Non só chega o sol e o bo tempo no mes de maio, senón que a televisión da que podes gozar a través de R chega cargadiña de novidades: Roland-Garros en aberto, CSI Vegas, festas gastronómicas, nova tempada de Aventuras en pelotas: Brasil... Este mes vas quedar pegado á televisión. Contámosche destas e máis estreas de maio para que goces da programación máis completa coa túa opción de televisión.
Eurosport en aberto: dial 70
O mes de maio é o mes por excelencia do ciclismo e a terra batida. E este ano os amantes do tenis poden vivir un acontecemento histórico: pode chegar o último Roland Garros de Rafa Nadal. Poderá o tenista mallorquino participar no segundo Grand Slam do ano? Chegará Carlos Alcaraz á final de París? Non te perdas Roland-Garros do 26 de maio ao 9 de xuño en Eurosport.
Tampouco podemos esquecer a nosa cita anual co Giro de Italia a partir do 4 de maio. Todo en aberto, porque Eurosport está en aberto durante todo o mes de maio na televisión que podes gozar a través de R.
CSI Vegas - T3, en Star Channel: dial 20
Se aínda segues impresionado co final da anterior tempada de CSI Vegas, a túa espera chegou ao seu fin. En maio chega a Star Channel a estrea da T3 de CSI Vegas. A popular serie volve para ver que pasará co futuro de Folsom mentres o resto da equipa cuestiona a súa inocencia. E, como non podía ser menos, os compañeiros e compañeiras terán que seguir afrontando casos complicados que nos entreterán como só eles saben facer.
- Estrea: xoves, 2 de maio, ás 22:00 h. en STAR Channel (dial 20)
- Emisión: todos os xoves, ás 22:00 h.
- Baixo demanda: no rebobina
Without Sin: Libre de culpa, en AXN Now: rebobina
A partir do 11 de maio, todas as tempadas completas de Without Sin: Libre de culpa estarán dispoñibles en AXN Now. Este thriller psicolóxico sorprenderache. O seu director, Al Mackay, sabe xogar co suspense e os xiros de guión para sorprender con esta historia que narra a relación entre unha nai devastada e o home que supostamente asasinou á súa filla. Para saber máis, terás que esperar ata o 11 de maio e ver Without Sin: Libre de culpa do tirón no rebobina.
- Estreas: sábado 11 de maio en AXN Now (rebobina)
- Baixo demanda: no rebobina
Mademoiselle Holmes, en COSMO: dial 25
Cando falamos de series e de detectives, sempre pensamos no detective por excelencia: Sherlock Holmes. Se es fan das súas aventuras, estás de sorte porque COSMO amplía o seu universo coa estrea en maio dunha nova aventura, neste caso protagonizada por Charlie, unha tímida policía descendente de Sherlock Holmes, que vive co seu avó. Un accidente de tráfico dá un xiro e dálle a Mademoiselle Holmes unha nova claridade como axente de policía para resolver crimes co seu compañeiro Samy, algo así como o seu novo Watson.
- Estrea: xoves, 16 de maio, ás 22:00 h. en COSMO (dial 25)
- Emisión: todos os xoves, ás 22:00 h.
- Baixo demanda: no rebobina
Mamá o papá, en Warner TV: dial 22
Sabemos que as comedias españolas son as que máis nos fan rir. E Warner TV vai regalarche no mes de maio unha película coa que gozarás moito. Paco León e Miren Ibarguren, dous pais que loitan pola custodia dos seus fillos, non paran de tirarse os cacharros á cabeza para demostrar que o outro é peor pai e nai. Prepara as palomitas para rir con Mamá o papá en Warner TV.
- Estrea: sábado 11 de maio, ás 22:00 h. en Warner TV (dial 22)
Sabor a España, en Canal Cocina: dial 58
O norte de España protagonizará as novidades de Canal Cocina durante todo o mes de maio. E Galicia estará moi presente en moitos capítulos do especial Sabor a España, que inclúe programas como El Camino de Santiago by Julius; Fiestas gastronómicas - T1, con varios episodios adicados a localidades galegas como A Guarda, Mugardos ou Rianxo; e Canal Cocina en Ruta - T2, con parada en Santiago de Compostela.
Para saber máis sobre a gastronomía da terra, non deixes de sintonizar o dial 58 da televisión que ofrece R.
- Estrea: de luns a venres, ás 23:30 h. en Canal Cocina (dial 58)
- Baixo demanda: no rebobina
Aventura en pelotas: Brasil - T2, en Discovery: dial 51
Se a supervivencia na selva xa é complicada, imaxina probala sen ningún tipo de roupa para cubrir o teu corpo. A segunda tempada de Aventura en pelotas: Brasil chega a Discovery, onde 5 parellas que non se coñecen de nada quitan a roupa para sobrevivir na selva colombiana durante 21 días. Queres ver como se manexan sen comida, sen auga ou sen calquera tipo de ferramenta? Todos os luns pola noite en Discovery.
- Estrea: luns 6 de maio, ás 22:00 h. en Discovery (dial 51)
- Emisión: todos os luns, ás 22:00 h.
- Baixo demanda: no rebobina
E se tes a opción Total TV, anota estas estreas:
Las brujas de Mayfar, en AMC: dial 9
O universo de Anne Rice non dá descanso na canle AMC. Despois da estrea de Entrevista con el vampiro o mes pasado, Las brujas de Mayfar chega en maio. Esta nova serie xira arredor da neurocirurxiá Rowan Fielding, que é capaz de matar coa súa mente cando se enfada. Tratando de comprender o seu poder atopará o enigma da súa familia biolóxica secreta.
- Estrea: luns 20 de maio, ás 22:10 h. en AMC (dial 9)
- Emisión: todos os luns, ás 22:10 h.
- Baixo demanda: no rebobina
Día internacional da familia, en Disney Jr: dial 82
O 15 de maio celébrase o Día Internacional da Familia e Disney Jr preparou un maratón para que goces durante unha semana de episodios de SuperKitties centrados nos irmáns.
- Estrea: mércores, 15 de maio, en Disney Jr (dial 82)
- Baixo demanda: no rebobina
Canais baixo demanda
Creepshow - T4, en DARK: dial 7
DARK segue asustándonos con todas as súas propostas e no mes de maio chega unha nova tempada da serie Creepshow, baseada nas historias de Stephen King, que combina terror e diversión en cada unha das súas historias independentes.
Todas as noites de maio e de xuño, DARK non che deixará durmir. Ademais, tes máis historias terroríficas dispoñibles das anteriores tempadas, dende a T1 ata a T3 no rebobina.
- Estrea: venres 24 de maio, ás 23:00 h. en DARK (dial 7)
- Emisión: todos os venres, ás 23:00 h.
- Baixo demanda: no rebobina
Bardot, en Sundance TV: dial 4
No mes de maio, Sundance TV achéganos a vida da muller máis fermosa do mundo. En formato miniserie, con só 6 episodios, poderás descubrir como foi o ascenso á fama da actriz e modelo francesa Brigitte Bardot, interpretada pola actriz Julia de Núñez.
- Estrea: xoves, 30 de maio, ás 23:30 h. en Sundance TV (dial 4)
- Emisión: todos os xoves, ás 23:30 h.
- Baixo demanda: no rebobina
Chega maio cargado de estreas na televisión da que podes gozar a través de R. Anota todo o que che interese e non o deixes escapar.