Ano novo, propósitos vellos? É hora de poñerlles fin. Abandona os malos fumes con estas apps para deixar de fumar. Pasamos a vida pegados ao móbil, así que este será o teu grande aliado para apagar o último cigarro. Cando che entren ganas de fumar, tira de móbil e segue os consellos para controlar a ansiedade, para superar o mono ou entra en contacto con outros ex fumadores que che botarán unha man para superalo. Que a forza che acompañe! 
Kwit
Esta app dáche un extra de motivación, grazas a mensaxes positivas, información sobre a túa saúde e consellos para non recaer. Irás superando niveis e cumprindo obxectivos, que poderás compartir cos teus amigos en redes sociais. Seguro que se sentirán orgullosos de ti.
QuitNow! Dejar de fumar
Queres ser un quitter? Únete á comunidade de ex fumadores e escoita os seus consellos e trucos. A app indícache o tempo que pasou dende o teu último cigarro, a cantidade que deixaches de fumar, o diñeiro que aforras e a evolución na túa saúde.
Respirapp
A aplicación da Asociación Española Contra o Cancro servirache de grande axuda no teu propósito. Ensínache como reducir a ansiedade, controlar o aumento de peso. etc. Rexístrate e descubre os teus progresos, que tamén recibirás en forma de notificacións. Ademais, dispós dun profesional que responderá todas as túas dúbidas.
Yo Sin Humos
Especialistas de pneumoloxía avalan esta app na que atoparás estatísticas, beneficios de deixar de fumar, consellos para non fumar, recomendacións para reducir a ansiedade, info sobre que días da semana tes máis mono e botón de axuda para casos de emerxencia. Comparte os teus progresos en redes sociais e presume de forza de vontade.
Smoke Free – Dejar de fumar
Máis de 20 técnicas para deixar de fumar. Aforra diñeiro e gaña saúde con esta app que te convida a propoñerte metas para superar os malos fumes. Completa misións e recibe galardóns, anota os momentos de debilidade e descubre as melloras na túa saúde.
Sacabo
A Sociedade Española de Especialistas en Tabaquismo (SEDET) bótache unha man para deixar de fumar con esta app. Anota todo o que che leva a fumar e atopa consellos para evitalo. Aprende técnicas de autocontrol, consellos para afrontar a síndrome de abstinencia durante os primeiros días sen tabaco, accede ás túas estatísticas e descobre os beneficios da túa decisión. Ademais, atoparás info sobre medicación, que facer en caso de recaídas e moito máis. Moi completa.
ExFumador - Dejar de Fumar
Estatísticas, avances, beneficios de deixar de fumar e intercambio de experiencias con outros membros da comunidade.
Dispoñible para Android
Hipnotabaco
Descubre nesta app outra alternativa para deixar de fumar. Aprende a practicar a autohipnosis, controla a ansiedade sen aumentar de peso e consulta todas as túas estatísticas.
Smoking Time Machine
E se todo isto non é suficiente, nada como ver o envellecemento do teu rostro a causa do tabaco. Sobe unha foto e compróbao.
Con estas aplicacións no teu móbilR e a túa forza de vontade, “ yes, you can” 
. Ánimo.
Ata pronto!