Melchor, Gaspar e Baltasar encherán de maxia e ilusión a cidade herculina na Cabalgata de Reis na Coruña 2025, o domingo 5 de xaneiro. Preparado para coller caramelos? Pois infórmate aquí do horario e do percorrido da Cabalgata na Coruña para velos no mellor sitio.
Horario da Cabalgata de Reis A Coruña 2025
Queres saber a que hora empeza a Cabalgata de Reis A Coruña 2025? Este ano comezará o domingo 5 de xaneiro 2025 ás 18:00 h, como anunciou o Concello da Coruña.
A duración da Cabalgata adoita ser de dúas horas e media, polo que a chegada á Praza de María Pita podería ser ao redor das 20:30 h. E xusto despois, será o momento no que Melchor, Gaspar e Baltasar se dirixan á cidadanía dende o balcón do Concello.
Este é o horario da Cabalgata de Reis A Coruña 2025:
Domingo, 5 de xaneiro de 2025
- 18:00 h. Inicio da Cabalgata de Reis da Coruña.
- 20:30 h (hora aproximada). Chegada dos Reis á Praza de María Pita e saúdo dos Reis dende o balcón do Concello.
Percorrido da Cabalgata na Coruña 2025
A Cabalgata da Coruña 2025 sairá, como o ano pasado, dende o barrio de Monelos, na rolda de Camilo José Cela.
O percorrido da Cabalgata na Coruña 2025 seguirá pola Avenida de Monelos, Pérez Ardá, Fernández Latorre e Costa da Palloza, para continuar por Linares Rivas, Praza de Ourense, Cantones e Avenida da Mariña ata Porta Real, onde entrarán á Praza de María Pita.
Para que toda a cidadanía poida gozar do paso de Melchor, Gaspar e Baltasar, o Concello habilita varios puntos accesibles en Pérez Ardá (fronte á estación de autobuses), en Praza de Ourense (zona do quiosco), Avenida da Mariña (fronte á Subdelegación do Goberno) e Praza de María Pita (no lateral cara a Troncoso).
Tamén se habilitarán puntos sen ruído no cruzamento entre a rolda de Outeiro e Pérez Ardá, e no interior do Teatro Colón.
Deixámosche por aquí todo o percorrido da Cabalgata na Coruña 2025 para que elixas o mellor sitio para ver ás súas Maxestades e coller moitos caramelos.
- Rolda Camilo José Cela
- Avenida de Monelos
- Alcalde Pérez Ardá
- Fernández Latorre
- Catro Camiños
- Palloza
- Linares Rivas
- Praza de Ourense
- Cantones
- Avenida da Mariña
- Porta Real
- Praza de María Pita
Cabalgata de Reis A Coruña 2025
E como vai ser a Cabalgata de Reis A Coruña 2025? Este ano conmemora o 40 aniversario da Casa das Ciencias, polo que veremos ás persoas que participan no desfile cun vestiario que se inspira no ceo e nas estrelas.
Na Cabalgata da Coruña 2025 desfilarán 13 carrozas, 6 trens e 18 espectáculos de animación e música. E por suposto, o sempre esperado camión dos Bombeiros da Coruña que pecha a comitiva e ao que os peques e maiores gritan cada ano: “eses bombeiros, que tiren caramelos”.
En canto á temática, o inverno será o fío condutor, aínda que esperemos que non faga moito frío para gozar desta máxica Cabalgata de Reis.
Visita dos Reis Magos A Coruña 2024 - 2025
Antes da Cabalgata de Reis na Coruña 2025, podes ver a Melchor, Gaspar e Baltasar en persoa no Pazo Municipal de María Pita, do 2 ao 4 de xaneiro 2025, e noutros barrios da cidade, do 27 ao 29 de decembro 2024.
Se queres saudalos e entregar a túa carta, consulta aquí as datas e horarios da visita dos Reis Magos A Coruña 2024 - 2025.
Coa Cabalgata, o Nadal A Coruña 2024 - 2025 despídese ata o ano que vén.