Blog Mundo R - Página 5

Estamos en pleno mes de agosto, o verán por excelencia, e a televisión que che ofrecemos en R non descansa para que poidas gozar de todas as últimas novidades e estreas durante as túas vacacións. En agosto, destacamos o novo paquete de fútbol de DAZN, que podes contratar sempre que teñas un produto de tele connosco. Por só 10 €/mes, goza de cinco partidos de LaLiga por xornada nas canles 114 e 115, así como de todos os partidos que ofrece LALIGAHYPERMOTION.

As festas de Portonovo 2025 na honra de San Roque celébranse do 14 ao 18 de agosto neste municipio de Sanxenxo. Cinco días de verbenas con orquestras, a sardiñada popular, o Día do Can e moito máis. Contámosche todo o programa das festas de Portonovo 2025.

En Viveiro o final do mes de agosto é especial. Alí se celebran varios días de festa, comida e bebida no Naseiro 2025, do 22 ao 27 de agosto. Declarada en 1967 Festa de Interese Turístico Nacional, a romaría do Naseiro 2025 é peculiar xa que quen participan da festa conviven durante cinco días nunha contorna natural e diferente. Consulta o programa da romaría de Viveiro, tamén coñecida coma a “Romaxe do Bo Xantar”, que se celebra no val do Naseiro, na vila de Viveiro.

Internet estudantes inclúe 1 Gb de internet e liña fixa con chamadas a fixos durante todo un curso académico a un prezo de 29€/mes.

Cada 16 de agosto celébrase a Festa da Auga de Vilagarcía 2025, que é o momento máis esperado das Festas de San Roque Vilagarcía 2025, do 14 ao 24 de agosto. Prepárate para mollarte e gozar dos concertos, de San Roquiño, do Combate Naval, do Desfile de Carrozas e moito máis. Infórmate aquí de todo o programa da Festa da Auga de Vilagarcía 2025 e das Festas de San Roque Vilagarcía 2025.

A festa da Maruxaina 2025 celébrase na localidade lucense de San Cibrao, en Cervo, o sábado 9 de agosto. Ese día as miradas de veciños/as e visitantes diríxense cara a esta misteriosa serea cuxa lenda dá pé a unha das festas máis singulares do verán en Galicia. Contámosche máis sobre esta tradición e a súa axenda de actividades, con fogos, queimada e un multitudinario "Gran Xuízo Popular". Consulta aquí o programa da festa da Maruxaina 2025.

Agosto é un mes especial para Foz porque celebra as festas patronais de San Lorenzo. O día grande das festas de San Lourenzo de Foz 2025 é o domingo 10 de agosto, cando teñen lugar os fogos. O programa das festas de San Lourenzo de Foz 2025, do 8 ao 11 de agosto, inclúe ademais verbenas e orquestras que che contamos aquí.

A Festa do Polbo é unha romaría gastronómica que congrega cada ano a decenas de miles de visitantes no Carballiño o segundo domingo de agosto. A Festa do Polbo do Carballiño 2025 será o 10 de agosto, día grande, pero as actividades e concertos comezan xa uns días antes. Consulta aquí as datas e o programa das Festas do Polbo do Carballiño 2025, que este ano celebra a súa 63 edición dedicada á cidade italiana de Noventa Padovana.

A Romaría de San Roque Vigo 2025 celébrase do 14 ao 17 de agosto con música, tradición e gastronomía. A romaría urbana da cidade inclúe concertos, mercado de artesanía e comida, procesión... Contámosche todo o programa da Romaría de San Roque Vigo 2025, que se celebra na contorna da finca de San Roque en Vigo.