"Queixeamos"? Do 14 al 16 de marzo, Arzúa recibe a miles de visitantes desexosos/as de degustar o seu famoso queixo na Festa do Queixo de Arzúa 2025, unha das festas gastronómicas máis populares de Galicia, que este ano celebra a súa 50 edición. Contámosche máis sobre o programa, concertos, horario do recinto feiral… e, por suposto, sobre o gran protagonista: o queixo.
Programa da Festa do Queixo de Arzúa 2025
Dar unha volta polo recinto feiral, probar riquísimos queixos, ir aos concertos no Campo da feira, saborear tapas elaboradas con queixo DOP Arzúa-Ulloa nos locais de hostalería, gozar da animación das charangas e das gaitas pola rúa… Ademais, en 2025, a Festa do Queixo de Arzúa incorpora novidades como a I Carreira Terra do Queixo (domingo 9 de marzo) .
Isto e máis é o que podes facer dentro do programa da Festa do Queixo de Arzúa 2025.
Viernes, 14 de marzo
- 18:30 h. 8º Pequequeixo: Cé Orquestra Pantasma.
- A partir das 18:00 h. 17ª Edición do Concurso de Tapas e Petiscos "Festa do Queixo"
Sábado, 15 de marzo
- 11:00 h. Apertura do recinto ferial "Terra Do Queixo".
- 12:00 h. Inauguración da Festa do Queixo de Arzúa 2025. Entrega de premios concurso Tapas e Petiscos. Homenaxe a mulleres queixeiras e persoas pioneras da festa.
- A continuación, pregón a cargo de Lucía Freitas.
- 13:45 h. Showcooking con Lucía Freitas.
- 17:00 h. Obradoiro infantil de cociña "Un queixo moi doce".
- 17:00 h. Charla e cata "Queixo e saúde, desfacendo mitos".
- 18:00 h. Faladoiro "Mulleres e queixo: tradición, innovación e futuro".
- 18:30 h. 8º Pequequeixo: Máis saabor!
- 19:00 - 20:30 h. Animación de rúa con A patrulla do Ulla.
- 20:30 h. Concertos.
Domingo, 16 de marzo
- 10:00 h. Apertura do recinto ferial "Terra Do Queixo".
- 10:00 h. Torneo de Xadrez Chess and Cheese Arzúa.
- 10:30 - 14:00 h. Animación de rúa con Os Bregadiers.
- 12:00 h. 8º Pequequeixo: Chafallas, a vendedora de fume.
- 12:30 - 14:00 h. Animación de rúa con Brassica Rapa.
- 12:30 h. Concertos.
Horario do Recinto feiral:
- Sábado, 15 de marzo: de 11:00 a 20:30 h.
- Domingo, 16 de marzo: de 10:00 a 18:30 h.
Concertos da Festa do Queixo de Arzúa 2025
Ademais do queixo, a música é a outra gran protagonista da festa. Todos os concertos son gratuitos e en espazos abertos.
O Festival do Queixo de Arzúa 2025 inaugúrase o sábado 15 de marzo co grupo gañador do Concurso Queixo Maquetón, que este ano foi a banda de Muros Capital Voskov. Ese mesmo día, concertos de nivelazo como Xoel López ou The Rapants.
O domingo 16 de marzo, protagonismo especial para tres bandas emblemáticas do concello, O Bringuelo, a Banda de Música de Arzúa e a Rondalla Moraima, no espectáculo O Son de Arzúa.
Aquí tes todos os concertos da Festa do Queixo de Arzúa 2025:
Sábado, 15 de marzo
20:30 h. Capital Voskov (gañador Queixo Maquetón)
21:15 h. Mondra
22:45 h. Xoel López
00:20 h. Cariño
01:50 h. The Rapants
Domingo, 16 de marzo
12:30 h. Sesión Vermú: O Son de Arzúa
18:00 h. Os Melidaos
19:15 h. Xisco Feijóo
Festa do Queixo de Arzúa 2025
A primeira edición da Festa do Queixo de Arzúa celebrouse no ano 1975 e nunca faltou á súa cita, nin sequera nos anos de pandemia, así que en 2025 chega xa á súa edición número 50.
A pregoeira da 50 Festa do Queixo de Arzúa será a recoñecida chef Lucía Freitas.
Para unha edición tan especial, elexiuse un cartel de Dani Camino e elaborouse un spot no que se rinde homenaxe aos veciños de Arzúa, especialmente ás queixeiras e queixeiros e a todo o sector agroganadeiro.
A Festa do Queixo de Arzúa está declarada de Interese Turístico e é un escaparate de excepción para o máis famoso dos produtos gastronómicos locais: o queixo Denominación de Orixe Arzúa-Ulloa. Tamén traballa na súa adhesión á Ruta Europea do Queixo, algo que suporía un grande empuxe na súa proxección internacional.
Ademais, é un gran revulsivo económico, pois poden chegar a venderse ata 100.000 queixos en só unha fin de semana.
Mercado de queixo no recinto feiral de Arzúa
Para probar e comprar queixo de Arzúa e outros produtos artesanais, pasa polo recinto feiral da Festa do Queixo de Arzúa 2025.
No 2025, a Festa do Queixo bate récords e conta coa participación de máis de 80 queixerías.
Unha zona está dedicada a produtos artesáns galegos, conservas de Cantabria, aceites...
Outra área resérvase para as queixerías con DOP Arzúa-Ulloa, as outras Denominacións de Orixe galegas, como a de Tetilla, O Cebreiro e San Simón da Costa, ou queixos internacionais.
É un espazo máis para os Produtores Lácteos Tradicionais (PLT).
Á venda e á degustación de queixo súmanse actividades culturais, musicais e entretemento para todos os gustos e públicos. Este ano haberá tamén espazos de artesanía.
O Queixo de Arzúa, "Produto Galego de Calidade"
O queixo con D.O.P. Arzúa-Ulloa é o que máis producimos e consumimos en Galicia e dende 1989 conta coa denominación de "Produto Galego de Calidade".
Ademais, en 1995 foron recoñecidos como "Denominación de Orixe Protexida" aqueles queixos elaborados seguindo o método estipulado e orixinarios, tanto o leite como a produción, dos concellos da área xeográfica da D.O.P. Arzúa-Ulloa: Arzúa-Ulloa: Arzúa, Boimorto, Curtis, Frades, Mesía, Ordes, Oroso, O Pino, Santiso, Sobrado, Toques, Touro, Vedra, Vilasantar, Antas de Ulla, Carballedo, Chantada, Friol, Guntín, Monterroso, Palas de Rei, Portomarín, Taboada, Agolada, A Estrada, Dozón, Lalín, Rodeiro, Silleda e Vila de Cruces.
Como é o queixo de Arzúa-Ulloa
Este queixo está elaborado con leite natural e enteiro de vaca e realízase de maneira artesanal.
A súa cortiza é fina e elástica, sen fisuras. O seu sabor, suave, tenro e lixeiramente acedo; conforme vai madurando tende a facerse máis doce. A súa textura é untuosa e conta cun mínimo dun 45% de materia graxa. A súa forma é xeralmente redonda, de "tetiña" ou "periña".
Preséntase en bloques lenticulares con bordos redondeados e cada peza adoita pesar entre 0,5 e 3,5 quilos. Acostuma estar cinguido cunha característica cinta de tea.
Conservación do queixo de Arzúa-Ulloa
Para a súa conservación, é aconsellable que estea en lugares con temperaturas que oscilen entre os 8 e os 10 graos.
A orixinal textura branda vai deixando paso, aos poucos, a un queixo máis duro, denominado de nabiza, que é o máis apreciado.
E para apreciar todo o seu sabor, recomendámosche que o deixes a temperatura ambiente durante un par de horas antes de degustalo.
Que ganas de gozar da Festa do Queixo de Arzúa 2025. Unha cita indispensable coa mellor gastronomía de Galicia, a boa música e unha chea de actividades para toda a familia.
Fonte imaxe de cabeceira: Festa do Queixo de Arzúa