3ollos R coida da túa casa ou negocio por ti cando ti non estás. Monitoriza as condicións ambientais do teu fogar, como a humidade, a temperatura e a luminancia, así como a presenza de movemento, co multisensor 4 en 1.
Podes combinalo mediante regras con outros sensores para acender automaticamente a calefacción ou un deshumidificador e así estar sempre quentiño cando chegues a casa, ou para gravar un vídeo se detecta movemento a unha hora pouco frecuente.
Non é maxia, é 3ollos R, e como o fai? A través dun equipo central ou concentrador que conecta e controla diferentes sensores intelixentes. Ti decides que sensores se axustan ás túas necesidades e nós instalámoschos. Hoxe imos coñecer todo o que pode facer por ti o multisensor 4 en 1.
Movemento
Cando se produce un evento de movemento (algo ou alguén pasa por diante), o sensor actívase e execútase a acción que teñas programada (envío de notificación, activar algunha regra de aceso ou apagado, gravación, etc.).
Saberás se hai alguén na terraza ou se a túa mascota entrou no salón e así evitarás sustos innecesarios. O sensor pode avisarte se hai ou non movemento nun horario determinado, como nun comercio.
Combínao cun enchufe intelixente, para acender automaticamente unha lámpada se os nenos se erguen pola noite. Así non terán medo, nin tropezarán.
Poderás realizar gravacións coa cámara HD se o multisensor detecta movemento no teu comercio cando está pechado.
Temperatura e humidade
Fai da túa casa un fogar. O multisensor 4 en 1 detecta se a temperatura é baixa ou alta. Se o combinas cun enchufe intelixente, poderás facer que se acenda automaticamente un calefactor se fai frío ou un deshumidificador se a humidade é alta.
Luminancia
Saberás o estado de luminosidade da túa casa. Combínao cun enchufe intelixente e 3ollos R acenderá unha lámpada se o día escurece. Di adeus aos tropezos e pequenos e maiores sentiranse completamente seguros.
Custo do servizo
- 8€/mes para clientes de combo ou mambo: a cota do servizo é gratis, o concentrador son 5€/mes e o multisensor 4 en 1 son 3€/mes durante 24 meses. Pero durante os dous primeiros meses a cota do concentrador é gratis, polo que só pagarás os 3€ do multisensor.
- 17€/mes para resto de clientes: a cota do servizo son 9€/mes, o concentrador son 5€/mes e multisensor 4 en 1 son 3€/mes durante 24 meses. Pero durante os dous primeiros meses a cota do concentrador e o servizo é gratis, polo que só pagarás os 3€ do multisensor.
Resolvemos as túas dúbidas
Aquí estamos para resolver as dúbidas que teñas sobre 3ollos R. Ademais, podes consultar na web de respostas as preguntas máis frecuentes, descargar os manuais de 3ollos R ou entrar no foro.
Lembra que podes seguir a nosas novidades en Twitter, Facebook, Instagram e na nosa canle de Telegram.
Ata pronto!