Recomendacións para facer deporte na casa

Estes días de #EuQuedoNaCasa estás na casa con máis tentacións que nunca, a neveira, o sofá... Pero agora máis que nunca debes coidar a túa saúde física e mental. E imos axudarte a conseguilo.

Propoñémosche seguir en directo os adestramentos diarios que adestradores/as e ximnasios comparten nas súas redes sociais. Ademais, buscamos para ti un feixe de apps para o móbil e canles de Youtube coas que poderás ter a túa rutina de exercicios, aprenderás a relaxar e controlarás a túa alimentación. Apúntaste?

#YoMeMuevoEnCasa

Xa se sabe que canto menos fas, menos apetece. Pero temos que vencer esa preguiza e tentar facer algo de exercicio na casa. Ademais de manterte en forma, o deporte mellora a túa saúde e libera endorfinas, a hormona da felicidade . Todo vantaxes, así que cambia o pixama polo chándal e dálle duro.

Para que evites pospoñer o teu adestramento, o mellor é que sigas clases en directo en streaming para marcarte unha rutina. A iniciativa #YoMeMuevoEnCasa ofréceche unha chea de alternativas en Instagram. Os/as mellores adestradores/as, como Martin Giacchetta, Paula Butragueño, as Xemelgas Pineda ou Cesc Escolá, comparten os seus plans de adestramento cada día nos seus perfís de Instagram. Na web http://yomemuevoencasa.com podes ver todos os horarios e contas que debes seguir.

Pero non son os únicos que che poñen en forma a diario, a maioría dos ximnasios ofrécenche a posibilidade de seguir as súas clases en directo. Podes facer ‘combat’, ‘gap’ ou abdominais nas clases do Metropolitan; bótalle un ollo ao horario de actividades. O GHome de Altafit é outra opción, este é o seu calendario. Holmes Place falo a través de Facebook Live Live e se prefires algo de ioga, segue as clases de Yoganorte na súa canle de Instagram todos os días ás 18:30h.

Se prefires organizar a túa propia rutina de exercicios, márcate o teu propio ritmo con táboas de exercicios e clases que podes seguir en Youtube. Seguro que xa che pasaron por algún grupo de WhatsApp este calendario de adestramento.

Apps no móbil e canles de Youtube

Se te apetece facer fitness, hai miles de apps moi interesantes que che van guiando e dando consellos: Google Fit (Android e iOS), Nike Training Club (Android e iOS), adidas Training by Runtastic (Android e iOS), Sworkit (Android e iOS), Les Mills Releases (Android e iOS), WODs Master - Crossfit Workouts (Android).

Sempre podes seguir os vídeos en Youtube de influencers do deporte como Patry Jordan, Cesc Escolà de OT, XHIT Daily, Rebecca-Louise o Anna Renderer. Prepárate para suar a pinga gorda!

Se estás a alongar máis da conta o teletraballo, virache ben practicar ioga para estirar os músculos e sentirte ben contigo. Estas apps propóñenche exercicios de ioga con diferentes duracións e niveis acompañados de música e indicacións de voz de expertos na materia. Namasté!: Daily Yoga (Android e iOS), Yoga Studio (Android e iOS), Stretching & Pilates Sworkit (Android e iOS), Yoga - posturas y clases (Android e iOS), Yoga Down Dog (Android e iOS).

En Youtube tes que seguir si ou si a estes yoguis: Xuan Lan, Adriene Mishler e Kino McGregor.

Para desestresar e acougar a ansiedade, dedícalle uns minutos ao día á meditación e mindfulness. Durmirás como un bebé Headspace (Android e iOS), Calm (Android e iOS), Insight Timer (Android e iOS), Intimind (Android e iOS), Stop, Breathe & Think (Android e iOS), Simple Habit: Meditation App (Android e iOS).

E non esquezas manter unha alimentación saudable. Agora que tes tempo é un bo momento para mirar con calma o que comes. Sabes cantas calorías ten a pizza? Poderás sabelo con estas aplicacións: Yuka (Android e iOS), El CoCo (Android e iOS), Contador de Calorías (Android e iOS), Freeletics Nutrition (Android e iOS), FatSecret (Android e iOS).

E ti, móveste na casa? Comparte connosco as apps e youtubers que segues durante o #EuQuedoNaCasa.