Xa están de camiño e os máis pequenos da casa xa os esperan. Como todos os anos, Melchor, Gaspar e Baltasar visitan Ourense dende o lonxano Oriente para traerlle aos nenos e nenas que se portaron ben todos os agasallos que lles pediron. Por iso, a cidade das termas ten todo preparado para acollelos como se merecen. Contámosvos o percorrido e os horarios da Cabalgata de Reis de Ourense 2026 do luns 5 de xaneiro.
Horario da Cabalgata de Reis en Ourense 2026
As Súas Maxestades os Reis de Oriente visitan a cidade das burgas e todo está listo. O Concello de Ourense teno todo preparado para que Melchor, Gaspar e Baltasar poidan ver a todos os nenos e nenas de Ourense.
Como cada ano, haberá restricións de circulación e estacionamento a partir das 15:30 h. do luns 5 de xaneiro nas rúas por onde pasará a Cabalgata de Reis de Ourense 2026 e arredores. Para que os máis pequenos non se perdan as súas Maxestades, é preciso tomar boa nota dos horarios e lugares onde acudir para ver a Cabalgata de Reis de Ourense 2026:
Luns, 5 de xaneiro de 2026
- 18:00 h. Saída das Súas Maxestades os Reis Magos de Oriente dende a estación do AVE de Ourense na Cabalgata de Reis Ourense 2026.
- 19:30 h. Chegada das carrozas e dos Reis Magos á Praza Maior coa Real Recepción das autoridades.
O percorrido da Cabalgata de Reis en Ourense 2026
A Cabalgata de Reis de Ourense 2026 partirá da Estación de Tren ás 18:00 h, atravesando a rúa do Progreso ás 18:30 h. Á espera de confirmación oficial, tendo en conta edicións anteriores, a recepción será na Casa do Concello ás 19:30 h.
Durante a cabalgata os paxes e os participantes das distintas comparsas irán botando milleiros de quilos de caramelos para que ningún neno quede sen os seus. Serán brandos, terán sabor a froita e serán sen gluten. Grupos de música e charangas marcarán o ritmo durante o desfile.
E para que poidades pensar no mellor lugar para ver a Melchor, Gaspar e Baltasar, poñémosvos aquí todas as rúas polas que pasan para que consigades o mellor lugar e recibades os caramelos que as Súas Maxestades os Reis de Oriente repartirá entre todos os asistentes.
Percorrido da Cabalgata de Reis de Ourense 2026:
- Estación do AVE
- Rúa Eulogio Gómez Franqueira
- Avda. das Caldas
- Ponte Romana
- Rúa do Progreso
- Rúa Dr. Marañón
- Praza Maior
Colaboración da Asociación Belenista de Ourense
Despois de ser recibidos na Praza Maior polas autoridades e os nenos alí congregados, Melchor, Gaspar e Baltasar atoparánse co belén vivinte infantil, unha tradición moi arraigada na capital e que a Asociación Belenista de Ourense organiza dende 1966.
Varios nenos e nenas de entre sete e catorce anos interpretarán os papeis da Virxe María, San Xosé, os pastores e o anxo nos soportais da Casa do Concello. Ao chegar á Praza Maior, os Reis coñecerán o Neno Xesús, que é unha imaxe artística do século XX.
Agora que xa coñeces o horario e o percorrido da Cabalgata de Reis de Ourense 2026, só queda portarse ben e esperar ata a tarde do luns 5 de xaneiro para ver a Melchor, Gaspar e Baltasar.
Fonte imaxe de cabeceira: Concello de Ourense