Ribadeo, ten en setembro una das súas festas máis queridas na honra de Santa María do Campo, son as festas de Ribadeo 2025, do 5 ao 8 de setembro. O municipio da mariña lucense celebra as súas festas patronais con concertos, verbenas con orquestras, o desfile dos Cocos ou os fogos artificiais. Contámosche todo o programa das festas de Ribadeo 2025.
Programa de festas de Ribadeo 2025
O programa das festas de Ribadeo 2025 arrinca o venres 5 de setembro e termina o luns 8 de setembro, que é o día da patroa Santa María do Campo e festivo local en Ribadeo 2025.
Agora que xa sabes cando son as festas patronais de Ribadeo 2025, contámosche as actividades máis destacadas.
A véspera da patroa celébrase coa saída dos Cocos e Cabezudos e con fogos artificiais. E o propio día da patroa, ten lugar a procesión, concertos e verbenas.
Pero hai moitas máis actividades que a Comisión de Festas de Ribadeo foi anunciando, como as orquestras que actuarán, que podes consultar aquí.
Iremos actualizando a información con todo o programa das festas de Ribadeo 2025, do 5 ao 8 de setembro, para que non te perdas nada.
Venres, 5 de setembro
- Orquestra Finisterre.
- Orquestra Panorama City.
Sábado, 6 de setembro
- Grupo Tekila.
- Orquestra Furia Joven.
Domingo, 7 de setembro
- Vermú co grupo La Bamba.
- Verbena co grupo La Bamba.
- Verbena coa orquestra Cinema.
- 00:00 h. Fogos artificiais no peirao.
Luns, 8 de setembro
- 12:00 h. Misa e, a continuación, a procesión.
- Vermú coa orquestra Channel.
- Verbena coa orquestra Channel.
- Concerto do grupo Ráfaga.
Os Cocos nas festas de Ribadeo
Sen dúbida algunha son o centro de atención das festas de Ribadeo. O Coco e a Coca son un dos seus maiores atractivos, dúas figuras que contan co cariño de toda a veciñanza do concello lucense e da súa contorna.
Os Cocos son a parella figurativa máis representativa de Ribadeo. Sobre eles sábese que os cartos da súa construción foron doados en 1870 (960 reais de billón) por José María Iglesias. Inicialmente construíronse coa idea de “contribuír a un maior recoñecemento das festas do Carme”, que daquela eran case máis importantes que as festas patronais.
O seu tamaño é de 3,5 metros de altura e contan cunha armazón metálica (anteriormente era de madeira) para que poidan ser transportados por persoas situadas no seu interior. Saen sempre a desfilar acompañados de cabezudos levados pola xente da vila.
A tradición ribadense, sen documentar, di que a parella na que se basearon o Coco e a Coca foi unha parella moi popular que viviu a mediados do século XIX e que os rizos que o Coco leva na fronte son unha lembranza da “liberdade” coa que a viviu Coca a súa relación matrimonial.
Veñan de onde veñan, os veciños de Ribadeo sacan cada ano os Cocos xunto aos cabezudos nas festas de San Roque e das patronais de Santa María do Campo para desfilar e amenizar o ambiente festivo. Se non podes acudir nesas datas, na Praza de San Roque hai unha reprodución metálica dos Cocos para poder admirar a súa peculiar beleza durante todo o ano.
As festas patronais de Ribadeo 2025 celébranse en setembro, para pechar os festexos do verán, que empezan cada ano co Ribadeo Indiano en xullo e continúan en agosto coa Xira de Santa Cruz e a festa de San Roque.
Fonte imaxe de cabeceira: Turismo de Ribadeo.