Xente R - Página 4

En Viveiro o final do mes de agosto é especial: festéxase a romaría do Naseiro 2026. Alí celebran varios días de festa, comida e bebida que este ano cadra do 21 ao 26 de agosto. Declarada en 1967 Festa de Interese Turístico Nacional, a romaría do Naseiro 2026 é peculiar xa que quen participan da festa conviven durante cinco días nunha contorna natural e diferente. Consulta o programa da romaría de Viveiro, tamén coñecida coma a “Romaxe do Bo Xantar”, que se celebra no val do Naseiro, na vila de Viveiro.

Nas Festas de Santiago Apóstol, a capital de Galicia, afeita a recibir cos brazos abertos a todos os seus visitantes, recibe na segunda quincena de xullo un aluvión de turistas e de peregrinos debido a que Santiago de Compostela, e toda Galicia, conmemoran o día do Apóstolo, o 25 de xullo, festivo en Galicia.

As festas en Cedeira 2026 honran do 1 ao 17 de agosto á patroa dos mariñeiros e da localidade, á Nosa Señora do Mar. O programa das festas de Cedeira 2026 inclúe concertos, orquestras, fogos artificiais, teatro... Tampouco faltan a tradicional procesión marítima, o Entroido de Verán nin a Xira a San Antonio.

O verán é para divertirse e nada mellor que a festa das Carrilanas de Esteiro 2026 para facelo. En Esteiro, parroquia de Muros, fano como mellor saben: con enxeño, velocidade e moita arte. Cada ano a terceira fin de semana de xullo a parroquia coruñesa de Esteiro celebra as Carrilanas de Esteiro 2026, do 17 ao 19 de xullo, que divirte tanto aos seus participantes como aos que se achegan a velas.

Son moitas as festas que en xullo enchen as vilas e as cidades de Galicia. Pero en Betanzos conmemoran unha feira con máis de seis séculos de historia. É a Feira Medieval de Betanzos 2026, do 10 ao 12 de xullo. Durante tres días, a vila coruñesa engalánase con postos e actuacións artísticas que fan viaxar a veciñanza e os visitantes máis de 600 anos atrás. Consulta aquí o programa da Feira Medieval de Betanzos 2026 para saber os horarios, datas e actividades.

O Ribadeo Indiano 2026 celébrase a fin de semana do 10 ao 12 de xullo para render homenaxe aos emigrantes retornados. E faino con representacións e visitas teatralizadas, concertos, exhibición de vehículos clásicos, obradoiros... que reúnen a miles de persoas con vestidos indianos. Consulta aquí o programa do Ribadeo Indiano 2026, onde atoparás as datas, horarios, todas as actividades e un pouco de historia da festa.