O Entroido de Pontevedra é un dos entroidos máis singulares e populares de Galicia. Tradición e sátira combínanse nun programa de actividades no que non faltan o Concurso de Murgas, a Festa Pirata ou o Gran Desfile de Entroido, nin personaxes emblemáticos como o “Loro Ravachol” e o Rei Urco. En 2026, o Entroido de Pontevedra celébrase do 13 ao 21 de febreiro.

A historia do Entroido de Pontevedra remóntase á segunda metade do século XIX e en 2026 cúmprense 42 anos da recuperación da tradición do entroido na rúa.

Á algarabía das comparsas e aos vistosos disfraces únense música, baile, pasarrúas e obradoiros e animación para os máis pequenos, ademais das recreacións de entroidos tradicionais. E non poden faltar citas xa clásicas, como o Concurso de Murgas, a Festa Pirata ou o Gran Desfile.

Programa do Entroido de Pontevedra 2026

carnaval pontevedra 2026 cartel
Imaxe: Concello de Pontevedra

O programa do Entroido de Pontevedra inclúe desfiles, disfraces, comparsas, concursos, actuacións musicais e actividades infantís.

O Concello de Pontevedra publicou o programa completo de actividades do Entroido de Pontevedra 2026. Aquí cho contamos e, ademais, podes descargarlo neste mesmo post.

Venres, 13 de febreiro de 2026, Venres de Entroido

  • 21:00 h. Praza da Ferrería: Recepción do alcalde ao Rei Urco.
  • 21:30 h. Praza da Ferrería: Pregón do grupo Das Pistas.

Sábado, 14 de febreiro de 2026, Sábado de Entroido

carnaval pontevedra desfile
Imaxe: Concello de Pontevedra
  • 16:00 h. José Malvar: Concentración de participantes no Gran Desfile.
  • 17:00 h. Gran Desfile de Entroido Pontevedra 2026. Recorrido: José Malvar, Loureiro Crespo, Benito Corbal, Peregrina, Michelena, Plaza de España, Alameda.
  • 20:00 h. Praza da Ferrería: Festa do Entroido. Entrega de premios de disfraces.

Luns, 16 de febreiro de 2026, Luns de Entroido

  • 17:00 h. Praza Curros Enríquez: Obradoiro infantil maquillaxe.
  • 19:30 h. Praza da Peregrina: Presentación do Loro Ravachol e recreación da Botica de Don Perfecto Feijoo. Tamén hai actuación de Os da Terra.
  • 21:00 h. Pazo da Cultura: Primeira eliminatoria XXXIV Concurso de Murgas.

Martes, 17 de febreiro de 2026, Martes de Entroido

carnaval pontevedra espectaculo
Imaxe: Concello de Pontevedra
  • 12:30 h. Pasarrúas de Corsarios do Lérez.
  • 17:00 h. Praza da Ferrería. Festa Pirata Infantil. Animación, Os Bolechas e A Muller Orquestra.
  • 18:00 h. Pasarrúas de Corsarios do Lérez e Os Piratas Gaiteiros.

NOITE PIRATA

  • 20:00 h. Saída. Dende Curros Enríquez, Praza da Ferrería e Benito Corbal.
  • 21:00 h. Praza de España: Desembarco e Batalla da tripulación do Burla Negra.
  • 21:30 h. Praza de España: Baile Pirata. Concerto de King Africa.
  • 23:00 h. Pasarrúas Pirata. Participan: Os da Caña, Solfamidas, Las Flores del Carnaval, Os Miúdos, As Sonecas, Os Canecos, Os 100Tolos, Os Retrincos, Os Amigos dos Rapaces e Alegría de Bora.

Mércores, 18 de febreiro de 2026

  • 17:00 h. Praza da Peregrina: Obradoiro: As máscaras de Ravachol.
  • 18:00 h. Casa de Cultura de Campañó: Recuperación do Entroido tradicional e A Corrida da Rosca.
  • 19:00 h. Recreación da Botica de Don Perfecto Feijoo.
  • 21:00 h. Pazo da Cultura: Segunda eliminatoria XXXIV Concurso de Murgas.

Xoves, 19 de febreiro de 2026

  • 21:00 h. Pazo da Cultura: Final XXXIV Concurso de Murgas.

Venres, 20 de febreiro de 2026

  • 17:00 h. Rúa da Serra: Obradoiro infantil: Creación dunha corneta.
  • 21:30 h. Prazas e rúas de Pontevedra: XXIX Mostra da Parodia do Entroido.
  • 00:00 h. Praza da Ferraría: Entrega de premios daa XXIX Mostra da Parodia do Entroido.

Sábado, 21 de febreiro de 2026

carnaval pontevedra entierro ravachol
Imaxe: Concello de Pontevedra
  • 12:00 h. Praza da Peregrina: Recreación da Botica de Don Perfecto Feijoo. Actuación de Boa Vila e Os Alegres.
  • 12:30 h. Praza da Verdura: Sesión Vermú con Murga Os do Val do Lérez, Murga Equipo Ja e Murga do Naveiro.
  • 18:00 h. Praza da Verdura. Comeza o velorio do Loro Ravachol.
  • 19:30 h. Pasarrúas Santa Compaña levando a Ravachol.
  • 21:00 h.
  • Dende a Plaza da Verdura: Saída do cortexo fúnebre de Ravachol. Percorrido: San Román, Ferraría, paseo de Antonio Odriozola, Soportais, Manuel Quiroga, Princesa, Sabela II, Rúa Real, Sarmiento, Pasantaría e praza da Ferraría. Participan: comparsas Os Canecos, As Sonecas, Os da Caña e Alegría de Bora.
  • Praza da Ferraría: Velorio Infausto.
  • 22:00 h. Pasarrúas das comparsas Os Miúdos, Os Retrincos, Os Amigos dos Rapaces, Las Flores del Carnaval, Os 100Tolos e Os Solfamidas.

Personaxes populares do Entroido de Pontevedra

carnaval pontevedra loro ravachol
Imaxe: Concello de Pontevedra

Un dos personaxes emblemáticos do Entroido de Pontevedra é o Rei Urco.

Personifícase na figura dun enorme can negro con orellas longas e ollos de lume que habita nas profundidades do río Lérez e a súa figura simboliza a liberdade e o permiso para o desenfreo e a diversión carnavalesca.

Urco recibe as chaves da cidade, de mans das autoridades locais, o primeiro día do Entroido e encabeza o Gran Desfile, asegurándose de que o caos se manteña en orde.

O outro personaxe protagonista do Entroido de Pontevedra é o “Loro Ravachol”.

E quen é o “Loro Ravachol”? Trátase dunha figura inspirada nun papagaio real que viviu a finais do século XIX na botica de Don Perfecto Feijoo, a máis famosa da cidade e situada na actual Praza da Peregrina, centro da vida social e dos faladoiros intelectuais da época.

Conta a historia que Ravachol se fixo famoso polo seu vocabulario "pouco apropiado" e os seus comentarios mordaces aos clientes. Así que, co tempo, converteuse en símbolo do espírito crítico e burlón da cidade do Lérez.

A súa "morte" e queima, que se celebra o sábado de Entroido, marca o fin da festa. Xa só queda un ano ata a chegada do próximo Entroido de Pontevedra.

Urco e Ravachol son os mellores anfitrións do Entroido de Pontevedra. Alí te esperan do 13 ao 21 de febreiro de 2026.