As festas de verán ou patronais enchen nos meses de verán todas as vilas e cidades galegas. Boiro, en pleno corazón do Barbanza, non ía ser menos. As festas de Boiro 2026 encherán a vila mariñeira de música e diversión para todos os públicos do 3 ao 8 de xullo de 2026.

Como cada ano, contamos cun cartel de festas onde a música sexá a protagonista indiscutible, cunha programación que vai dende as ansiadas verbenas con orquestras e sesións de DJ, ata cantos de taberna.

Programa das festas de Boiro 2026

fiestas boiro 2026 cartel
Imaxe: Concello de Boiro

As festas do verán de Boiro 2026 contan cunha programación na que todos os públicos poden participar e divertirse. Hai música e actos de todos os estilos e xéneros.

O programa inclúe actividades para os máis pequenos, como festivais infantís, así como actos culturais tradicionais como exhibicións de malla de centeo, baile galego ou sesións vermú.

Aquí tes o programa das festas de Boiro 2026 que publica o Concello de Boiro.

Venres, 3 de xullo 2026

  • 20:30 h. Pasarrúas coa charanga BB+.
  • 21:00 h. Praza de Galicia: orquestra Suavecito.
  • 22.00 h. Pregón.
  • 22:45 h. Praza de Galicia: orquestra Capitol.
  • 23:00 h. Praza do Centro Social: Curi e Sound Ivan.
  • 23:00 h. Parque da Cachada: Remember Fest de Peñas Boiro AC.

Sábado, 4 de xullo 2026

  • 10:00 h. Alboradas a cargo de Os Pequenos do Barbansa.
  • 12:00 h. Festa da Malla e baile con Xilbarbeira e Aroña.
  • 22:30 h. Praza de Galicia: orquestra Finisterre Project.
  • 23:00 h. Praza do Centro Social: concerto de Ortiga.
  • 00:00 h. Praza de Galicia: Tributo a Julio Iglesias.

Domingo, 5 de xullo 2026

  • 10:00 h. Alboradas con Ar de Loureda.
  • 12:00 h. Baile con Abeloura, Ballet Folclórico Boirense e Abanqueiro.
  • 12:00 h. Pasarrúas coa Banda de Negreira.
  • 13:30 h. Rúa peonil: sesión vermú con D’Crooners.
  • 20:30 h. Praza do Centro Social: Balbina coa Banda de Música de Boiro.
  • 22:00 h. Praza de Galicia: orquestra La Oca Band.
  • 00:00 h. Praia de Barraña: espectáculo piromusical.
  • 00:30 h. Praza de Galicia: La Banda de Ayer.

Luns, 6 de xullo 2026

  • 10:00 h. Alboradas con Arume.
  • 11:00 h. Parque da Cachada: Festa das Peñas.
  • 12:00 h. Cantos de taberna: As da Boina e Mar de Cabo.
  • 21:00 h. Praza do Centro Social: Gramola Gominola.
  • 22:00 h. Praza de Galicia: orquestra Gran Parada.
  • 00:00 h. Praza de Galicia: orquestra Origen.

Martes, 7 de xullo 2026

  • 10.00 h. Alboradas con Arume
  • 12:00 h. Cantos de taberna: A Dorniña e Xoaniñas.
  • 12:30 h. Pasarrúas con Treboada.
  • 22:00 h. Praza de Galicia: orquestra Marbella.
  • 23:00 h. Praza do Centro Social: Melidaos e Lumieira.
  • 00:00 h. Praza de Galicia: orquestra Paris de Noia.

Mércores, 8 de xullo 2026

  • 10:00 h. Alboradas con Arume.
  • 12:00 h. Cantos de taberna con Nunca e Tarde e Ventos do Mar.
  • 13:00 h. Rúa peonil: sesión vermú con Duendeneta.
  • 21:30 h. Praza de Galicia: orquestra Satélites.
  • 23:00 h. Praza da Mancomunidade: 9Louro.
  • 00:00 h. Praza de Galicia: orquestra Panorama.
  • 02:00 h. Praza de Galicia: orquestra América.

Programa fiestas de verano en Boiro
Imaxe: Concello de Boiro

Actos relixiosos das festas de verán de Boiro 2026

Ademais de toda a música, dos concertos e das variadas actividades do programa, as festas de verán de Boiro 2026 tamén teñen a súa vertente relixiosa. Xa o di o refrán, “a Deus rogando e co mazo dando”.

Cada día da festa celebrarase unha misa solemne con procesión, neste caso na honra do Apóstolo Santiago, a Virxe do Carme, San Antonio e o Perpetuo Socorro. Estes momentos relixiosos destacan a devoción e a tradición arraigada na cultura boirense.

Boiro, vila mariñeira con historia

Se aproveitas o cartel das festas de Boiro 2026 para achegarte á vila mariñeira descubrirás todo o seu encanto.

As súas praias de area dourada e augas cristalinas son o lugar ideal para gozar do sol e do mar da ría de Arousa. Ademais, Boiro, en pleno corazón das Rías Baixas, conta cunha gran variedade de restaurantes e bares que ofrecen o mellor peixe e marisco que farán as delicias dos máis glotóns.

Se o que máis che atrae é a cultura e a historia, o primeiro que debes facer se visitas Boiro é percorrer as rúas e as prazas do centro urbano. Así descubrirás a Igrexa Parroquial de Santa Baia de Boiro, un claro exemplo do barroco rural de principios do século XVII no que destaca o campanario, inspirado na Torre do Reloxo da catedral compostelá; ou o Centro Arqueolóxico do Barbanza, que alberga unha parte importante dos restos recuperados nas escavacións arqueolóxicas da zona.

Recomendamos aos amantes da natureza que non se perdan o Paseo Fluvial do Río Breiro, unha nova senda peonil que une o casco urbano co paseo da Barraña, un espazo rodeado de numerosa vexetación, ademais dun peculiar lago.

Na desembocadura do río principal de Boiro, atópase un dos paraxes naturais máis fermosos e peculiares da zona, o Espazo Natural da Ría do Coroño. Un espazo natural cun espectacular piñeiral con mesas e grellas, niño de libros, parque multiaventuras, training box, circuíto saudable e centos de metros de pistas de atletismo.

Esta é só unha primeira ollada ás marabillas naturais e arquitectónicas de Boiro. Se a visitas, non dubides en informarte e poderás gozar non só das festas do verán de Boiro, senón tamén de todo o encanto desta vila mariñeira en plena ría de Arousa.

Fonte imaxe de cabeceira: Concello de Boiro