Nestes momentos podemos atopar nomes curtos e elegantes que están cargados de forza e de sonoridade e iso é o que ocorre co nome galego de nena Sofía. Hai moitos aspectos que fan que este nome non pase desapercibido e na nosa terra segue estando moi vixente.

Orixe do nome Sofía

Sofía é un nome que ten a súa orixe no grego, pero chegou ata a nosa terra pola figura de Santa Sofía que foi unha mártir romana que viaxou á cidade de Roma coas súas fillas para predicar o Evanxeo. O emperador, ao decatarse do labor de Santa Sofía, instouna a retractarse da súa fe cristiá e, ante a súa negativa, decidiu asasinar as súas fillas.

Esta historia non quedou no esquecemento e séculos despois o emperador Xustiniano ordenou construír un templo no seu nome na cidade de Constantinopla. Posteriormente no século XV, Mohamed II converteu a ese templo nunha mesquita que hoxe en día é un edificio referencial para a arte bizantina.

A transcendencia do nome de Sofía móstrase en que actualmente hai máis de 92.000 mulleres que se chaman así. Unhas 6.000 residen en Galicia e a súa media de idade é de 19 anos. Por tanto, é un nome actual que seguirá tendo un importante percorrido.

Significado do nome Sofía

O significado do nome de Sofía é “sabedoría”. Esta referencia mostra a importancia deste nome, tanto é así que esta palabra converteuse nun termo esencial na filosofía helena.

Doutra banda, ás mulleres que teñen o nome de Sofía asóciaselles unha serie de características. Entre elas destaca o ser intelixentes, reflexivas, sensibles, cariñosas, doces e creativas. Ademais, senten atraídas por disciplinas como a historia e a filosofía.

Onomástica do nome de Sofía

Santa Sofía é unha figura relevante para o cristianismo e iso dá sentido á data de celebración da súa onomástica que é o 18 de setembro. Durante este día moitas persoas conmemoran o seu santo.

Mulleres co nome de Sofía

A popularidade do nome de Sofía foi moito máis alá da nosa terra e a día de hoxe podemos atopar múltiples exemplos de mulleres de recoñecido prestixio que se chaman así. Estes son os casos máis destacados.

  • Sofía Casanova: xornalista, poeta e novelista galega

  • Sofía Oriana Infante Souto: compositoria galega especializada en música para o cine

  • Sofía Novoa: compositora e mestra galega

  • Sofía Toro: regatista galega que consiguiu o ouro nos Xogos Olímpicos

  • Sofía de Grecia: raína emérita de España

  • Sophia Loren: actriz de Hollywood

  • Sofía Coppola: directora, actriz, productora e guionista de cine

Como se escribe o nome de Sofía noutros idiomas

Outro dato que mostra a popularidade do nome de Sofía é que conta con variantes e traducións en diferentes linguas. Ademais, todas elas teñen unha pronuncia que fai que este nome sexa facilmente recoñecible.

Idioma Tradución
Inglés Sophia
Francés Sophie
Italiano Sofia
Alemán Sofia, Sonja, Sophie
Éuscaro Sope
Portugués Sofia
Ruso Sonia, Sofia