Os mellores chiringuitos en Galicia: Rías Baixas, A Coruña…

O que nos gustan os chiringuitos en Galicia durante o verán. É que non hai mellor plan para un día de praia que sentarse na terraza ao aire libre, con vistas aos areais, boa comida, música en directo… Traémosche algúns dos mellores chiringuitos en Galicia pola zona das Rías Baixas, pola costa da Coruña e Ferrol ou pola Mariña lucense.

Chiringuitos nas Rías Baixas

Dende Fisterra ata a ría de Vigo hai multitude de chiringuitos e terrazas ás que podes ir comer despois de darte un baño na praia, de tardeo ou para ver o atardecer.

Ademais, en moitos destes chiringuitos nas Rías Baixas hai música e concertos.

A continuación, verás unha lista dalgúns chiringuitos en Sanxenxo, chiringuitos no Grove, chiringuitos na Lanzada e noutras moitas praias da costa galega, na ría de Muros e Noia, na ría de Arousa, na ría de Pontevedra e na ría de Vigo.

Estes son só algúns dos mellores chiringuitos de Galicia que atoparás nas Rías Baixas.

Chiringuito Samil, en Vigo

Fronte á praia de Samil, en Vigo, atópase un dos mellores chiringuitos de Galicia. Falamos do Chiringuito Samil, onde podes facer un terraceo con música en directo este verán. De xoves a domingo pola tarde, fan concertos para gozar ao aire libre mentres cae o sol.

Podes consultar as datas dos concertos do Chiringuito Samil aquí.

Marina Cíes Beach Club, en Samil en Vigo

Outro chiringuito en Galicia é o Marina Cíes Beach Club, que se atopa na praia de Samil en Vigo. Nesta terraza cunhas vistas impresionantes podes comer e cear ou tomar un cóctel á tardiña.

Deixámosche a dirección para que vaias probalo este verán.

Chiringuito La Ola, na praia de Patos en Nigrán

Na praia de Patos, en Nigrán, cada verán podes vivir momentos inesquecibles no Chiringuito La Ola. Fronte ás illas Cíes, neste chiringuito de praia en Galicia podes gozar de boa música en directo, cócteles, comida e atardeceres incribles.

El Chiringuito, na praia da Borna en Moaña

Na praia da Borna, na parroquia de Domaio, en Moaña atópase El Chiringuito. Podes comer e cear, de picoteo, hamburguesas, pizzas ou bocadillos; tomar algo despois dunha xornada de praia ou gozar dos atardeceres do verán.

Se non coñecías este chiringuito en Galicia, aquí tes a dirección:

Chiringuito Moaña, na praia da Xunqueira en Moaña

Fronte á praia da Xunqueira, en Moaña, tes outro dos chiringuitos en Galicia que teñen concertos pola tarde no verán. Que mellor plan para gozar que praia e chiringuito. Pois anótate o Chiringuito Moaña se aínda non fuches.

A lista de concertos está na súa páxina de Instagram.

Chiringuito Areacova, en Aldán

Na praia de Areacova, na parroquia de Aldán, en Cangas, está un dos mellores chiringuitos en Galicia. É que as vistas son espectaculares e podes comer ou cear, tomar algo despois dun día de praia ou ver o atardecer tranquilamente.

Falamos do Chiringuito Areacova:

Chiringago, na praia Vilariño no Hío

Na praia Vilariño, situada ao cabo da ría de Aldán, en Cangas, está Chiringago. De maio a agosto teñen concertos en directo polas noites, a partir das 22:00 h. Así que anota este chiringuito en Galicia para tomar algo e acabar o día dun xeito tan especial.

Chiringuito Galifornia Beach Bar, en Bueu

Un dos chiringuitos de praia máis famosos das Rías Baixas é Galifornia Beach Bar. Está en plena praia de Tuia, en Bueu.

Os seus mojitos e os seus cócteles, con e sen alcol, triunfan entre os moitos que se achegan a gozar descalzos sobre a area da comida, da música en directo (no verán, rara é a tarde que non haxa DJ) e das postas de sol.

Chiringuito O Arrieiro, na praia de Lapamán en Bueu

Na praia de Lapamán en Bueu, o Chiringuito O Arrieiro é un bo plan para comer, ver a posta de sol e gozar do verán galego nas súas praias. Outro dos chiringuitos en Galicia situado nas Rías Baixas que debes engadir á túa lista.

Carmela Portomaior, na praia de Portomaior en Bueu

Máis chiringuitos en Bueu, neste caso na praia de Portomaior. Falamos de Carmela Portomaior. Desfruta da mellor posta de sol, coa illa de Ons ao fondo, música en directo, tardeo, copas ou comida. Para decatarte dos concertos e atardeceres consulta a páxina de Instagram de Carmela Portomaior.

Chiringuito Sinas, en Raxó

Apetéceche tomar a pé de praia unhas sardiñas frescas á brasa, acompañadas de cachelos, pementos de padrón ou pan de millo? Pois toma nota do Chiringuito Sinas, en Raxó.

Alén de boa comida e música en directo, terás wifi gratuíto e mesmo mantas á túa disposición por se refresca o día. Unha chea de detalles que o levaron, por votación popular, como o mellor chiringuito de España.

Kiosko Aturuxo, na praia Área de Agra en Sanxenxo

Na lista de chiringuitos en Sanxenxo, parámonos no Kiosko Aturuxo, na praia Área de Agra. Neste lugar con encanto podes comer, beber e escoitar música fronte á pequena praia onde darse un baño. Deixámosche a dirección para que vaias visitalo:

Terraza Corsario, en Sanxenxo

Música en directo e gastronomía cos mellores atardeceres de Sanxenxo. Así é a Terraza Corsario, moi preto da praia de Foxos. É un plan perfecto para comer ou cear, estar de tardeo e ver como anoitece. Para saber as datas dos concertos sígueos no seu Instagram. E gárdate este chiringuito en Sanxenxo para a túa próxima visita.

Bico Beach, en Sanxenxo

Outro dos chiringuitos en Sanxenxo é o Bico Beach. Música, atardecer, cócteles e burgers son os ingredientes dun día perfecto na súa terraza ao aire libre. Se vas á praia de Pragueira non deixes de parar neste chiringuito, Solete da Guía Repsol 2025.

Pé Na Praia, na Lanzada, O Grove

Hai varios chiringuitos na Lanzada, un deles é Pé Na Praia. Vistas á praia, comidas, cócteles, música e bo ambiente espérante neste chiringuito. Para saber o horario de apertura de tempada consulta o seu Instagram e por aquí deixámosche a dirección:

Arrocería A Lanzada, no Grove

Música en vivo nunha terraza sobre a praia é un plan perfecto de verán na Arrocería A Lanzada, no Grove. Ademais, podes comer, tomar un cóctel e ver o atardecer con vistas incribles. Conta con zona infantil e aparcadoiro privado. Gárdate este chiringuito na Lanzada.

Náutico de San Vicente, no Grove

Un clásico de praia é o Náutico de San Vicente. Atopámolo na praia da Barrosa, en San Vicente do Mar (O Grove), a escasos metros do sendeiro de Pedras Negras.

Non admite reservas: para comer ou cear, basta con ir, pedir a comida e coller unha mesa libre.

Alí poderás gozar de comida e da mellor música en directo. O cartel de concertos do local é un segredo moi cobizado; quen sabe, talvez escoites esa mesma noite en directo a Iván Ferreiro, a Coque Malla, ou a Cómplices...

Se aínda non estiveches neste chiringuito en Galicia, xa estás a tardar.

Chiringuito Playa Portiño, no Grove

Na zona de San Vicente do Grove, o Chiringuito Playa Portiño é perfecto para os teus días e noites de verán. Atópase xunto ao mar e ofréceche comidas, bebidas e atardeceres de luxo. Ademais, admite cans. Coñecías este chiringuito no Grove?

Chiringuito Patapalo, na Illa de Arousa

Na Illa de Arousa, na praia Area da Secada, atópase o Chiringuito Patapalo. Atardeceres incribles, comida e concertos en directo son só algúns dos atractivos deste chiringuito nas Rías Baixas.

Chiringuito As Furnas, en Porto do Son

Un chiringuito sostible no que podes tomar un viño, unha cervexa ou un cóctel mentres gozas da posta de sol ou dunha noite estrelada co mar de fondo. Ou tomar algo cando teñas fame, xa que a cociña abre de forma ininterrompida dende as 09:00 h ata as 23:00 h. Ese lugar é o chiringuito Furnas Chiringo Surf e está a pé de praia das Furnas, en Porto do Son.

Garda a dirección deste chiringuito en Galicia:

Chiringuitos en Galicia: A Coruña e costa ferrolá

Na parte norte de Galicia, na provincia da Coruña atópanse un bo puñado de chiringuitos para gozar este verán.

Recompilamos algúns dos mellores chiringuitos en Galicia, na zona do golfo Ártabro: Pontedeume, Ferrol… e na Costa da Morte.

Chiringuito Playa de Lires, en Cee

Unha das mellores postas de sol de Galicia podes gozala dende a terraza do Playa de Lires, en Cee. Mellor aínda se a acompañas cunha boa ración de luras, percebes ou zamburiñas. Máis de 40 anos leva aberto este local, un dos máis emblemáticos da Costa da Morte. Coñecías este chiringuito en Galicia? Gárdate a dirección:

Chiringuito Los Pinares, en Cabanas

Outro local recoñecido nas mellores clasificacións (neste caso, na mismísima lista Forbes) é o Chiringuito Los Pinares, situado, literalmente, na area da praia de Cabanas.

Fai gala das súas racións e tapas con sabor a Galicia e dos seus fantásticos arroces, dende o clásico, con berberechos, á paella negra con lura e alioli.

O que naceu como un merendeiro para pescadores nos anos 50 é hoxe un dos chiringuitos de referencia de Galicia (e no estranxeiro).

Chiringuito O Alpendre, en Doniños

O Alpendre é un chiringuito con terraza ao lado da praia de Doniños, unha das máis coñecidas da zona de Ferrol. Abre tanto no verán como no inverno e a súa cociña é tan sinxela como rica, destacando a tortilla de patacas.

Anota este chiringuito en Galicia pola zona de Ferrol.

Chiringuito Tótem, en Valdoviño

A pé da praia pequena de Valdoviño atópase outros dos chiringuitos en Galicia que debes visitar este verán. Festas temáticas, música en directo, vermús e cócteles e unha vista espectacular para ver o atardecer. Así é o Chiringuito Tótem.

Chiringuitos en Galicia: A Mariña lucense

A costa de Lugo ofréceche moitos chiringuitos para completar o teu día de praia. Un baño, un aperitivo, a comida, o tardeo ou a cea son algúns dos plans que te esperan nestes chiringuitos en Galicia, pola zona de Barreiros ou Burela.

Chiringuito Abrela, no Vicedo

Na praia de Abrela, no Vicedo, tes que vistar o Chiringuito Abrela. Boa comida, comedor en interior e terraza exterior con vistas ao areal son os sinais de identidade deste clásico da zona. Perfecto para comer ou acabar o día de praia neste chiringuito de Galicia.

Chiringuito O Rincón a pé de Praia, en Burela

Boa comida, localización a pé de praia e, ademais, música en directo. Que máis se lle pode pedir a O Rincón a pé de Praia? Este local é un dos chiringuitos máis populares da Mariña de Lugo e tira de produtos locais de calidade para confeccionar a carta, así que a súa especialidade é o bonito de Burela á brasa. Un consello: está moi solicitado e non é demasiado grande, así que che aconsellamos reservar previamente.

MaBa Playa Lóngara, en Barreiros

Na Mariña de Lugo, en Barreiros, atopamos un chiringuito cuxo nome xa nos indica onde se atopa: MaBa Playa Lóngara. Un local no que podemos tomar un bo almorzo, a base de torradas, bolería e zumes naturais; comer unha pizza artesanal (tamén hai opcións vexetarianas); ou deleitarnos con algún orixinal cóctel mentres gozamos das espectaculares vistas.

Hai moitos máis chiringuitos en Galicia que te esperan este verán na praia. Iremos engadindo máis para que sempre teñas un novo para descubrir.

Fonte imaxe de cabeceira: Chiringuito de Sinás.