Concurso de Tapas e Petiscos, nos establecementos de hostalería de Arzúa que participan.

Sábado, 28 de febreiro 2026

• 11:00 h. Apertura do recinto feiral Terra Do Queixo.
• 11:30 - 13:30 h. Animación de rúa a cargo de Trópico de Grelos.
• 12:00 h. Inauguración da Festa do Queixo de Arzúa 2026 e lectura do pregón de Federico Pérez Rey.
• 12:45, 17:00 e 20:00 h. Recinto feiral (1º andar): Showcooking do chef Diego Mato e degustación. Actividade gratuíta con inscrición en [email protected]. Prazas limitadas.
• 13:45 e 18:00 h. Recinto feiral (1º andar): Experiencias con cervexas 1906, charla e cata “Mesmo queso, diferente evolución”. Actividade gratuíta con inscrición en [email protected]. Prazas limitadas.
• 14:30 e 19:00 h. Recinto feiral (1º andar): Experiencias con cervexas 1906, maridaxe de queixos e cervexas 1906. Actividade gratuíta con inscrición en [email protected]. Prazas limitadas.
• 16:00 h. Recinto feiral (1º andar): Charla e cata Ruta Europea do Queixo “A arte de comer queixo”. Actividade gratuíta con inscrición en [email protected]. Prazas limitadas.
• 17:00 - 20:00 h. Praza de Galicia: festa e música coa Duendeneta.
• 18:30 h. Capela da Madalena: Pequequeixo: espectáculo de Pelica de Burra.
• 19:00 - 20:00 h. Recinto feiral e varias rúas: animación con Familia Bocaprier.
• 20:30 h. Recinto aberto baixo carpa: concerto de Dogo, gañador do Queixo Maquetón.
• 21:45 h. Recinto aberto baixo carpa: concerto de Dulzaro.
• 22:25 h. Recinto aberto baixo carpa: concerto de Dorian.
• 00:10 h. Recinto aberto baixo carpa: concerto de Dakidarría.
• 01:55 h. Recinto aberto baixo carpa: concerto de Cool Nenas.

Domingo, 1 de marzo 2026

• 10:00 h. Apertura do recinto feiral Terra Do Queixo.
• 10:00 h. Local social de Santa María: Torneo de xadrez. Inscricións en 617234393 ou en [email protected]
• 11:00 h. Recinto feiral (1º andar): Obradoiro de cata “Simulación dun concurso de queixos”. Actividade gratuíta con inscrición en [email protected]. Prazas limitadas.
• 11:00 - 14:00 h. Recinto feiral, praza de Galicia e rúas de Arzúa: Animación con Pandereteiras de Montefurado.
• 12:00 h. Capela da Madalena: Pequequeixo: espectáculo familiar con Charlatán Rodríguez.
• 12:00 - 14:00 h. Recinto feiral, praza de Galicia e rúas de Arzúa: Animación con Mekánica Rolling Band.
• 12:00 e 13:00 h. Recinto feiral (1º andar): Experiencias con cervexas 1906, maridaxe de queixos e cervexas 1906. Actividade gratuíta con inscrición en [email protected]. Prazas limitadas.
• 14:00, 15:00 e 17:00 h. Recinto feiral (1º andar): Showcooking do chef Iván Domínguez e degustación. Actividade gratuíta con inscrición en [email protected]. Prazas limitadas.
• 16:00 h. Recinto feiral (1º andar): Cata maridada de queixo e sake. Actividade gratuíta con inscrición en [email protected]. Prazas limitadas.
• 12:30 h. Recinto aberto baixo carpa: sesión vermú co concerto de MJ Pérez.
• 18:00 h. Recinto aberto baixo carpa: concerto de Ialma.
• 19:15 h. Recinto aberto baixo carpa: concerto de Budiño.

Festa do Queixo Arzúa 2026: mapa e horario

Na imaxe podes ver o mapa da Festa do Queixo Arzúa 2026, coa localización da carpa dos concertos, a carpa de comida e foodtrucks… para que non perdas nada. Tamén podes descargar o mapa aquí:

Xa viches cantas actividades podes gozar durante a Festa do Queixo Arzúa 2026. Ademais de todas estas propostas, podes achegarte a probar e comprar queixo e outros produtos no recinto feiral Terra do Queixo, situado na rúa Travesía da feira, ao carón da praza do Mercado.

Unha zona está dedicada a produtos artesáns galegos, conservas de Cantabria, aceites... Outra área resérvase para as queixerías con DOP Arzúa-Ulloa, as outras Denominacións de Orixe galegas, como a de Tetilla, O Cebreiro e San Simón da Costa, ou queixos internacionais. E un espazo máis para os Produtores Lácteos Tradicionais (PLT).

• Os queixos galegos: historia, tipos e Denominacións de Orixe

Deixámosche na seguinte ligazón o plano coa distribución dos diferentes expositores:

E aquí tes o horario do recinto feiral Terra do Queixo durante a Feira do Queixo Arzúa 2026:

• Sábado, 28 de febreiro de 2026: 11:00 - 20:30 h.
• Domingo, 1 de marzo de 2026: 10:00 - 18:30 h.

Concertos da Festa do Queixo de Arzúa 2026

Ademais do queixo, a música é a outra gran protagonista da festa con moitos concertos gratis no recinto aberto baixo carpa durante toda a fin de semana.

Aquí tes todos os concertos da Festa do Queixo de Arzúa 2026:

Sábado, 28 de febreiro 2026

• 20:30 h. Recinto aberto baixo carpa: Dogo, gañador do Queixo Maquetón.
• 21:45 h. Recinto aberto baixo carpa: Dulzaro.
• 22:25 h. Recinto aberto baixo carpa: Dorian.
• 00:10 h. Recinto aberto baixo carpa: Dakidarría.
• 01:55 h. Recinto aberto baixo carpa: Cool Nenas.

Domingo, 1 de marzo 2026

• 12:30 h. Recinto aberto baixo carpa: sesión vermú con MJ Pérez.
• 18:00 h. Recinto aberto baixo carpa: Ialma.
• 19:15 h. Recinto aberto baixo carpa: Budiño.

Feira do Queixo de Arzúa 2026

A primeira edición da Feira do Queixo de Arzúa celebrouse no ano 1975 e nunca faltou á súa cita, nin sequera nos anos de pandemia, aínda que si tivo que adaptarse ás circunstancias sanitarias, así que en 2026 chega xa á súa edición número 51.

A Festa do Queixo de Arzúa está declarada de Interese Turístico e é un escaparate de excepción para o máis famoso dos produtos gastronómicos locais: o queixo Denominación de Orixe Arzúa-Ulloa. É un gran revulsivo económico, pois poden chegar a venderse ata 100.000 queixos en só unha fin de semana.

O Queixo de Arzúa, "Produto Galego de Calidade"

O queixo con D.O.P. Arzúa-Ulloa é o que máis producimos e consumimos en Galicia e dende 1989 conta coa denominación de "Produto Galego de Calidade".

Ademais, en 1995 foron recoñecidos como "Denominación de Orixe Protexida" aqueles queixos elaborados seguindo o método estipulado e orixinarios, tanto o leite como a produción, dos concellos da área xeográfica da D.O.P. Arzúa-Ulloa: Arzúa-Ulloa: Arzúa, Boimorto, Curtis, Frades, Mesía, Ordes, Oroso, O Pino, Santiso, Sobrado, Toques, Touro, Vedra, Vilasantar, Antas de Ulla, Carballedo, Chantada, Friol, Guntín, Monterroso, Palas de Rei, Portomarín, Taboada, Agolada, A Estrada, Dozón, Lalín, Rodeiro, Silleda e Vila de Cruces.

Como é o queixo de Arzúa-Ulloa

Este queixo está elaborado con leite natural e enteiro de vaca e realízase de maneira artesanal.

A súa cortiza é fina e elástica, sen fisuras. O seu sabor, suave, tenro e lixeiramente acedo; conforme vai madurando tende a facerse máis doce. A súa textura é untuosa e conta cun mínimo dun 45% de materia graxa. A súa forma é xeralmente redonda, de "tetiña" ou "periña".

Preséntase en bloques lenticulares con bordos redondeados e cada peza adoita pesar entre 0,5 e 3,5 quilos. Acostuma estar cinguido cunha característica cinta de tea.

Conservación do queixo de Arzúa-Ulloa

Para a súa conservación, é aconsellable que estea en lugares con temperaturas que oscilen entre os 8 e os 10 graos.

A orixinal textura branda vai deixando paso, aos poucos, a un queixo máis duro, denominado de nabiza, que é o máis apreciado.

E para apreciar todo o seu sabor, recomendámosche que o deixes a temperatura ambiente durante un par de horas antes de degustalo.

Que ganas de gozar da Festa do Queixo de Arzúa 2026. Unha cita indispensable coa mellor gastronomía de Galicia, a boa música e unha chea de actividades para toda a familia.

Fonte imaxe de cabeceira: Festa do Queixo de Arzúa