Se che gusta debuxar e non tes tempo, aproveita os intres mortos e faino dende o teu móbil con estas apps para debuxar. Tes unha chea de pinceis e ferramentas profesionais para te converter nun artista e ensinarllo aos teus amigos. E se non tes un lapis para móbil, faite cun e terás unha experiencia completa. Andy Warhol non tiña móbil, pero seguro que pasaría o intre xogando con algunha destas aplicacións 
.
Adobe Photoshop Sketch
Utiliza ferramentas profesionais para dar renda solta á túa vea artística. Debuxa con lapis, marcadores, acrílico, cor diluída, etc. e garda ou envía os teus traballo en arquivos multicapa que poderás abrir con Photoshop ou Illustrator.
Adobe Illustrator Draw
Esta galardoada app nos Editor’ s Choice Award de PlayStore permíteche crear ilustracións vectoriais con capas de imaxe e debuxo. Podes traballar e gardalo no teu móbil e abrilo despois coas súas capas e todo no Illustrator ou Photoshop do teu ordenador.
Autodesk SketchBook
A firma Autodesk atópase detrás desta app pensada para que profesionais, aprendices e iniciados cren as súas obras de arte dixital. Contas con 170 pinceis que podes personalizar, ademais de ferramentas como trazo preditivo, escaneo de bosquexos ou autoguardado para que non perdas nada. E moi útil, podes abrir e exportar documentos de Photoshop conservando os nomes de capas e os modos de fusión.
ibis Paint X
Se che gusta debuxar e queres compartir o proceso da túa obra, esta é a túa app. Sube vídeos de como debuxaches a túa ilustración e compárteo en redes sociais. Tes á túa disposición 142 pinceis, modos de capa como opacidade, rotación, etc., moitas funcións de selección e cor.
Infinite Painter
Debuxa e traballa en capas independentes que poderás importar ou exportar, tamén de Photoshop. A app ofréceche máis de 80 pinceis configurables e a opción de crear os teus propios, guías, máscaras de recorte, ferramentas de transformación, etc. Ademais, podes compartir as túas obras coa comunidade de Infinite Painter, PEN.UP ou Instagram.
ArtFlow: Paint Draw Sketchbook
Aprende a debuxar dende o teu móbil con esta sinxela aplicación gratuíta (algunhas funcións requiren a versión de pago). Para soltar a man, tes máis de 80 pinceis, axuste de cor, selección e selección de máscaras, formas xeométricas, exportar a Photoshop e moito máis.
Dispoñible para Android
Paperone: dibujo, Sketchbook
Fai os teus propios debuxos, colorea outras obras ou debuxa encima dunha imaxe túa. Para iso tes pinceis, regra, borrador, marcos e moito máis.
Dispoñible para Android
Boceto
App oficial de Sony para que deas renda solta á túa creatividade. Inspírate nas obras doutros e comparte as túas propias. Poderás crear bosquexos con pinceis e ferramentas, acompañar as túas imaxes de texto, utilizar diferentes capas, facer zoom ou sincronizar varios dispositivos á vez.
Dispoñible para Android
Drawing Desk - Dibujar, Pintar, Garabato, Boceto
Nenos e maiores poden utilizar esta app grazas aos modos Pupitre Nenos, Pupitre Garabatos, Pupitre Bosquexo e Pupitre Foto. Cores brillantes, pinceis, pinceis 3D, adhesivos e selos axudaranche a ser todo un artista.
Dispoñible para iOS
Artecture Draw, Sketch, Paint
Debuxa e pinta como nunca dende o teu móbil, a lapis, rotulador, aerógrafo ou pincel. Traballa en capas, debuxa formas xeométricas, rota o lenzo, insire texto e moito máis.
Dispoñible para Android
MediBang Paint - Dibujo
Ferramentas creativas para ilustradores, debuxantes de cómics e afeccionados. A app ofrece numerosos pinceis, texturas, fondos e tipografías. Crea viñetas, utiliza fontes de cómic, calca fotos para facer os teus debuxos ou fondos, traballa en capas ou debuxa perspectivas de forma sinxela.
Libro de colorear para adultos
E se ves o de debuxar algo complicado, sempre podes colorear dende o teu móbil para relaxarte e desestresarte. Podes colorear animais, flores, temas de amor ou do mar, motivos orientais, etc.
Dispoñible para Android
Pigment - Libro para colorear
Esta app pon á túa disposición máis de 2.000 páxinas para que colorees ao teu gusto. Podes compartir as túas creacións cos teus amigos ou imprimilas.
Nós probamos algunha e engancha o seu . Anímate e divírtete debuxando. Fai sitio no teu móbilR para descargalas ou consulta as nosas tarifas de datos.
Lembra que podes seguir a nosas novidades en Twitter, Facebook, Instagram e na nosa canle de Telegram.
Ata pronto!
Imaxe de Dose Media