Festa de San Froilán 2024: programa e concertos

A festa de San Froilán de Lugo 2024 é unha das máis populares do outono galego. Declarada Festa de Interese Turístico Internacional, as súas casetas de polbo, os concertos e citas tan soadas como o Domingo das Mozas atraen cada ano a miles de visitantes á "Cidade da Muralla" do 4 ao 12 de outubro. Consulta aquí o programa e os concertos de San Froilán 2024.

Xa o dicía Álvaro Cunqueiro: As festas do San Froilán son "as máis belas do outono galego".

Entre o venres 4 e o sábado 12 de outubro, Lugo é unha auténtica festa repleta de música, gastronomía, tradición, fogos artificiais, charangas, desfiles de cabezudos, tómbolas, espectáculos de maxia e unha infinidade de actividades para todos os gustos e todos os públicos.

Programa da festa de San Froilán de Lugo 2024

As festas de San Froilán 2024 comezan o día 4 de outubro co acendido das luces, sesión de fogos artificiais e pregón na praza Maior.

En 2024, a pregoeira será a artista Luz Darriba.

O día 5 de outubro, San Froilán, festivo en Lugo 2024, é o día grande das festas. Xornada de eventos solemnes, como a misa na Catedral, e de ambiente festivo nas rúas, repletas de música e de actividades.

O broche final á festas do San Froilán 2024 pono cada ano, o día 12 de outubro, unha gran Feira Medieval situada na praza da Catedral e nos arredores da muralla romana, con cabaleiros, damas, xograres, oficios tradicionais e exhibicións de cetrería.

Entre inicio e peche, ocasión para tomar un bo polbo, gozar dos concertos, subirse a atraccións míticas como o Gran Prix, reencontrarse coa tradición do “Domingo das Mozas” e diversión para os máis pequenos co "San Froilán Miúdo".

O Concello de Lugo xa anunciou o programa da festa de San Froilán de Lugo 2024.

Venres, 4 de outubro

• 10:00 - 21:00 h. Praza Santo Domingo: III Feira de Olería Lugo Tradicional.
• 17:00 - 01:30 h. Praza da Mosqueira: VIII Espazo Hip Hop, con actuacións de Gufi, La Nasa, Domínguez Flaco, Sosad.97 e batalla de galos.
• 18:00 h. XII Desfile de Gando tradicional de San Froilán. Itinerario: Ronda da Muralla, Praza da Constitución, Campo Castelo, Praza Maior e Bispo Aguirre. Actuación de A Volta do Agro.
• 20:00 h. Balcón do Concello: Pregón de Luz Darriba.
• 20:30 h. Praza Maior e Campo Castelo: Os Pelúdez entre nós, Xigantes e Cabezudos e A volta do agro.
• 21:00 h. Tinería, Rúa Nova e Praza da Soidade: Pasarrúas de Cántigas e frores.
• 21:00 h. Praza Santa María: actuación da Banda Filharmónica.
• 22:00 h. Praza Horta do Seminario: concerto de Verter GZ e Fillas de Cassandra.
• 23:00 h. Praza Santa María: concerto de La Perra Blanco.
• 00:30 h. Praza Santa María: Festicultores.

Sábado, 5 de outubro: Día de Ferrol e San Froilán 2024

• 10:00 - 21:00 h. Praza Santo Domingo: III Feira de Olería Lugo Tradicional.
• 10:00 -22:00 h. Oktoberink, coa actuación de Beach Avenue (13:30), baile Gravity (17:00), actuación de La Indirigible (18:00).
• 10:00 - 21:00 h. Praza da Soidade: XXXI Feira do Mel, con degustación ás 12:30 h e Obradoiro de Globoflexia de 12:00 a 14:00 h.
• 11:00 - 20:00 h. Carpa xunto á antiga cárcere: Expolugo.
• 11:00 h. Salón de plenos do Concello: Recepción á Corporación do Concello de Ferrol.
• 11:00 - 13:30 h e 17:00 - 20:00 h. Parque Rosalía de Castro: San Froilán Tecedeiro.
• Desde 11:00 h. Rúa da Raíña: Feira de antigüidades e coleccionismo.
• 12:00 h. Catedral de Lugo: Ofrenda da Corporación municipal a San Froilán.
• 12:00 h. Albeiros e As Gándaras: Pasarrúas de Falso Teito.
• 13:00 h. Praza de Santa María: XXI Festival de Cultura Tradicional, coa actuación da Asociación Cultural Cántigas e Frores e a Asociación Cultural Donaire.
• 12:30 h. Praza Maior e recinto feiral: Os Pelúdez entre nós.
• 12:30 h. Praza da Soidade: actuación de Cantareiras D'Xanares.
• 12:30 h. Praza de Augas Férreas: Acrocircus, de Fundación Tchyminigagua.
• 13:00 - 18:00 - 19:30 - 21:00 h. Praza Agro do Rolo: O San Froilán Máxico no teu barrio, co mago David Méndez.
• 13:00 h. Praza da Mosqueira: Encontro de bandas, coa Banda Filharmónica de Lugo e a Banda de Vilalba.
• 13:00 h. Praza Mártires de Carral, Dinán e San Roque, Montirón: Pasarrúas de Os Picurruchos.
• 13:00 h. Praza Maior e Campo Castelo: Cabezudos e Caivanca.
• 17:00 h. Praza de Augas Férreas: Acrocircus, de Fundación Tchyminigagua.
• 18:00 h. Praza Maior: Verbena galega d'antes, con obradoiros de bailes e a actuación de Airiños da Freba e baile de Oxeito.
• 19:00 h. Recatelo, Puro Cora, Vila de Foz e recinto feiral: Pacarrúas de Arrincadeira Folk.
• 19:00 h. Praza Mártires de Carral, San Pedro, Progreso, San Marcos e Rúa Nova: Pasarrúas de Nubeiro.
• 21:30 -02:00 h. Praza da Mosqueira: Electronic Lucus Fest, con DJ Frisco & Marcos Peón, Hugo Leivas, Manu Chady e Popy García.
• 21:00 h. Praza Santa María: concerto de Renaldo & Clara.
• 22:00 h. Praza Horta do Seminario: concerto de Sudak's & Kali la negra e Dollar Selmouni.
• 23:00 h. Praza Maior: Orquestra Escaparate.
• 23:00 h. Praza Santa María: Artistas del Gremio.
• 00:30 h. Praza Santa María: Festicultores.

Domingo, 6 de outubro: Domingo das Mozas

• 10:00 - 21:00 h. Praza Santo Domingo: III Feira de Olería Lugo Tradicional.
• 10:00 -22:00 h. Oktoberink, con DJ (11:00), actuación de Nacarúh (13:30), baile Gravity (17:00), actuación de Sin Trom ni Son (18:00).
• 10:00 - 21:00 h. Praza da Soidade: XXXI Feira do Mel, con degustación ás 12:30 h e Obradoiro de Velas de 12:00 a 14:00 h.
• 11:00 - 20:00 h. Carpa xunto á antiga cárcere: Expolugo.
• 11:00 - 13:30 h e 17:00 - 20:00 h. Parque Rosalía de Castro: San Froilán Tecedeiro.
• 11:00 h. Praza Maior: Desfile do traxe galego.
• 11:30 -13:30 h e 17:00 - 18:30 h. Recinto histórico: XXV Mostra de Música Tradicional Galega do Domingo das Mozas, coa Asociación de Gaiteir@s Galeg@s. Participan: A Gaita de Sarandón, Contiños da Feira, De Pé Feito, Herba Grileira, Illa Pancha, Lembranzas da Ría, Os Barrios, Raigames, Silveiras do Támega.
• 12:00 h. Parque de Rosalía de Castro: Ofrenda floral a Rosalía de Castro, a cargo de Marga Portomeñe e Ana Carrreira. Actuación do Coro de Cántigas e Frores.
• 12:30 h. Barrio da ponte: Pasarrúas de A volta do agro.
• 12:30 h. Avenida Adolfo Suárez e Sagrado Corazón: Pasrrúas de Trastiños do Castelo.
• 13:00 h. Praza Maior e Campo Castelo: Cabezudos.
• 13:00 - 18:00 - 19:30 - 21:00 h. Praza de Augas Férreas: O San Froilán Máxico no teu barrio, co mago Antón.
• 17:30 h. Visita guiada polo cemiterio con Os Pelúdez.
• 18:30 h. Praza Santa María: concerto de Carapaus.
• 19:30 h. Avenida da Coruña, Praza Viana do Castelo e Praza do Agro do Rolo: Pasarrúas de Foliada de Bosende.
• 19:30 h. Praza Maior e recinto histórico: Os Pelúdez entre nós.
• 20:00 h. Praza da Mosqueira: concerto de Belem Tajes.
• 20:00 h. Campo Castelo, Rúa San Pedro, Raíña e Praza Santo Domingo: Pasarrúas de Reviravolta.
• 20:00 h. Praza Santa María: concerto de Os Melidaos.
• 22:00 h. Praza Horta do Seminario: concerto de Filophóbicas e Sés.

Luns, 7 de outubro: Día dos Maiores

• 12:00 h. Rúas Progreso, Raíña, San Marcos, Praza de Ferrol, Campo Castelo, San Pedro e Mártires de Carral: Pasarrúas de Foliada de Bosende.
• 18:00 h. Praza Maior: Orquestra Stereo.
• 20:00 h. Praza da Mosqueira: concerto de Mr. Hathaway.
• 20:00 h. Recinto histórico, Rúa Nova e Tinería: Pasarrúas de Reviravolta.
• 21:00 h. Praza de Santa María: concerto de Nebra e Club del Río.
• 21:30 h. Praza da Mosqueira: concerto de Beach Avenue.

Martes, 8 de outubro

• 12:30 h. Rúa Quiroga Ballesteros, Praza Santo Domingo, Praza Soidade, Praza de Abastos e Mercado Municipal: Pasarrúas de Nubeiro.
• 19:00 h. Centro Cultural Vello Cárcere: Presentación número 21 da Colección San Froilán dos Devanceiros: “Pelúdez. O libro II”, de Xose de Cora.
• 19:00 h. Praza de Augas Férreas, Estrada da Granxa, Campos Novos, Afonso X, Avenida de Magoi e Acea de Olga: Pasarrúas de Estoupacaldeiros.
• 20:00 h. Praza da Mosqueira: concerto de Nahual.
• 20:00 h. Ronda das Fontiñas e Montirón: Pasarrúas de Son de Lugh.
• 20:30 h. Recinto histórico, zona de viños e Tinería: actuación de Tambukada.
• 21:00 h. Praza Santa María: concerto de La Alfombra Mágica e María Rodés.
• 21:30 h. Praza da Mosqueira: concerto de Adrián Vigo.

Mércores, 9 de outubro

• 19:00 h. Centro Cultural Vello Cárcere: Letra das Festas 2024 - Historias da radio. Lembranzas e sucedidos das nosas festas.
• 20:00 h. Rúa Paxariños, Ramón Montenegro, Primavera, Carril das hortas e Ronda das Fontiñas: Pasarrúas de Biouteiro-Astelu.
• 20:00 h. Praza da Mosqueira: concerto de Ringdown.
• 20:00 h. Recatelo, Puro Cora e recinto feiral: Pasarrúas de Cántigas e Frores.
• 21:00 h. Praza Santa María: concerto de Abya Yala e Fetén Fetén.
• 21:30 h. Praza da Mosqueira: concerto de Kalte Sonne.

Xoves, 10 de outubro

• 12:00 h. Recinto histórico, Rúa Nova e Tinería: Pasarrúas de Cántigas e frores.
• 17:00 h. Praza Maior: “A Tómbola do Cromina”, de Mircromina Títeres.
• 20:00 h. Praza da Mosqueira: concerto de The Groovefathers.
• 20:00 h. Avenida das Américas, Marqués de Ombreiro e Barrio da Cheda: Pasarrúas de Falso Teito.
• 20:30 h. Recinto histórico, zona de viños e Tinería: actuación do Bloco Meigallo.
• 21:00 h. Praza Santa María: concerto de Groove Mambí e Pedro Pastor y los Locos descalzos.
• 23:00 h. Praza Santa María: concerto de Triángulo de Amor Bizarro.

Venres, 11 de outubro

• 11:30 h. Rúa Quiroga Ballesteros, Mercado Municipal, Praza de Abastos e Praza Santo Domingo: Pasarrúas de Os Picurruchos.
• 17:30 h. Dende o San Froilán Miúdo: espectáculo itinerante The Yetis.
• 19:00 - 02:00 h. Praza da Mosqueira: Sanfroidance, con DJ Panko, Profesor Ángel Dust, DJ Eloy, Sr. Wilson & Griffi, DJ Ino, DJ Griffi e VDJ Doble K.
• 19:30 h. Dende o San Froilán Miúdo: espectáculo itinerante The Yetis.
• 20:00 h. Rúa Lamas de Prado, barrios de Castiñeiro e da Residencia: Pasarrúas de Airiños de Orbazai.
• 19:00 h. Museo Provincial de Lugo: Os Pelúdez entre nós.
• 20:00 h. Zona de viños: Os Pelúdez entre nós.
• 21:00 h. Praza Santa María: concerto de Jade4 e Repion.
• 22:00 h. Horta do Seminario: concerto de Berta Franklin e Coque Malla.
• 23:00 h. Praza Maior: Orquestra Costa Dorada.
• 23:00 h. Praza Santa María: concerto de Zetak.
• 00:30 h. Praza da Soidade: La Duendeneta.

Sábado, 12 de outubro

• Dende 11:00 h. Rúa da Raíña Feira de antigüidades e coleccionismo.
• 11:30 h. Praza Horta do Seminario: IV Saltar na rúa - Milla popular 40 aniversario Lucus.
• 11:00 - 22:00 h. Catedral de Santa María: Feira Medieval “Volta ao Medievo”, con desfiles, música ou xogos.
• 12:00 h. Avenida da Coruña, río Sil e Barrio Paradai: Pasarrúas de Treboada.
• 12:30 h. Praza Santa María: Banda Sons e Soños.
• 12:30 h. Praza da Soidade: actuación de A Volta do Agro.
• 12:30 h. Dende o San Froilán Miúdo: espectáculo itinerante Rag & Bone.
• 13:00 h. Praza da Mosqueira: concerto de Foolmakers.
• 13:00 - 18:00 - 19:30 - 21:00 h. Praza do Castiñeiro: O San Froilán no teu barrio, co mago Xulio Merino.
• 13:00 h. Rúa San Pedro, Bo Xesús, Praza Maior, Praza do Campo e Praza Pío XII: “Os cegos no Camiño”, encontro de romanceiros medievais, cegos e Lazarillos.
• 17:30 h. Dende o San Froilán Miúdo: espectáculo itinerante Go Go & Stay Stay Street.
• 18:30 h. San Froilán Miúdo: III Festival de cultura tradicional.
• 19:00 h. Rúa San Pedro, Praza Maior, Praza do Campo e Bo Xesús: “Os cegos no Camiño”, encontro de romanceiros medievais, cegos e Lazarillos.
• 19:30 h. Dende o San Froilán Miúdo: espectáculo itinerante Go Go & Stay Stay Street.
• 20:00 h. Rúa Montero Ríos, Rafael de Vega, Miguel de Cervantes e Castelao: Pasarrúas de Xaora.
• 19:00 h. Praza da Mosqueira: “San Froilán Sorrí. O recuncho da comedia” con David Amor e David Perdomo.
• 21:00 h. Praza da Mosqueira: Concurso Miss Deusa.
• 21:00 h. Praza Santa María: concerto de Paula Mattheus.
• 22:00 h. Horta do Seminario: concerto de Milesios e Milladoiro.
• 23:00 h. Praza Maior: Orquestra Acordes.
• 23:00 h. Praza Santa María: concerto de Mondra.

Concertos de San Froilán de Lugo 2024

Outro dos grandes atractivos de San Froilán é a súa ampla axenda de concertos e actuacións musicais. Ás bandas de música e de gaitas habituais dos primeiros anos, súmanse agora grupos e artistas de múltiples estilos.

Para que vaias tomando nota, estes son os concertos San Froilán de Lugo 2024.

Venres, 4 de outubro

• 22:00 h. Horta do Seminario: Fillas de Cassandra.
• 23:00 h. Praza de Santa María: La Perra Blanco.
• 00:30 h. Praza Santa María: Festicultores.

Sábado, 5 de outubro

• Praza de Santa María: Renaldo & Clara e Artistas del Gremio.

• 22:00 h. Horta do Seminario: Dollar Selmouni.

Domingo, 6 de outubro

• 22:00 h. Horta do Seminario: Sés.

Luns, 7 de outubro

• 20:00 h. Praza de Santa María: Nebra.
• 21:00 h. Praza de Santa María: Club del Río.

Martes, 8 de outubro

• 21:00 h. Praza de Santa María: María Rodés.

Mércores, 9 de outubro

• Praza de Santa María: Fetén Fetén.

Xoves, 10 de outubro

• 21:00 h. Praza de Santa María: Pedro Pastor.
• 23:00 h. Praza de Santa María: Triángulo de Amor Bizarro.

Venres, 11 de outubro

• 21:00 h. Praza de Santa María: Repion.

• 22:00 h. Horta do Seminario: Coque Malla.

• 23:00 h. Praza de Santa María: Zetak.

Sábado, 12 de outubro

• 21:00 h. Praza de Santa María: Paula Mattheus.

• 22:00 h. Horta do Seminario: Milladoiro.
• 23:00 h. Praza de Santa María: Mondra.

San Froilán Miúdo 2024

Os/as máis pequenos/as da casa teñen o seu espazo propio no San Froilán. Trátase do San Froilán Miúdo, con actividades pensadas especialmente para eles/as.

Xogos, espectáculos de circo e acrobacias, monicreques, baile e canto tradicional... Así é o programa de San Froilán Miúdo 2024, no recinto do aparcadoiro do Seminario (Avenida Anxo López Pérez):

• Sábado, 5 de outubro, 11:00 - 14:00 e 16:00 - 18:00 h: Circus feria de Bambolea.
• Sábado, 5 de outubro, 12:30 e 17:00 h: Acorcircus de Fundación Tchyminigagua.
• Sábado, 5 de outubro, 18:00 h: Incredible Box de Cia La Tal.
• Domingo, 6 de outubro, 11:00 - 14:00 e 16:00 - 18:00 h: Larun de Jokai.
• Domingo, 6 de outubro, 18:30 h: Távole de Zirko Txosco.
• Luns, 7 de outubro, 18:30 h: Rogelio III La Fête de Assircopatas.
• Martes, 8 de outubro, 18:30 h: Lullaby de Proyecto Kavauri.
• Mércores, 9 de outubro, 18:30 h: Coa música a outra parte de Trécola producións.
• Xoves, 10 de outubro, 18:30 h: Malabarian on the rox de Roxi Katcheroff.
• Venres, 11 de outubro, 17:30 h: The Yetis de Campi qui pugui.
• Venres, 11 de outubro, 18:30 h: Mute de Oran Bi.
• Venres, 11 de outubro, 19:30 h: The Yetis.
• Sábado, 12 de outubro, 11:00 - 14:00 e 16:00 - 18:00 h: Xoga ao grande.
• Sábado, 12 de outubro, 12:30 h: Rag & Bone de Xip Xap teatre.
• Sábado, 12 de outubro, 17:30 e 19:30 h: Go Go & Stay Stay Street.
• Sábado, 12 de outubro, 18:30 h: III Festival de Cultura Tradicional do San Froilán miúdo.

Programa deportivo de San Froilán Lugo 2024

Os deportes cobran protagonismo este ano no San Froilán, con actividades do 21 de setembro ao 13 de outubro. Toma boa nota do programa deportivo de San Froilán Lugo 2024:

• Sábado, 21 de setembro, Casa do Deporte: IV Torneo de Voleibol San Froilán.
• Sábado, 28 de setembro, Polideportivo Municipal Daniel Cordido: Trofeo San Froilán Tiro con Arco.
• Domingo, 29 de setembro, Pabillón Municipal dos Deportes: XLIX Torneo de Judo San Froilán.
• Venres, 4 de outubro - Xoves, 10 de outubro, Pistas Tenis Municipais Frigsa: Torneo San Froilán de Tenis.
• Sábado, 5 de outubro, Pazo Universitario dos Deportes: Liga ACB, C.B. Breogán - Manresa.
• Sábado, 5 de outubro, Pistas Gregorio Pérez Rivera: Torneo San Froilán de Rugby.
• Sábado, 5 de outubro, Club Golf Lugo: XXVIII Torneo de Golf San Froilán.
• Sábado, 5 de outubro, Pabillón Municipal dos Deportes: Fútbol sala 2ª División Nacional, Lugo Sala - Barça Atlètic.
• Domingo, 6 de outubro, Estadio Anxo Carro: Fútbol Primeira Federación, CD Lugo - Nàstic de Tarragona.
• Domingo, 6 de outubro, Campo Municipal de Beisbol O Ceao: X Copa Softbol San Froilán.
• Venres, 11 de outubro - Domingo, 20 de outubro, Lucus Pádel: Torneo Pádel San Froilán.
• Sábado, 12 de outubro, Praza Horta do Seminario: Atletismo "Saltar na Rúa".
• Sábado, 12 de outubro, Tiempos Modernos: Open San Froilán de Dardos de Billar Pool.
• Sábado, 12 de outubro, Pabillón Municipal dos Deportes: Voleibol Liga Iberdrola, Arenal Emevé - OCISA Aro Rioja Volei.
• Sábado, 12 de outubro, Pabillón Municipal dos Deportes: Voleibol Superliga Masculina, Arenal Emevé - UPV Leleman Conqueridor.
• Sábado, 12 de outubro, Polideportivo Municipal Casa do Deporte: Balonmán Liga Galega Senior Masculina, CP Lucense – Balonmán Ribadosar.

As casetas do polbo no San Froilán de Lugo

Se algo non pode faltar nas festas de San Froilán de Lugo son as casetas do polbo nas que degustar o tradicional "pulpo á feira".

As casetas do polbo en San Froilán adoitan permanecer abertas no Parque de Rosalía dende o sábado 28 de setembro ata o 1 de novembro.

Unhas casetas cunha longuísima tradición. Queres saber cando chegaron as casetas do polbo ao San Froilán?

Existen testemuñas de veciños pedindo casetas con teitos de palla para servir polbo no ano 1846.

Con todo, as que poderiamos chamar primeiras casetas son dos anos 60 e popularizáronse especialmente nos 80. Trátase de casetas de madeira, tamén coñecidas como "garigolos", nas que as/os pulpeiras/os preparan polbo en caldeiras de cobre.

O "Domingo das Mozas"

O “Domingo das Mozas” celébrase o domingo posterior ao 5 de outubro, día de San Froilán, polo que en 2024 é o domingo 6 de outubro.

Por que "Domingo das Mozas"? Crese que se debe á gran cantidade de mozos dos arredores que ese día se achegaban a Lugo para buscar noiva. Na actualidade, sexa ese ou outro o motivo, o certo é que ese día as rúas se atopan a rebordar de visitantes :)

Ademais, é tradicional que veciños/as e visitantes saian á rúa ataviados/as co traxe tradicional galego dispostos a homenaxear como se merece o folclore galego e realízase tamén unha ofrenda a Rosalía de Castro. No 2024, as encargadas de realizar dita ofrenda serán a artesá Marga Portomeñe e a escritora Ana Carreira.

Nos últimos anos o día previo ao "Domingo das Mozas" dedícase o día a Ferrol, cidade coa que Lugo ten unha irmandade, con intercambio de visitas oficiais incluído. Os/as ferroláns/as "devolven" a honra nas súas Festas do San Xiao.

Quen era San Froilán?

As festas de San Froilán celébranse dende 1754 e honran a figura do patrón da cidade.

San Froilán naceu en Lugo no ano 832. Fillo dos condes de Lugo, dende moi novo inclínase pola formación relixiosa e a vida ermitá, que o leva a retirarse e a vivir en soidade nas montañas do Cebreiro e do Bierzo.

Precisamente nun dos seus solitarios paseos por eses montes e grutas vive, segundo a tradición, un dos episodios máis importantes da súa vida. Mentres se atopaba rezando, un lobo achégase a el e ao seu asno e devora ao animal. Pero San Froilán mírao con tal tenrura e comprensión que o lobo inclina a cabeza e dende ese momento convértese no fiel compañeiro que levará polo mundo as súas alforxas. Esta imaxe é a que se mantén como a representación máis recoñecible e habitual de San Froilán.

Decisiva foi tamén a súa amizade con San Atilano, monxe como el, e que o acompañaría na súa labor de predicación e fundación de dous mosteiros á beira do río Douro: Tábara e Moreruela de Tábara. Porque a fama de San Froilán chegou a oídos do mismísimo Alfonso III, que vía nel un personaxe fundamental para a súa ansiada Reconquista, e estendeuse por Galicia e León, cidade da que foi bispo e en cuxa catedral está enterrado.

Por entón xa era obxecto de devoción entre os veciños de Lugo e de León e, anos despois, o papa Urbano II convérteo en santo.

San Froilán: de santo a patrón da cidade de Lugo

En 1600, a diocese de Lugo establece o San Froilán como festa eclesiástica que se celebra o 5 de outubro, coincidindo co aniversario da súa morte. Cinco anos despois, San Froilán convértese no patrón da cidade.

Inicialmente, as festas de San Froilán asociábanse fundamentalmente a unha feira e mercado de gando, por aqueles tempos a máis importante de Galicia. Unha cita para os vendedores de froitas, mel ou apeiros de labranza.

Co paso dos anos, impúxose o espírito lúdico e festivo; as festas gañaron popularidade e a axenda de actividades diversificouse e multiplicouse.

Non deixes pasar a ocasión de probar o polbo das casetas e de gozar do grande ambiente dunha cidade que respira festa alí por onde vaias. A túa cita co San Froilán de Lugo 2024 é do 4 ao 12 de outubro.

Fonte imaxe cabeceira: Cultura e Turismo de Lugo.