Gústache descifrar adiviñas? Queres descubrir lugares máxicos de Galicia? Pois ‘Dragal Challenge’ é para ti. O xogo interactivo baseado nas novelas de Elena Gallego xa está en marcha e a cousa ponse emocionante.
Os equipos participantes xa lanzaron os seus retos e ti tamén podes resolvelos. Explicámosche como podes xogar ao ‘Dragal Challenge’.
Onde se xoga o ‘Dragal Challenge’?
Na nova plataforma PetisGO! Un espazo onde podes gozar de contidos interactivos como nunca antes o facías: ver vídeos en 360º, entrar en escenarios de realidade virtual e tamén xogar á realidade aumentada, como este ‘Dragal Challenge’.
Para ver e responder os retos tes que entrar e rexistrarte na aplicación PetisGo! dende o ordenador ou descargarla no teu móbil Android ou iOS.
Importante se vas entrar dende o teu smartphone: asegúrate de que sexa compatible con Realidade Aumentada (AR). Sono os iPhone dende o 6S ou os iPad de 5ª xeración ou superior. Se tes un Android, comproba aquí a compatibilidade.
E xa estás listo.
Que retos debes superar?
Os equipos participantes no ‘Dragal Challenge’ xa gravaron os seus retos en PetisGo! E isto que é?
Pois son unhas adiviñas que os seus adversarios deben acertar a través dunha serie de pistas, para descubrir onde esconderon os ovos do dragón. Son o que se chaman os ‘retos bifurcados’.
E, ademais, deben atopar a localización exacta dese lugar máxico de Galicia, a través da Realidade Aumentada; por iso diciámosche que o móbil debe ser compatible. Non te asustes, é moi parecido a Pokémon Go 😉. Atoparalos xa na plataforma como ‘retos AR’.
Ti tamén podes tentar resolver todos os retos. Así que entra a velos en PetisGo!, pon a proba as túas habilidades e divírtete superando os desafíos, como un máis dos equipos do Dragal.
Esta semana xa tes 5 retos para descifrar e a próxima chegarán outros 5. A por eles!
Sigue a gran final en directo
O ‘Dragal Challenge’ está que arde e os equipos tratan de resolver todos os retos para conseguir os puntos que lles metan na gran final, que se xogará na Alameda de Santiago de Compostela. Podes ver aquí como vai a clasificación.
O luns 7 de febreiro teremos os nomes dos finalistas. Estamos a desexar saber quen se medirá no capítulo final deste desafío único en Galicia e que poderás seguir en directo a través de PetisGo! o próximo 12 de febreiro.
Iremos contando máis detalles para que non o perdas dende a casa.
Mentres, tócache a ti. Úneste a resolver os retos do ‘Dragal Challenge’?