As Festas de Betanzos 2024, na honra de San Roque, celébranse do 14 ao 25 de agosto e veñen cargadas de concertos e actividades que che contamos aquí. Infórmate de cando son as xiras dos Caneiros, o Globo de Betanzos... no completo programa das Festas de Betanzos 2024.
É verán e o que máis apetece é estar fresco sen a carga das altas temperaturas. E no concello pontevedrés de Vilagarcía de Arousa sábeno ben, e nas súas festas patronais nunca pasan calor. Diso encárganse na Festa da Auga de Vilagarcía de Arousa 2024, o 16 de agosto. Unha celebración que fai que todos gocen ao grande do marabilloso que é mollarse en pleno verán.
Concertos gratuítos, actividades infantís e grandes verbenas coas mellores orquestras de Galicia. Así son as Festas de Verán en Ferrol 2024. Este ano entre o 17 e o 31 de agosto a cidade departamental énchese de actividades lúdicas, musicais e culturais para todos os públicos.
A Festa do Polbo é unha romaría gastronómica que congrega cada ano a decenas de miles de visitantes no Carballiño o segundo domingo de agosto. A Festa do Polbo do Carballiño 2024 será o 11 de agosto, día grande, pero as actividades e concertos comezan xa o martes 30 de xullo. Consulta aquí as datas e o programa da Festa do Polbo do Carballiño 2024, que este ano celebra a súa 62 edición dedicada ao Ribeiro.
A festa da Maruxaina 2024 celébrase na localidade lucense de San Cibrao, en Cervo, o sábado 10 de agosto. Ese día as miradas de veciños/as e visitantes diríxense cara a esta misteriosa serea cuxa lenda dá pé a unha das festas máis singulares do verán en Galicia. Contámosche máis sobre esta tradición e a súa axenda de actividades, con fogos, queimada e un multitudinario "Gran Xuízo Popular". Consulta aquí o programa da festa da Maruxaina 2024.
Unha das citas festeiras máis populares do verán galego está en Cedeira. Alí honran do 10 ao 17 de agosto á patroa dos mariñeiros e da localidade, á Nosa Señora do Mar, cunhas festas repletas de actividades. Aquí tes o programa das Festas de Cedeira 2024.
Divírtete con este trivial centrado nas verbenas e na música de Galicia. Canto sabes sobre as verbenas galegas e a nosa música.
Enmarcada nas Festas de María Pita, a Feira do Libro da Coruña 2024 é un evento organizado pola Federación de Librarías de Galicia que se celebra do 1 ao 10 de agosto nos Xardíns de Méndez Núñez. Alí reúnense autores, lectores, librarías e editoras, todos xuntos celebrando o amor pola literatura. De feito, é unha das feiras de Galicia que máis afluencia teñen, tanto a nivel de casetas como de lectores e visitantes.
Os amantes da música e a cultura galega teñen unha cita no Festival de Pardiñas 2024 de Guitiriz, do 2 ao 4 de agosto. Este ano celebran 45 edicións, así que non podes perder esta festa de interese turístico galego que organiza a Asociación Cultural Xermolos. Consulta aquí o cartel e o programa do Festival de Pardiñas 2024 para pasar unha fin de semana de festa en Guitiriz.