A historia, a mitoloxía e a tradición son elementos identitarios da nosa terra. Estes tres factores fan que Galicia non pase desapercibida e o nome de nena en galego Fisterra é unha referencia de todo iso. Ademais, este nome actúa como mostra da nosa cultura e da nosa propia orixe.
Orixe do nome de Fisterra
A procedencia deste nome atópase no latín, concretamente na palabra finis terrae. As características xeográficas da nosa terra provocan que este nome sexa único en Galicia. Ademais, este tamén é o nome dun dos lugares máis coñecidos da nosa comunidade.
Outro trazo que mostra o sentimento de pertenza que xera este nome é que se trata dun nome moi recente, que as nais e pais galegos están a empezar a usar, precisamente para deixar claro a orixe das súas fillas. Fisterra é un nome que actúa como conservación da nosa cultura.
Significado do nome de Fisterra
O significado do nome de Fisterra é fin da terra. Isto procede da crenza dos pobos grecorromanos que consideraban que o mundo coñecido terminaba en Galicia.
Ademais, no cabo de Fisterra localízase o punto final do Camiño de Santiago. Antigamente, moitas persoas crían que neste punto podían asomarse ao fin da propia terra.
Onomástica do nome de Fisterra
As características do nome de Fisterra fan que sexa imposible que teña unha data asignada no santoral. Nese sentido, asignaríase o 1 de novembro como santoral, Día de Todos os Santos.
Mulleres co nome de Fisterra
Fisterra é un nome moi actual, particular e propio da nosa terra. Eses tres factores provocan que sexa un nome utilizado por moi poucas persoas, polo tanto, é difícil atopar a mulleres famosas que o leven.
Con todo, como se está a poñer de moda durante estes anos, estamos seguros de que dentro dun tempo coñeceremos a mulleres co nome de Fisterra que sexan un referente en ámbito de traballo, na cultura ou no deporte.
Como se escribe o nome de Fisterra noutros idiomas
Fisterra é un nome propio da nosa terra que mantén a súa forma e a súa pronuncia orixinal, independentemente da lingua na que apareza escrito ou pronunciado. É unha mostra da nosa cultura no exterior.
