O nome galego de nena Ana é moi coñecido e utilizado e iso fai que podamos identificalo sen dificultades. Aínda así, este nome garda curiosidades históricas e relixiosas. Ademais, aspectos como a súa lonxitude, a súa sonoridade e a súa musicalidade convérteno nunha opción para asignar as acabadas de nacer da nosa terra.
Orixe do nome de Ana
Ana é un nome que procede do hebreo, concretamente do termo Hannah. Tamén destaca o feito de que a Biblia é a primeira fonte na que aparece este nome e ademais vémolo en figuras relevantes das sacras escrituras. Ana é o nome da nai da virxe María e do profeta Samuel.
Doutra banda, o nome de Ana é un dos máis utilizados. De feito, podemos atopar preto de 12.000 mullers chamadas así en Galicia. Trátase dun nome que abunda na nosa terra e noutros moitos lugares. Tamén destaca o feito de que a media de idade destas mulleres é de 43 anos. Trátase dun nome clásico que non pasa de moda.
Significado do nome de Ana
O nome de Ana ten dous significados moi marcados que contribuíron a aumentar a súa popularidade e son compasiva e misericordiosa. Estes valores están moi ligados á relixión cristiá, que é a que predomina en Galicia.
Outro trazo do nome de Ana é que ás mulleres que se chaman así se lles outorgan trazos como o ser emotivas, protectoras, idealistas e profesionais.
Onomástica do nome de Ana
A relevancia do nome de Ana provoca que se utilicen varias datas para asignar a súa onomástica. Aínda así, o día concreto no que se celebra este santo é o 26 de xullo, aínda que hai familias que organizan esta celebración noutros días.
Mulleres co nome de Ana
Moitas mulleres famosas comparten o nome de Ana, pero, ademais, este nome ten unha variante masculina que é Ananías. Doutra banda, Ana ten diminutivos como An ou Aniña.
Diversas figuras históricas levan este nome, e algunhas foron raíñas de grandes potencias europeas, como Ana de Austria, Ana de Bretaña ou Ana Bolena. Pero, na actualidade, tamén atopamos a mulleres famosas co nome de Ana e moitas delas dedícanse ao sector da cultura.
- Ana Peleteiro: atleta e medallista olímpica
- Ana Kiro: cantante
- Ana Cabaleiro: escritora
- Ana Fontenla: actriz e escritora
- Ana Varela: tradutora e poeta
Como se escribe o nome de Ana noutros idiomas
Ana é un nome que cambia cando aparece escrito ou pronunciado noutras linguas. Aínda así, estamos diante dun nome que ten unha forma xenérica que fai que sexa facilmente recoñecible.
| Idioma | Tradución |
|---|---|
| Español | Ana |
| Alemán | Anna, Anne |
| Catalán | Anna |
| Éuscaro | Ane |
| Francés | Ane |
| Inglés | Hannah, Annie, Anna, Anne, Ann |
| Italiano | Anna |
| Portugués | Ana |
| Ruso | Ania |
