Cando empeza o curso escolar en Galicia 2024 - 2025? Contámosche todas as datas clave, o inicio e o fin de curso, as vacacións, as pontes e os festivos do calendario escolar en Galicia 2024 - 2025 para que che axude a organizarte. Para iso, desagregamos as datas e os horarios da orde do calendario escolar en Galicia para as etapas educativas de Infantil, Primaria, ESO, Bacharelato e FP.
Podes consultar tamén toda a Orde do 12 de abril de 2024 da Consellería de Cultura, Educación e Universidade da Xunta publicada no Diario Oficial de Galicia (DOG).
E para que che resulte máis cómodo, podes descargar o calendario escolar de Galicia 2024 - 2025 no botón de aquí debaixo:
Calendario escolar Galicia 2024 - 2025: Infantil, Primaria, ESO, Bacharelato e FP
O próximo curso escolar empeza o mércores 11 de setembro de 2024 e finaliza o venres 20 de xuño de 2025. O fin das clases para os alumnos de 2º de Bacharelato dependerá das datas da ABAU.
Ás vacacións escolares de Nadal, Entroido e Semana Santa, que che imos a contar a continuación, hai que engadir o Día do Ensino, que é o xoves 31 de outubro de 2024, e todos os festivos do calendario escolar en Galicia 2024 - 2025, que tamén detallamos máis abaixo.
Imos aló.
Inicio e fin do curso escolar 2024 - 2025 en Galicia
Como che diciamos, o período lectivo 2024 - 2025 vai do 11 de setembro de 2024 ao 20 de xuño de 2025. E para os alumnos de 4º de Educación Infantil hai un período de adaptación que pode elixir cada centro e que será ata o martes 17 de setembro de 2024.
Ademais, o fin das clases para os alumnos de 2º de Bacharelato virá determinado polas datas da ABAU 2025.
Na seguinte táboa podes ver o inicio e o fin das clases do calendario escolar de Galicia 2024 - 2025 divididos por etapa educativa:
| ENSINO | INICIO CLASES 2024 | FIN CLASES 2025 |
|---|---|---|
| Educación Infantil | 11 de setembro | 20 de xuño |
| Educación Primaria | 11 de setembro | 20 de xuño |
| Educación Secundaria Obrigatoria (ESO) | 11 de setembro | 20 de xuño |
| Bacharelato | 11 de setembro | 20 de xuño |
| Formación Profesional (FP) | 11 de setembro | 20 de xuño |
| Réxime Especial | 11 de setembro | 20 de xuño |
Ao ver xa todo un ano de clases, o primeiro que se che vén á cabeza é: cando hai vacacións?
Cando son as vacacións escolares do curso 2024 - 2025 en Galicia?
Os tres grandes períodos de vacacións escolares 2024 - 2025 en Galicia distribúense así:
| VACACIÓNS 2024 - 2025 | INICIO | FINAL |
|---|---|---|
| Nadal | 23 de decembro de 2024 | 7 de xaneiro de 2025 |
| Entroido | 3 de marzo de 2025 | 5 de marzo de 2025 |
| Semana Santa | 14 de abril de 2025 | 21 de abril de 2025 |
Ademais das vacacións hai unha serie de días non lectivos no curso escolar, festivos nacionais, festivos autonómicos e, por último, os locais.
Días non lectivos do calendario escolar 2024 - 2025 en Galicia
Que días non hai clase? Ademais das vacacións, os días non lectivos do calendario escolar 2024 – 2025 en Galicia son o Día do Ensino, o xoves 31 de outubro de 2024, e os festivos do calendario escolar en Galicia 2024 – 2025, que inclúe os festivos de ámbito estatal e autonómico.
Recompilámolos todos nesta táboa:
| DÍAS NON LECTIVOS | FESTIVOS |
|---|---|
| 12 de outubro de 2024, sábado | Festa Nacional |
| 31 de outubro de 2024, xoves | Día do Ensino |
| 1 de novembro de 2024, venres | Todos os Santos |
| 25 de decembro de 2024, mércores | Nadal |
| 1 de xaneiro de 2025, mércores | Aninovo |
| 6 de xaneiro de 2025, luns | Día de Reis |
| 17 de abril de 2025, xoves | Xoves Santo |
| 18 de abril de 2025, venres | Venres Santo |
| 1 de maio de 2025, xoves | Festa do Traballo |
| 17 de maio de 2025, sábado | Día das Letras Galegas |
E a estes días non lectivos hai que engadir as festas locais que son tamén festivos do calendario escolar en Galicia 2024 - 2025.
Festivos locais do calendario escolar de Galicia 2024 - 2025
Aínda non se coñecen os festivos locais de 2025 que elixe cada Concello, polo que de momento non podemos darche a información completa dos festivos locais do calendario escolar de Galicia 2024 - 2025. O que si podes consultar son as festas locais de Galicia do 2024 que afectan ao primeiro trimestre do curso.
Actualizaremos por aquí as datas para que teñas a lista de festivos do curso completa.
Agora que xa tes toda a información sobre o calendario escolar 2024 - 2025 de Galicia, podes empezar a organizarte para o novo curso.