Blog Mundo R - Página 5

A chegada da primavera celébrase en Galicia coa festa dos Maios. O día 1 de maio, ou o primeiro domingo de maio no caso de Ourense, saen á rúa os maios, unhas figuras de madeira adornadas con flores, follas ou froitas. Ao seu arredor cántanse as coplas dos maios que satirizan sobre algún tema de actualidade. Os máis famosos son os maios en Ourense, pero tamén se celebran os maios en Pontevedra e os maios en Redondela. Contámosche cando e como son estes maios en Galicia.

Se che encanta ir de porto en porto en Galicia desfrutando das competicións de traiñeiras, deixámosche aquí o calendario da Liga Galega de Traiñeiras 2025.

Redondela volve enxalzar un dos seus produtos estrela, o choco, nunha festa gastronómica que reúne cada ano a miles de persoas. A Festa do Choco Redondela 2025 celébrase do 9 ao 11 de maio e poderás degustar este manxar, pero tamén gozar de concertos e orquestras, rutas en barco e moito máis. Consulta aquí o programa das Festas do Choco de Redondela 2025.

É chegar a primavera e o bo tempo e os parques énchense de xente. E a maioría aproveita para ler un libro á sombra das árbores. E coma se fose unha estación máis, chegan as feiras de libros en parques e alamedas. Unha das primeiras, como todos os anos, é a Feira do Libro de Santiago 2025, que é do 3 ao 11 de maio no paseo central da Alameda.

A Semana Santa en Ferrol é unha das celebracións de carácter relixioso máis recoñecidas dentro e fóra de Galicia. Dende o Domingo de Ramos ao de Resurrección, transitan as procesións e os pasos de cinco confrarías. Contámosche todo o programa da Semana Santa Ferrol 2025, do 13 ao 20 de abril, cando son as procesións da Semana Santa en Ferrol 2025 e a historia desta Festa de Interese Turístico Internacional, que conta con máis de 400 anos de tradición.

Queres coñecer un deses lugares máxicos que temos en Galicia? A Fraga Máxica da Cortiña é un parque con esculturas de madeira con forma de seres míticos. Contámosche como é e que ver na Fraga Máxica de San Sadurniño.

O AVE Galicia inaugurouse en decembro de 2021 e permitiu conectar Ourense e Madrid en 2 horas e 15 minutos. E dende 2024, a alta velocidade chega a Santiago de Compostela, A Coruña, Vigo, Pontevedra, Vilagarcía de Arousa e A Gudiña. Á oferta de trens AVE e Avlo, a modalidade de baixo custo, hai que sumar os trens Alvia que tardan un pouco máis. Podes consultar aquí toda a información sobre o AVE Galicia Madrid, contámosche os horarios, a duración dos traxectos, as estacións e o prezo dos billetes.

Queres saber que provincia de Galicia es? Entra no noso test e descubre se a túa personalidade encaixa máis en Lugo, Pontevedra, Ourense ou A Coruña. Ademais, ao contestar o test entras nun concurso onde regalamos camisetas de Nikis Galicia. Participa xa!

Abril está cheo de novidades e dunha gran sorpresa na televisión que che ofrecemos en R e é que, a partir do 7 de abril, poderás contratar directamente a plataforma Disney+ con R. Sabemos que o pediras e agora poderás gozar de estreas como a nova temporada de Andor ou Mufasa: El Rey León.