En maio o barrio do Couto, en Ourense, celebra as súas festas na honra da Virxe de Fátima. As festas do Couto 2025 terán lugar do 15 ao 19 de maio, coas tradicionais barracas festivas, concertos, orquestras e moitas máis actividades que che contamos do programa das festas do Couto 2025.
Programa das festas Couto 2025
As multitudinarias festas Couto 2025 regresan ao popular barrio ourensán dende o xoves 15 ao luns 19 de maio. Cinco días de celebracións que volven contar con algúns dos seus principais atractivos, como son as barracas da festa ou as verbenas con orquestras.
O Concello de Ourense presentou o programa das festas do Couto 2025, no que destaca un grande espectáculo de drons, que poderá verse a noite do sábado 17 de maio, Día das Letras Galegas 2025 e festivo en Galicia.
Abre o programa festivo o Combo Dominicano cunha actuación o xoves 15 e péchase o luns 19 coa celebración do Día do neno, cando as atraccións das barracas estarán a metade de prezo.
Queres saber os concertos e as orquestras das festas do Couto en Ourense? Pois aquí che deixamos as datas e os horarios para que non perdas unha:
Xoves, 15 de maio
- 23:00 h. Orquestra Combo Dominicano.
Venres, 16 de maio
- 23:00 h. Orquestra Cuarta Calle.
Sábado, 17 de maio
- 20:00 - 21:30 h. Concerto de Luar na Lubre.
- 23:30 h. Grande espectáculo de drons.
- 00:00 - 02:00 h. Orquestra Horizon the show.
Domingo, 18 de maio
- 20:00 h. Orquestra Cinema.
Luns, 19 de mayo
- Día do neno: atraccións das barracas a metade de prezo.
Estaremos atentos a máis anuncios que faga o Concello sobre o programa de festas do Couto 2025.
Máis festas en Ourense 2025
As festas O Couto son as primeiras da primavera en Ourense, xunto cos Maios Ourense 2025 do domingo 4 de maio.
En xuño chegan as festas de Ourense 2025, coincidindo coa celebración do Corpus Christi e que duran unhas dúas semanas. Contarémosche todos os detalles das festas de Ourense 2025 aquí.
E pasado o verán, xa en novembro, o calendario festivo ourensán ten outra cita destacada, o Magosto en Ourense 2025 o 11 de novembro, Día de San Martiño e festivo local en Ourense 2025.
Pero antes, toca gozar das festas O Couto 2025, do 15 ao 19 de maio.
Fonte imaxe de cabeceira: Concello de Ourense