O barrio compostelán de Conxo vístese de gala para celebrar a Festa do Banquete de Conxo 2026, do 22 ao 24 de maio. Unha parte importante da festa son os traxes de época. Poderemos admiralos na praza Aurelio Aguirre e na Carballeira do Banquete de Conxo, onde se realiza a representación teatral o domingo, día grande da festa; que continúa con comida popular foliada e romaría cos brindes da veciñanza.
Uns brindes que lembran aos que o poeta Aurelio Aguirre, Eduardo Pondal e Luis Rodríguez Seoane pronunciaron o 2 de marzo de 1856 durante a celebración do Banquete de Conxo.
Programa da Festa do Banquete de Conxo 2026
O Concello de Santiago aínda non sacou o programa definitivo completo con todos os actos da Festa do Banquete de Conxo 2026, pero si deu unhas pinceladas sobre algúns dos actos xa programados como o brindis, o desfile teatral, a comida e a romería popular na Carballeira de Conxo, o “Serán da Fraternidade” ou os famosos Cantos da Taberna.
Cuando xa estea listo o programa da Festa do Banquete de Conxo 2026 contarémoscho aquí, mentres tanto apunta os actos que este ano xa están confirmados por el Concello de Santiago.
Venres, 22 de maio 2026
- Pequeno Banquete, co alumnado dos colexios de Infantil e de Primaria. Representación teatral dos Quinquilláns e actuación de Uxía Lambona e a Banda Molona.
- 21:00 h. Percorrido dos Cantos de Taberna polo barrio de Conxo. Coa participación dos grupos Can de Ghaiteiro, Colexiata de Sar, Esfolladores, Muiñeiros do Sarela, Recandea e Sapamamas.
Sábado, 23 de maio 2026
- Mercado do libro e de artesanía.
- Mostra de oficios con diversas actividades de dinamización.
- Espectáculos para público familiar e xogos tradicionais.
- Sesión vermú coa participación das bandas que ensaian no Centro Xove: Acid Roots e W3ird Nois3.
- Festa da poesía.
- Sesión de canto fraterno coas corais
- Roteiro literario con Quique Alvarellos, titulada "As voces do Bosque. Un paseo cultural pola histórica carballeira de Conxo”.
Domingo, 24 de maio 2026
- Mercado do libro e de artesanía.
- Mostra de oficios con diversas actividades de dinamización.
- Actividades para os nenos e nenas como actuacións de maxia ou xogos infantís.
- 11:00 h. Desfile teatralizado cos Quinquilláns con saída dende a praza do Toural. Acompañados por Luís “O Caruncho”, Lupe Blanco, as pandeireteiras do Csc de Vite As Viteiras, IES Arcebispo Xelmirez II, Clube Mozo e Veciñanza Activa do CSC Aurelio Aguirre de Conxo, Asociación Aspas, As Superactivas do CSC de Santa Marta, Asociación Cultural A Ruliña de Laraño, Brigadas Teatrais de Catoira, Coral A Oliveira de Monte Branco (Ponteceso), o Grupo de gaitas Os Farrapos de Cesullas de Cabana de Bergantiños e Asociación Cultural Pena Maior de Marrozos.
- Pregón de benvida a cargo de Nuria González Casais e Maika González Rozas, da Asociación de Veciños Mestra Victoria Míguez de Vidán, e de integrantes da asociación de veciños Domingo Cepeda de O Eixo.
- Comida de confraternidad, onde se lembrarán os brindis do Banquete de Conxo, do que se cumpren 170 anos.
- Foliada de música tradicional con Devagarinho de Villestro, Asociación de Música e Baile tradicional de Conxo, Grupo de cantos de taberna Cantador@s de Recandea de O Castiñeiriño, Muiñeiros do Sarela e Asociación Penamaior de Marrozos.
- 17:30 h. Praza de Conxo: actuación dos Monifates, un espectáculo lúdico e didáctico, pensado para o goce de toda a familia.
- 18:30 h. Brinde a cargo de Celia Pinaque, da Asociación de Veciños Mestra Victoria Míguez de Vidán, de integrantes da asociación de veciños Domingo Cepeda do Eixo, e do Centro Down Compostela.
Mercado do Libro do Banquete de Conxo 2026
Durante toda a fin de semana, o sábado 23 e o domingo 24 celébrase na Praza Aurelio Aguirre e na Praza de Conxo o popular Mercado do Libro do Banquete de Conxo 2026.
Ademais de coñecer as propostas editoriais, presentacións e recitais, realízanse exhibicións de oficios tradicionais.
Horario do mercado do libro:
- Sábado 24: 11:00 - 14:00 h. e 17:00 - 21:30 h.
- Domingo 25: 11:00 - 14:00 h. e 17:00 - 20:30 h.
Tren do Banquete de Conxo 2026
O Concello de Santiago tamén aposta este ano polo Tren do Banquete de Conxo. Como chegar ao Banquete de Conxo? Durante toda a fin de semana poderás desprazarte dende a Alameda de Santiago ao barrio de Conxo no tren turístico gratuíto do Banquete, que dura uns 15 minutos.
Horarios do tren do Banquete de Conxo 2026:
Dende a Alameda (Avenida Xoan Carlos I, parada de bus) ata Conxo (praza do Mosteiro):
- Sábado, 24 de maio: saídas ás 11:00, 12:00, 13:00, 17:00, 18:00, 19:00 e 20:00.
- Domingo, 25 de maio: saídas ás 11:00, 12:00, 13:00, 16:00, 17:00, 18:00 e 19:00.
Dende Conxo (praza do Mosteiro) ata a Alameda (Avenida Xoan Carlos I, parada de bus):
- Sábado, 24 de maio: saídas ás 11:30, 12:30, 13:30, 17:30, 18:30, 19:30 e 20:30.
- Domingo, 25 de maio: saídas ás 11:30, 12:30, 13:30, 16:30, 17:30, 18:30 e 19:30.
Anímate a vestir de época e goza da Festa do Banquete de Conxo 2026, do 22 ao 24 de maio.
Que foi o Banquete de Conxo?
Nun contexto de crise e convulsión social, o 2 de marzo de 1856 tivo lugar en Conxo un acto de confraternización entre obreiros, artesáns e universitarios para reivindicar a igualdade. Nese Banquete de Conxo, foron os estudantes, a clase máis elevada, os que serviron a obreiros e artesáns provocando un grande estupor.
Tras ese Banquete que levaba como lema "Orde e Fraternidade", os intelectuais Aurelio Aguirre, Eduardo Pondal e Luis Rodríguez Seoane recitaron uns brindes en verso que hoxe se lembran, como che diciamos, na Festa do Banquete de Conxo. Un acto que se considera a orixe do galeguismo.
E agora que xa sabes que se celebra no Banquete de Conxo, entenderás mellor as actividades que se podes gozar durante tres días en Santiago.
Se nunca estiveches, no vídeo podes ver un resumo da festa:
Fonte imaxe de cabeceira: Turismo de Santiago de Compostela