Arrinca un novo curso académico e en R queremos que te centres nos teus estudos pero sen que renuncies a aforrar na túa conexión da internet. Así que lanzamos unha oferta da internet para estudantes por 29€/mes prezo final.

Terás unha conexión simétrica de 1 Gb de internet e liña fixa con chamadas a fixos para o teu piso de estudantes.

Internet ao mellor prezo durante o curso

Internet estudantes é un produto pensado especialmente para ti como estudante, e por iso ofrecémoscho ao mellor prezo sen que teñas que estar obrigado a estar co servizo todo o ano. Sabemos que o curso dura 9 meses, pero nós facémosche gratis a instalación de fibra se estás só 3 meses.

Acabado ese período, podes suspender o servizo de forma gratuíta. Ou suspender o servizo no verán. E se o próximo curso volves ao mesmo piso, chámasnos e activámoscho en nada.

De todos os xeitos, tamén tes a opción de manter o servizo durante todo un ano para aforrar durante máis tempo sen renunciar á mellor conexión de fibra.

Porque, por ser estudante, en R dámosche o mellor servizo de internet por menos prezo.

Vale de 30€ en Gadis

Ademais, somos conscientes de que a volta ao curso esixe unha chea de compras e toca encher a neveira.

Por iso, para que aforres máis que nunca, regalámosche un cheque de 30€ nos supermercados Gadis. Para que gastes no que ti necesites.

Vantaxes da internet estudantes

1 Gb simétrico da internet. Un ancho de banda que dá para estudar, descargar arquivos rapidamente ou navegar con comodidade pola rede, mesmo se sodes bastantes usuarios/as conectados/as á vez. Ou para relaxarte xogando en liña ou vendo contidos con calidade HD (moito mellor se é a través do noso deco 4K ;)

Coa mellor cobertura: wifi 6. Ou, o que é o mesmo, ata catro veces máis cobertura wifi e maior velocidade porque selecciona de forma intelixente e automática a banda con mellor calidade en cada momento. E se o wifi non chega a todos os recunchos do teu piso, incluímosche un router wifi co que conseguirás unha conexión moito máis estable e unha mellor repartición entre os diferentes dispositivos.

Internet e fixo. Unha liña fixa que inclúe 4.000 minutos a calquera teléfono fixo nacional. Pode ser con número novo ou mantendo o teu número de sempre; en calquera caso leva, de forma gratuíta, a identificación de chamadas.

Instalación gratuíta. Poñémoscho moi fácil: fixamos unha cita contigo e un dos nosos técnicos achégase ao teu piso e instálache gratis todo o que necesitas para comezar a usar xa mesmo internet estudantes.

Fibra pensada para o teu piso de estudantes

Ofrecémosche unha tarifa con internet en oferta. Agora ben, somos conscientes de que o normal é que non esteas no teu piso de estudantes máis de 9 meses, pero só terás que estar 3 meses para que a instalación non teña ningún custe para ti. Esa é a permanencia que che fixamos, para que non pagues durante máis tempo se durante o verán volves á túa localidade habitual.

É dicir, trátase dun produto pensado para ti como estudante. Cunha conexión de fibra simétrica a un moi bo prezo, sen obrigarte a estar durante todo o ano co servizo contratado.

Nin o dubides. Internet estudantes é a conexión de fibra que precisas para o teu piso de estudantes este vindeiro curso. Por só 29€/mes contarás con internet de alta velocidade e teléfono fixo. Prezo final.

E sempre coa nosa garantía e esa atención próxima que nos gusta en R. Chámanos sempre que o necesites e resolveremos o teu problema ou dúbida da mellor forma posible.