Non perdas unha nova edición das Meninas de Canido 2025, do 5 ao 7 de setembro, en Ferrol. Ademais das obras de arte inspiradas en Velázquez que podes percorrer polas rúas do barrio, espérante moitas actividades, concertos, foodtrucks para comer, o Mercado Creativo e moito máis. Consulta aquí o programa das Meninas de Canido 2025 en Ferrol e goza desta festa da arte e da cultura.
Programa das Meninas de Canido 2025
Imaxe: Meninas de Canido
Nas Meninas de Canido 2025 participan case unha trintena de artistas, que encherán diferentes espazos do barrio ferrolán de cor e de moito talento creativo coas súas obras. Sumando a súa versión das Meninas ás máis de 500 que xa existen nas rúas de Canido.
Pero, ademais de percorrer as Meninas de Canido 2025 en Ferrol, podes gozar de concertos, foodtrucks, un Mercado Creativo e máis actividades do 5 ao 7 de setembro, que teñen como núcleo central o Parque Antón Varela.
A Agrupación artística Meninas de Canido vai dando a coñecer os detalles desta edición, como o cartel das Meninas de Canido 2025, que é unha imaxe do fotógrafo ferrolán Jorge Meis baseado nunha obra do artista SFHIR.
Ademais, xa anunciou o programa de artistas das Meninas de Canido 2025, que recollemos a continuación:
- SFHIR
- El Rojo
- Pastron#7
- Fer Patiño
- Mario Manei
- Araya Vivi
- Zeta
- Spela Trobec
- Stimie
- Slow Fire
- El séptimo crío
- Luis Rapela
- Kapi
- Helen More
- El Maese
- Chile
- C.A
- Yolie
- OCHI
- Carl Merrill
- Hermonos
- Gonzalo Alonso
- Vuelco
- Alex Estudio
- Achorro Vivo
- Mon Devane
- Ana Corazón
- Nath Guacsh
Concertos das Meninas de Canido 2025
Outro dos pratos fortes do festival son os concertos das Meninas de Canido 2025, que se celebran do venres 5 ao domingo 7 de setembro, no Parque Antón Varela; e que empezan despois do pregón.
Moi pronto saberemos os concertos que poderás gozar este ano.
Mercado creativo Meninas de Canido 2025
Pasa polas casetas do Mercado Creativo do festival Meninas de Canido 2025 que estará instalado na rúa Poeta Pérez Parallé, fronte ao parque Antón Varela.
Aínda non se coñece o horario de apertura, pero deixámosche as referencias do ano pasado:
Horario do Mercado das Meninas de Canido:
- Venres: 16:00 a 00:00 h.
- Sábado: 12:00 a 00:00 h.
- Domingo: 12:00 a 23:00 h.
As Meninas de Canido
O proxecto das Meninas de Canido empezou en 2008 da man do artista Eduardo Hermida, que comezou a realizar intervencións en espazos abandonados do barrio. En setembro son varios os artistas que se unen a un proxecto que non parou de crecer dende entón.
Hoxe hai máis de 500 obras de arte urbana, que cada ano crecen con novas propostas. Mesmo pode verse unha obra supostamente de Banksy nas rúas de Canido.
Ruta das Meninas de Canido en Ferrol
Se vas facer a ruta, mira o mapa de arriba onde podes ver o percorrido da ruta das Meninas de Canido en Ferrol.
Como ves as obras concéntranse en tres grandes áreas: Praza da Tafona, Cruceiro de Canido e Porta de Canido. Tamén podes ver sinalizado onde están as rúas coas Meninas en formato pequeno e medio, e cales son as localizacións das Meninas de gran formato.
Así que ven a percorrer a ruta das Meninas de Canido nunha nova edición deste evento cultural durante a primeira fin de semana de setembro.
Fonte imaxe de cabeceira: Visit Ferrol