As Festas de Santa Rita en Vilagarcía de Arousa son un dos eventos máis populares da comarca do Salnés e de Galicia. En 2026 celébranse do 21 ao 24 de maio. Dámosche toda a información sobre o programa de Santa Rita Vilagarcía 2026, as misas e a procesión, a Feira Celta e os concertos das festas.
Santa Rita Vilagarcía
As festas de Santa Rita Vilagarcía celébranse cada ano coincidindo co 22 de maio, día de Santa Rita de Casia, patroa dos avogados, dos funcionarios e dos "imposibles".
Unha festividade na honra á santa italiana que conta con máis dun século de historia na localidade, aínda que Santa Rita non é a patroa de Vilagarcía, é Santa Eulalia. Pero iso non impide que as súas festas sexan moi coñecidas e que o seu programa repleto de actividades para todos os gustos e idades atraia a miles de persoas.
Así que, do 21 ao 24 de maio, temos unha cita con Santa Rita en Vilagarcía 2026. Toma nota de todo o que che espera.
Programa Santa Rita de Vilagarcía 2026
Aínda non coñecemos o programa de Santa Rita de Vilagarcía 2026 e contarémosche todos os detalles en canto se publique. De momento, podemos dicirche que en 2026 haberá boa música e que cada ano, ademais, podes gozar de pasarrúas, tradicionais cerimonias relixiosas e da popular Feira Celta.
E dunha cita moi especial para os máis novos da casa, o "Festivaliño On The Road", que inclúe actividades infantís e familiares.
Estas son as actividades que xa se coñecen do programa das Festas de Santa Rita en Vilagarcía 2026.
Verbenas das Festas de Santa Rita de Vilagarcía 2026
Os días e as noites énchense de música en Vilagarcía coas Festas de Santa Rita. Aos pasarrúas e ás actuacións de grupos folclóricos e de gaitas únense en 2026 varias verbenas coas mellores orquestras de Galicia.
Anota estas verbenas das Festas de Santa Rita de Vilagarcía 2026:
Xoves, 21 de maio 2026
- Orquestra KUBO.
Venes, 22 de maio 2026
- Orquestra Capitol.
Procesión e misas de Santa Rita Vilagarcía 2026
O día 22 de maio, festividade de Santa Rita, arrinca en Vilagarcía xa dende as 06:00 horas con misas no convento de Vistalegre, templo no que se atopa a imaxe da santa.
Xa pola tarde, ás 20:00 horas, unha concorrida procesión percorre as principais rúas da localidade. Non faltan a Banda de Música de Vilagarcía nin os grupos de gaitas e, por suposto, protagonismo especial para os miles de fieis que levan candeas e flores. Durante toda a xornada, o camiño cara ao convento está repleto de postos de venda de cirios e tamén de doces típicos, como as rosquillas.
Feira Celta nas Festas de Santa Rita de Vilagarcía
Outro dos grandes atractivos das Festas de Santa Rita de Vilagarcía é a Feira Celta.
Celébrase no Parque da Xunqueira e o seu horario habitual é de 11:00 a 14:30 e a partires das 18:00 horas.
A Feira Celta de Vilagarcía de Arousa conta con postos de artesanía e gastronomía e tamén con animación musical e zonas de xogos infantís.
Destacan as vistosas recreacións de Cerimonias de Vodas Celtas. Nelas, un druída casa mediante o rito celta a todas as parellas que queiran participar (previa inscrición).
Se queres gozar de boa música, cultura, deporte, devoción e mergullarte na tradición celta, achégate ás Festas de Santa Rita de Vilagarcía 2026 do 21 ao 24 de maio.
Imaxe cabeceira: Concello de Vilagarcía.