Semana Santa Viveiro 2026: programa, procesións, itinerario...

A Semana Santa de Viveiro 2026 celébrase do 27 de marzo de 2026, Venres de Dores, ao 5 de abril de 2026, Domingo de Resurrección. Durante estes días, a localidade lucense énchese de procesións e actos que atraen a miles de visitantes. Consulta aquí todas as procesións da Semana Santa Viveiro 2026 para saber o horario e itinerario de cada unha. Ademais, contámosche máis actividades culturais que se celebran no programa da Semana Santa Viveiro 2026.

Programa da Semana Santa de Viveiro 2026

O programa da Semana Santa de Viveiro 2026 comeza o Venres de Dores, o 27 de marzo de 2026, coa Procesión da Virxe das Dores, e termina o Domingo de Resurrección, o 5 de abril de 2026, coa Procesión do Vía Lucis.

Pero, ademais das procesións de Semana Santa Viveiro 2026, durante a Coresma realízanse outros actos relacionados, dentro do programa Adral. Así, organízanse concertos, charlas e presentacións antes de arrincar coa axenda oficial da Semana Santa de Viveiro 2026.

O cartel da Semana Santa de Viveiro 2026 é obra de María San Isidro.

O pregón da Semana Santa Viveiro 2026 corre a cargo do xornalista José Ángel Rodríguez Méndez e terá lugar o sábado 28 de marzo de 2026 no Teatro Pastor Díaz.

Consulta aquí el programa cultural de Adral 2026, del 5 al 28 de marzo:

​​​​​​​​​​​​​​​​​​​​​

Procesións da Semana Santa de Viveiro 2026

Podes descargar aquí todo o programa da Semana Santa Viveiro 2026, do 27 de marzo ao 5 de abril, onde se detalla todo o calendario das procesións que imos resumir a continuación e que ampliamos máis abaixo co horario, itinerario… de cada unha.

Venres, 27 de marzo 2026: Venres de Dores

• 21:00 h. Procesión da Virxe das Dores dende a Igrexa de San Francisco.

Sábado, 28 de marzo 2026: Sábado de Paixón

• 18:00 h. Atrio San Francisco: concerto benéfico da Banda Nuestra Señora de la Misericordia.
• 20:30 h. Teatro Pastor Díaz: pregón do xornalista José Ángel Rodríguez Méndez.

Domingo, 29 de marzo 2026: Domingo de Ramos

• 12:00 h. Procesión da Borriquita dende a Igrexa de San Francisco.
• 20:00 h. Procesión do Ecce-Homo dende a Igrexa de San Francisco.

Luns, 30 de marzo 2026: Luns Santo

• 21:00 h. Tamborrada polas rúas de Viveiro e final na Praza Maior.

Martes, 31 de marzo 2026: Martes Santo

• 21:00 h. Vía Crucis de Mulleres dende a Igrexa de San Francisco.

Mércores, 1 de abril 2026: Mércores Santo

• 22:00 h. Vía Crucis de Homes dende a Igrexa de San Francisco.

Xoves, 2 de abril 2026: Xoves Santo

• 12:30 h. Teatro Pastor Díaz: proxección do documental 75 aniversario Real Hermandad de las Siete Palabras.
• 19:00 h. Procesión da Última Cea dende la Igrexa de San Francisco.
• 21:30 h. Procesión do Prendemento dende a Igrexa de San Francisco.
• 23:45 h. Procesión da Misericordia dende a Capela da Misericordia.

Venres, 3 de abril 2026: Venres Santo

• 10:00 h. Procesión do Encontro na Praza Maior e o Atrio de Santa María.
• 12:30 h. Sermón das Sete Palabras na Praza Maior.
• 18:30 h. Atrio de Santa María: Descendemento ou Desencravo.
• 19:30 h. Procesión do Santo Enterro dende a Igrexa de Santa María.
• 22:00 h. Procesión da Paixón dende a Igrexa de San Francisco.
• 00:00 h. Sermón da Soidade na Igrexa de San Francisco.
• 00:30 h. Procesión da Soidade ou dos Caladiños dende a Igrexa de San Francisco.

Sábado, 4 de abril 2026: Sábado Santo

• 19:30 h. Procesión da Esperanza da Resurrección dende a Igrexa de San Francisco.

Domingo, 5 de abril 2026: Domingo de Resurrección

• 12:00 h. Procesión do Encontro de Resurrección dende a Igrexa de Santa María.
• 19:30 h. Procesión do Vía Lucis dende a Igrexa de San Francisco.

A continuación, dámosche todos os detalles sobre o horario e o itinerario das procesións de Semana Santa Viveiro 2026.

Procesións do venres, 27 de marzo 2026: Venres de Dores

É a primeira das procesións da Semana Santa de Viveiro 2026. A Venerable Orde Terceira Franciscana saca a imaxe da Santísima Virxe das Dores.

• 21:00 h. Procesión da Virxe das Dores dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.

Procesións do sábado, 28 de marzo 2026: Sábado de Pasión

O sábado 28 de marzo de 2026 non hai procesións de Semana Santa Viveiro 2026, é o día do pregón, que ten lugar no Teatro Pastor Díaz ás 20:30 h.

O papel de pregoeiro recaeu en personalidades do mundo da cultura, da política ou dos medios.

O primeiro pregoeiro "documentado" foi Ramón Otero Pedrayo, no ano 1974. Tras el, Filgueira Valverde, Fraga Iribarne, Xosé Ramón Gayoso ou Luz Pozo Garza.

En 2026, o pregoeiro é o xornalista José Ángel Rodríguez Méndez. O peche do acto correrá a cargo da soprano Patricia Rico, acompañada ao piano por Javier Ares.

• 20:30 h. Teatro Pastor Díaz: pregón do xornalista José Ángel Rodríguez Méndez.

Procesións do domingo, 29 de marzo 2026: Domingo de Ramos

O Domingo de Ramos, 29 de marzo de 2026, continúan as procesións de Semana Santa Viveiro 2026. Neste caso celébranse dúas procesións:

Pola mañá, a Parroquia de Santiago organiza a Procesión da Entrada Triunfal de Xesús en Xerusalén, popularmente coñecida como A Borriquita. Consta dun único paso con catro esculturas: Xesucristo, A Borriquita, unha muller de xeonllos e un neno que porta unha palma. Vai dende a Igrexa de San Francisco á Praza Maior; alí realízase a tradicional beizón dos ramos e das palmas.

E, pola tarde, celébrase a Procesión do Ecce-Homo dos Franceses. Chámase así porque, segundo a tradición, os franceses perdoaron aos viveirenses durante a Guerra de Independencia Española tras ver o fervor co que veneraban esta imaxe. Consta de catro imaxes: Cristo da Vera Cruz, a Coroación de Espiñas, Dolorosa da Igrexa das MM Concepcionistas e Ecce-Homo dos Franceses.

• 12:00 h. Procesión da Borriquita dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.
• 20:00 h. Procesión do Ecce-Homo dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.

Procesións do luns, 30 de marzo 2026: Luns Santo

O Luns Santo, o 30 de marzo de 2026, non se celebran procesións de Semana Santa Viveiro 2026, é a noite na que os tambores soan por todo Viveiro a partir das 21:00 h.

A Tamborrada de Viveiro celébrase dende 2005 e lembra o "Romper a Hora" da famosa Semana Santa de Calanda (Teruel).

Tras percorrer o centro histórico, a parada final da Tamborrada é a Praza Maior, onde todas as bandas tocan ao unísono unha peza conxunta.

• 21:00 h. Tamborrada polas rúas de Viveiro e final na Praza Maior.

Procesións do martes, 31 de marzo 2026: Martes Santo

Os pasos do Vía Crucis de Mulleres, que organiza a Irmandade de Mulleres da Santa Cruz, son o Cristo da Veracruz e María ao pé da Cruz. Garda o percorrido desta procesión da Semana Santa Viveiro 2026 do Martes Santo, 31 de marzo:

• 21:00 h. Vía Crucis de Mulleres dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Teodoro de Quirós, Convento Concepcionista, Atrio de Santa María, Irmáns Vilar Ponte, Avenida de Cervantes, Igrexa San Francisco.

Procesións do mércores, 1 de abril 2026: Mércores Santo

O Vía Crucis de Homes conta coa organización da Parroquia de Santiago e Real Irmandade das Sete Palabras. Sae o paso do Cristo da Agonía e vai acompañado de 14 penitentes coa cruz ao lombo.

• 22:00 h. Vía Crucis de Homes dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.

Procesións do xoves, 2 de abril 2026: Xoves Santo

Día importante de procesións de Semana Santa Viveiro 2026, con tres saídas pola tarde e pola noite do Xoves Santo, 2 de abril de 2026.

A Procesión da Última Cea arranca da Igrexa de San Francisco tras o Lavatorio de Pés. Intégrana os seguintes pasos: A Cea, A Oración do Horto, A Flaxelación, o Ecce-Homo e a Santísima Virxe das Dores.

A continuación, tócalle a quenda á Procesión do Prendemento. Tras a Cea e o Sermón das Negacións de San Pedro, arranca a procesión dende San Francisco. Está encabezada polo chamado Bico de Xudas. Son especialmente recoñecibles as súas túnicas e carapuchas vermellas e brancas.

E termina a xornada coa Procesión da Misericordia. Na madrugada do Xoves ao Venres Santo sae esta procesión que comeza o seu percorrido na Capela da Misericordia. Só contén dous pasos: Ecce-Homo da Misericordia e Sacra Conversación da nosa Señora a Santísima Virxe da Clemencia con San Xoán e Santa María Magdalena.

• 19:00 h. Procesión da Última Cea dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.
• 21:30 h. Procesión do Prendemento dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Plaza de Lugo, Avenida da Marina, Avenida de Galicia, Igrexa San Francisco.
• 23:45 h. Procesión da Misericordia dende a Capela da Misericordia. Percorrido: Capela Misericordia, Ponte de Viveiro, Avenida de Galicia, Avenida de Cervantes, Margarita Pardo de Cela, Praza Maior, María Sarmiento, Porta de Carlos V, Ponte de Viveiro, Capela da Misericordia.

Procesións do venres, 3 de abril 2026: Venres Santo

O programa de Semana Santa Viveiro 2026 vén cargado o Venres Santo, 3 de abril de 2026.

A xornada empeza coa Procesión do Encontro, unha das máis vistosas. Imaxes articuladas escenifican as tres caídas de Xesús no camiño ao Monte Calvario e o encontro con María, San Xoán e a Verónica.

Xa pola tarde, ás 18:30 h, procederase no atrio de Santa María ao Desencravo e, tras este simbólico acto, arranca a Procesión do Santo Enterro. Vai encabezada pola Cruz Procesional, do século XVI e elaborada en prata. Tras ela, as imaxes da Magdalena, San Xoán, Santísimo Cristo Xacente e a Virxe da Soidade.

Pola noite, é a Procesión da Paixón na que saen os pasos: O Prendemento, O Calvario, o Santísimo Cristo da Piedade e María ao pé da Cruz.

Tras o Sermón da Soidade, na madrugada do Venres ao Sábado Santo, sae a procesión máis silenciosa de todas, a Procesión da Soidade, coñecida popularmente como a dos Caladiños. Nela, A Dolorosa é acompañada por cidadáns portando velas. Termina co canto popular da Salve.

• 10:00 h. Procesión do Encontro na Praza Maior e o Atrio de Santa María.
• 12:30 h. Sermón das Sete Palabras na Praza Maior.
• 18:30 h. Atrio de Santa María: Descendemento ou Desencravo.
• 19:30 h. Procesión do Santo Enterro dende a Igrexa de Santa María. Percorrido: Igrexa Santa María, Irmáns Vilar Ponte, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Igrexa Santa María.
• 22:00 h. Procesión da Paixón dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Praza de Lugo, Avenida da Marina, Avenida de Galicia, Igrexa San Francisco.
• 00:00 h. Sermón da Soidade na Igrexa de San Francisco.
• 00:30 h. Procesión da Soidade ou dos Caladiños dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.

Procesións do sábado, 4 de abril 2026: Sábado Santo

A Procesión da Esperanza da Resurrección é a única procesión de Semana Santa Viveiro 2026 o Sábado Santo, 4 de abril.

É unha das procesións máis novas, xa que se realiza só dende 2010. A protagonista é a Virxe da Esperanza, portada pola Irmandade de Mulleres da Santa Cruz, ataviadas de verde e branco.

• 19:30 h. Procesión da Esperanza da Resurrección dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.

Procesións do domingo, 5 de abril 2026: Domingo de Resurrección

Péchase o programa da Semana Santa Viveiro 2026 o Domingo de Resurrección, 5 de abril, con dúas procesións:

Pola mañá, ten lugar una das máis concorridas e coñecidas: a Procesión do Encontro de Resurrección. Corre a cargo da Ilustre e Venerable Confraría do Santísimo Rosario e o seu itinerario vai dende a Igrexa de Santa María do Campo á Praza Maior, lugar do Encontro. Vai acompañada dunha coral polifónica.

Pola tarde, tras a misa, a Procesión do Vía Lucis pon punto e final ao calendario de procesións da Semana Santa de Viveiro. Celebra a Resurrección de Cristo, polo que os seus integrantes xa non visten capirote e van de branco.

• 12:00 h. Procesión do Encontro de Resurrección dende a Igrexa de Santa María. Percorrido: Igrexa Santa María, Irmáns Vilar Ponte, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Igrexa Santa María.
• 19:30 h. Procesión do Vía Lucis dende a Igrexa de San Francisco. Percorrido: Igrexa San Francisco, Avenida de Cervantes, Margarita Pardo de Cela, Praza Maior, Nicomedes Pastor Díaz, Almirante Chicarro, Avenida de Lourdes, Irmáns Vilar Ponte, Avenida de Cervantes, Igrexa San Francisco.

Pasos das procesións da Semana Santa de Viveiro

Os pasos das procesións de Semana Santa de Viveiro son auténticas obras de arte de imaxinería e ourivaría.

Hai imaxes do século XV e do século XVII, moitas delas de autores descoñecidos.

Entre as que si teñen autor recoñecido destacan os Ecce-Homo, como o de Corazón de Jesús, e, sobre todo, a imaxe de Oración en el Huerto, atribuída a Gregorio Fernández.

E entre os artistas, nomes como José Tena, Modesto Quilis, José Rivas ou Franciso Romero.

Todo iso contribúe a gozar dunha celebración cuxa historia vén de lonxe.

Confrarías da Semana Santa de Viveiro

Son oito as confrarías que participan na Semana Santa de Viveiro.

As máis antigas, ambas as dúas de orixe dominico, son: Venerable Orden Tercera Franciscana e Ilustre y Venerable Cofradía del Santísimo Rosario. A elas débese a organización da celebración durante séculos.

A partir dos anos 40, empresarios locais metéronse de cheo na celebración e a Semana Santa de Viveiro viviu un revulsivo que se traduciu, entre outras cousas, na creación de catro novas confrarías: Cofradía del Santísimo Cristo de la Piedad, apoiada polo sacerdote D. Francisco Fraga; Hermandad del Prendimiento, constituída por empregados e estudantes; Hermandad de las Siete Palabras, vinculada ao Sermón das Sete Palabras; e Hermandad de Santa Cruz, formada só por mulleres.

En 1989, os viveirenses da diáspora crearon a súa propia confraría: O Nazareno dos de Fóra.

A última confraría en sumarse a esta listaxe, xa no século XXI, foi a Cofradía de la Misericordia, centrada na imaxe do Santísimo Ecce Homo.

Estas Confrarías e Irmandades que compoñen a Xunta de Confrarías de Viveiro encárganse cada ano de organizar a Semana Santa de Viveiro.

E, aínda que o máis coñecido son as procesións e actos litúrxicos, hai outras actividades vinculadas á celebración que tamén teñen gran interese.

Historia da Semana Santa de Viveiro

A Semana Santa de Viveiro é unha das celebracións relixiosas máis antigas de Galicia.

As súas orixes remóntanse ao século XIII. Por aquel entón, asentáronse na localidade ordes mendicantes de dominicos e franciscanos que transmitían aos veciños a Paixón de Cristo.

Esa primeira tradición oral foi converténdose en pequenas procesións de fieis e devotos.

Ata que chegaron as confrarías, e con elas a Semana Santa de Viveiro experimentou un máis que notable auxe.

A Semana Santa conmemora a paixón, morte e resurrección de Xesús de Nazaret. E a de Viveiro é unha Semana Santa austera, en liña coas que se celebran na Semana Santa castelá.

As súas coidadas e numerosas procesións convértena en todo un acontecemento cultural e turístico que atrae cada ano a miles de visitantes. De feito, foi declarada de Interese Turístico Nacional en 1989 e fai xa máis de dez anos, en 2013, conseguiu o recoñecemento como Festa de Interese Turístico Internacional.

Fonte imaxe de cabeceira: Semana Santa de Viveiro