Se buscas en Internet as cousas imprescindibles para coñecer ben Santiago, sempre haberá unha que te mandará ir comer o polbo nas festas da Ascensión na alameda compostelá.
Aínda que as festas máis coñecidas da capital de Galicia son as do Apóstolo, as festas da Ascensión poden considerarse as festas por excelencia para os que queiran vivir o verdadeiro Santiago.
Bo tempo garantido
Xa o di o refrán: "Tres xoves locen máis que o sol, Xoves Santo, Corpus Christi e a Ascensión".
Co bo tempo asegurado "por gracia divina", o plan para todos os que queiran gozar destas festas é pasear pola alameda compostelá e polas súas atraccións, comer o polbo, ver a feira do gando e, sobre todo, ver os cabezudos bailar.
Os cabezudos da Ascensión animan a festa
Non hai maior espectáculo das festas da Ascensión que ver bailar os cabezudos. Quen son? Pois uns personaxes que saen todos os días da festa polas rúas da zona vella de Santiago e que fan as delicias da rapazada, e de toda a xente en xeral, cos seus bailes e saúdos.
Os cabezudos son toda unha institución na capital de Galicia. Pero dende cando?, quen son os seus personaxes?
Os cabezudos da Ascensión: unha tradición do século XIX
A historia dos cabezudos de Santiago remóntase ao século XIX, exactamente ao ano 1879. A comparsa foi creada polo Concello de Santiago para "rivalizar" cos xigantes, que eran do Cabido compostelán e que tamén saían durante as festas.
A tradición sufriu un parón de varios anos. Na década dos 70 do século pasado saíron outros personaxes para animar a festa, pero non eran os “autóctonos” da cidade. Nos anos 80, grazas á proposta do bailarín e concelleiro Antonio López, decidiuse recuperalos para as festas santiaguesas.
Volveron cos traxes e cabezas orixinais, que foron recreados grazas a fotos antigas, para que se asemellasen aos primeiros. E os personaxes xa son coñecidos por todos: son, entre outros, o alcalde e a alcaldesa, quen encabezan a comitiva, os paxes negros ou a Manola. Personaxes que simbolizaban figuras populares do Santiago de antano.
Programa das festas da Ascensión de Santiago
As festas da Ascensión de Santiago comezan sempre o día anterior á Ascensión, é dicir, comezan sempre un mércores, e prolónganse ata o domingo. Aínda que o gran día é o xoves, todos os días hai un programa variado para divertir e entreter a toda a familia.
Martes, 16 de maio
20:00 Centro Sociocultural de Fontiñas: Coral Solfa, Coral Polifónica La Salle e Coral Amigos de Compostela.
20:30 Teatro Principal: Fractales sonoros. Cruzando posibilidades. Alejandro Vargas.
21.30 Praza da Quintana: Los 40 Santiago Pop. Presenta Tony Aguilar. Marc Seguí, Zzoilo, Miriam Rodríguez,
Depol, Hilario, Nerea Rodríguez, Meler, Angy e Mondra.
Mércores, 17 de maio
10:00 Alborada a cargo da A. C. Pana Raiada.
12:30 No século un cantar. Agrupación Folclórica Cantigas e Agarimos. Teatro Principal.
17:00 Malabarian on de Rox (circo). Praza de Mazarelos.
20:00 Coro Crecente de voces graves, Coral de Habaneiras da Rocha Forte e Coral Hermano Gómez. Igrexa da Nosa Señora da Mercé de Conxo.
21:00 Ana Moura. Praza da Quintana.
22:00 Orquestra Fani Blanco Show. Paseo da Alameda.
Xoves, 18 de maio
10:00 Alborada a cargo de A. C. Devagariño.
10:00 Feira Cabalar da Ascensión. Mercado Nacional de Gando de Santiago (Amio). Haberá un grande espectáculo ecuestre de doma “Feira cabalar da Ascensión 2023”. Exercicios de doma en liberdade, doma de alta escola, doma á vaqueira, doma en rédeas longas, carrusel e fantasías ecuestres. Coa colaboración e participación da sección de doma de alta escola de Galicia “Dragóns de Santiago” da Asociación Pura Raza Cabalo Galego.
12:00 Música da nosa Banda Municipal de Musica de Santiago de Compostela e Agrupación Folclórica Colexiata do Sar. Casiano Mouriño, director. Praza da Quintana.
12:30 Comparsa de Cabezudos: Rúa Nova, praza das Praterías, Fonseca, rúa do Franco, praza do Toural, rúa Nova, Caldeirería, Praza de Abastos, praza de Cervantes, Santo Agostiño, rúa Travesa, Casas Reais, Preguntoiro, Fonte Sequelo e rúa Nova.
18:00 "Folk na rúa". Na praza de Santo Agostiño, praza do Toural, praza do Obradoiro, praza de Cervantes e praza de Praterías. Actuacións do Grupo de Baile e Música Tradicionais Brincadeira, da Agrupación Folclórica Colexiata do Sar, da Agrupación Folclórica Cantigas e Agarimos e do Obradoiro de Cultura Tradicional Ultreia.
19:00 Paseo guiado: O Seminario de Estudos Galegos e Compostela. Inscrición en [email protected].
20:00 Coral Ponte Mantible - Guadalupe, Coral Asubío e Coro Harmonia Stellae. Centro sociocultural de Vite.
20:30 ¡Por fin solo! Carles Sans. Entradas: 14 €. A través de compostelacultura.gal. Auditorio de Galicia.
21:00 Corriente del Golfo (Concerto - Jazz latino). Praza da Quintana.
22:00 Orquestra Panorama. Praza do Obradoiro.
Venres, 19 de maio
10:00 Alborada a cargo dos Muiñeiros do Sarela.
12:00 Museo Encantado. Dani García. Praza do Toural.
17:00 Milonga da Ascensión (Clase de tango aberta a todo o público). Palco da Alameda.
18:00 Milonga de tarde con DJ Ezequiel “el Cacha” Merlo (Arxentina). Palco da Alameda.
18:00 III Certame coreográfico Compostela (danza contemporánea). Retirada previa de convites no despacho de billetes do Teatro Principal desde as 16:00. Teatro Principal.
19:00 Paseo guiado: O Seminario de Estudos Galegos e Compostela. Inscrición en [email protected].
20:30 XLVI Torneo da chave a carón da Escola Infantil de Santa Susana.
20:30 COMPOS FEST: Carlangas, Ruxe Ruxe, Nastasia Zurcher e Moncho e Los Apóstoles.
22:00 Milonga de noite con Pablo Linares (Arxentina). Show de Tango con Fatma Ousafii (Túnez) e Ezequiel Merlo. Concerto de Loca Bohemia (Xixón). Centro Xuvenil Don Bosco.
Sábado, 20 de maio
10:00 Alborada a cargo de A. C. O Castro de Figueiras.
10:00 XIII Festival Batebatuke: Obradoiro de percusión afrobrasileira co mestre Júnior Souza.
11:40 Escolas de baile tradicional: Actuacións durante todo o día da Agrupación Folclórica Colexiata do Sar, do grupo de baile e música tradicionais Brincadeira, do Obradoiro de Cultura Tradicional Ultreia e da Agrupación folclórica Cantigas e Agarimos. Praza de San Agostiño, praza de Cervantes, praza do Toural, praza do Obradoiro, praza da Quintana e Alameda.
14:00 XXIV Festa para as Persoas Maiores no Recinto Ferial de Amio: Xantar e a continuación actuación musical do Grupo Alaska e José Manuel "Abanico". Entrada: 7,50 euros. Despacho de billetes do Teatro Principal: dende o día 11 de maio ata o 19 de maio. Horario: 10:00-13:00.
16:00 XIII Festival Batebatuke: Mostra da Escola Prucupá.
16:00 Charla: El tango es una historia. A cargo de Chusa Pérez de Vallejo. Centro Xuvenil Don Bosco. Rúa de Belvís, 2.
17:00 XLVI Torneo da chave: finais. Na Alameda.
18:00 Obradoiro de cantos de taberna impartido por Alexandre Cadarso “Cano”. Centro sociocultural Maruxa e Coralia.
20:00 Concerto Letras Galegas 2023. Orfeón Terra A Nosa. Igrexa de San Domingos de Bonaval.
20:00 Cantos de Taberna: Marotos da Concertina (Penafiel, Portugal), Os Terribles de Arousa, Os Bertolini de Manzaneda e Muiñeiros do Sarela. Locais de actuación: A casa do Taberneiro, BarLos Amigos, A sucursal da Estrela, A Gramola, Xamonería do Moha e Café Literarios.
22:00 Concerto Estrella Galicia. Praza da Quintana.
22:30 Concertos. Antigo Colexio Ramón Cabanillas.
23:00 Cantos de Taberna. Actuación conxunta final. Taberna O Patacón.
Domingo, 21 de maio
10:00 Alborada a cargo da A. V. Brañas de Andrés.
10:00 XII Carreira ciclista da Ascensión: Percorrido e meta na Avenida de Xoán Carlos I.
13:00 Desfile Batebatuke (percusión afrobrasileira). Praza das Praterías a praza do Toural.
19:00 Rock & Magic. Mago Teto. Praza de Mazarelos.
19:00 Concerto DJ sinfónico. Banda Municipal de Música de Santiago de Compostela e Pere Vicalet (artista dixital). David Fiuza, director. Praza da Quintana.
22:00 Ortiga e Pili Pampín. Praza da Quintana.
Imaxes: Turismo de Galicia e Concello de Santiago.