Todos os anos traen datas moi sinaladas que se viven dunha forma diferente e iso é o que ocorre co Nadal. Este período ten unha serie de connotacións, de tradicións e de costumes que poden aparecer reflectidas nalgúns nomes. Un deles é o nome galego de neno Noel, que, á súa vez, é un dos nomes que podemos atopar na nosa terra.

Orixe do nome de Noel

Unha das grandes curiosidades do nome de Noel é que trae asociado dúas orixes. Unha deles sitúase no latín e outra no francés. Isto mostra que estamos ante un nome que se foi asentando ao longo da historia ata chegar con forza ata os nosos días.

Nestes momentos contabilízanse a máis de 3.000 homes que teñen o nome de Noel. Ademais, a súa media de idade é de 35 anos, por tanto, é utilizado por persoas que son relativamente novas.

Outro aspecto que chama a atención é que tamén podemos atopar a máis de 30 mulleres que son recoñecidas co nome de Noel.

Significado do nome de Noel

O nome de Noel ten unha relación directa coa celebración do Nadal e ese aspecto reflíctese en que o seu significado é “Natividade”, “día de Nadal” ou “día do nacemento”. Por tanto, pódese afirmar que estamos ante un nome relixioso.

Ás persoas que teñen o nome de Noel asócianselles trazos como o ser enérxicos, aventureiros e comunicativos. Outro aspecto que fai que sexan moi valorados é que se adaptan con facilidade ás diferentes situacións que teñen que vivir.

Onomástica do nome de Noel

A data asignada para celebrar a onomástica do nome de Noel é mundialmente coñecida. Trátase do día 25 de decembro. As persoas que se chaman así celebran o seu santo nun día moi especial e significativo.

Homes co nome de Noel

O nome de Noel non só se emprega na nosa terra e na península ibérica. Este factor contribúe a que poidamos atopar a diferentes celebridades que se chaman así.

  • Noel López: futbolista galego.
  • Noel Gugliemi: actor estadounidense
  • Noel Gallagher: cantante británico
  • Noel Clarke: director de cinema británico
  • Noel Sullivan: cantante británico

Como se escribe o nome de Noel noutros idiomas

Noel está entre eses nomes que manteñen a súa escritura e a súa pronuncia cando aparece noutros idiomas. Iso débese a que se adoita asignar aos nenos que nacen en Nadal en diferentes países.

A única diferenza sería en francés, onde se escribe como Noël.